اصدقائى السلام عليكم
نازل انهارده ان شاء الله اجيب غطاء للعربيه وكل شويه حد يقولى هات القماش وشويه هات الوتر بروف ياريت نصيحتكم وتقولولى احسن مكان اجيبه منه فين ورينج السعر وربنا يكرمنا جميعا
عرض للطباعة
اصدقائى السلام عليكم
نازل انهارده ان شاء الله اجيب غطاء للعربيه وكل شويه حد يقولى هات القماش وشويه هات الوتر بروف ياريت نصيحتكم وتقولولى احسن مكان اجيبه منه فين ورينج السعر وربنا يكرمنا جميعا
انا اشتريت من شهر الوتر بروف ب 150 جنيه من التوفيقيه و الحقيقه غطا محترم جدا و لما بترفعه العربية مابيبقاش عليها تراب لانه متبطن من جوه و انصحك بيه
كلام صح ... وفيه منه احجام مختلفه من الصغير وحتى xxl من التوفيقيه .
الغطا القماش بيستحمل الشمس ومش بيتقطع بسرعة بس مشكلتة الازلية انه بيلم تراب بغبااااااااء كتير
فلو انت بتركن فى حتة مافيهاش تراب يبقى تجيب القماش (اتقل نوع اسمه قلع المراكب)
اما لو بتركن فى شارع عادى وفيه تراب يبقى تحافظ على دهان عربيتك وتجيب الووتر برووف لانه بيمنع التراب عن العربية (بس بعد سنة هتلاقيه اتاكل من الشمس لو بتركن فى حتة فيها شمس)
بالنسبة للوتربرووف فانا اشتريته من شارع دمشق ب 120 جنيه
خد بالك ان الحاجات دى مقاسات فانت تشوف المقاس اللى يناسب عربيتك، ويفضل انك تاخد العربية وتفرده على العربية عند الراجل علشان تشوف المقاس مظبوط ولا لأ
مشكورين يا جماعة ان جبت وتربروف ب 130 من السجان فى التوفيقيه هو شكله محترم وعرفت معلومة عنه ان تختار الاتقل عشان يكون افضل ويستحمل الشمس
هو فعلا الووتربروف احسن وانضف ومش بيلم التراب على العربية انما يعيبه انه مثار للطمع وممكن يتسرق بسهولة.
القماش انا مجربه وعندي بقاله كام شهر وطبعا بيلم تراب على العربية بغباء وبعدين الشمس بتاكل فيه وبدأ ينسل برغم ان بقاله شهور بس.
مبروك
بس مشكله الوتر بروووف أنه بياخد مساحه كبيرة فى الشنطة