الموضوع: عربيتي في الانعاش من امبارح انشاء الله تطلع احسن ما كنت متخيل

لاء سرور ده في وسط البلد في شارع معروف
المهم انا خلصت امبارع على الساعة 10 كدة بالليل
و الحمد لله النتيجة أحسن ما كنت متوقع بصراحة بالنسبة للدبرياج بقى ناعم جداً بطريقة غريبة و صوت الخشونة الي في الدواسة انتهى الحمد لله
البوابة عندي كانت طالعة شكلها لا يسر عدو و لا حبيب لدرجة ان الوساخة كانت لازقة فيها مش عايزة تطلع
بس الحمد لله الباشمهندس محمد فضالي قام بالواجب و رجعها زيرو تاني
و طبعاً مع تغيير البوجيهات و فلتر الهواء و فلتر البنزين العملية اتظبط على الأخر و صوت الموتور الحمد لله هدي خالص و لسة لما اغير زيت كمان انهاردة هيبان اكتر

و غيرت طبعاً جلب المقصات و الحمد لله الدبدبة الي كانت بتحصل على عيون القطة دي اختفت بقت طبيعية يعني ما اختفتش خالص و كمان العجل مابقاش يصرخ اول ما المس الفرامل زي الاول و ان شاء الله هظبط زوايا انهاردة بردو

معلش ما اقدرتش اصور علشان المركز كان زحمة كان في اربع عربيات غير العربيات الي كانت بتيجي و تمشي

الحاجات الي هتتغير المرة الي جاية
السيور
قاعدة موتور الي هي ناحية البطارية

المعلومات :-
الموتور ابتدى يخف
علشان لما فكينا البوابة كان فيها زيت ( و ده يا اما الزيت وحش حسب كلام حسام يا اما الموتور خف حسب كلام حسام و الباشمهندس محمد ) انا بستعمل فيسكو 3000 و مرة وحدة حطيت التعاون لظروف مع انه ما كنش وحش بصراحة

بس الباشمهندس محمد و حسام طمنوني يعني اني ممكن اتعايش معاها عادي

و طبعاً بشكر الباشمهندس محمد و حسام لانهم بصراحة تعبوا معاية جداً جداً
و نصيحة الي ما جربش توب جير ياريت يجربه و مش هيندم فعلاً

بالمنسابة قابلت هناك عضو فاضل من نيسان تيم اتشرفت بمعرفته و هو AhmaZonG و باعت السلام مخصوص لحسام اوبتراوي