استفسار للبولو 1300

**ashoub** · 04-09-2012 09:59 PM

السلام عليكم ......
طبعا كل الى معاه عربيه حسب هى بتستهلك اد ايه بنزين انا عاوز اعرف الماتور 1300 بيستهلك اد ايه بنزين
يعنى انا مثلا لو بمشى فى زحمه الصبح طبعا مش مشغل التكييف وانا راجع بشغله وانا المشوار بتاعى من شبرا الى مدينه نصر فبستهلك فى الصفيحه حوالى 130 كيلو ولو ماشى على طريق سريع ومشغل التكييف بستهلك حوالى 190 كيلو فى الصفيحه ولو من غير تكييف بتعمل 210 كيلو فياريت كل واحد حسب استهلاك عربيته يقولى ايه المشوار وبتكييف ولا من غير لانى حاسس ان العربيه كده بتاكل بنزين جامد فياريت كلنا نستفاد ومعلش طولت عليكم

**SYD** · 04-09-2012 11:08 PM

طبعا كدة بتاكل بزيادة اوي
لو انت كربراتير حاول تنظف البكات
ولو انت انجكتور 1 حاول تنظفه

راجع علي سلوك البوجيهات
راجع علي البوجيهات
راجع علي الأسبراتير
راجع علي شاكوش الأسبراتير

لما بقولك راجع - المقصود شوفوه لما محتاج تنظيف للأقطاب بتاعته

راجع فلتر الهوا

راجع اسلوب قيادتك

**ashoub** · 06-09-2012 09:48 PM

متشكر جدا ياجماعه على الردود بس انا مظبط طقم الكهرباء كله

**ahmad_salama** · 09-09-2012 12:13 PM

والله انا معايا الابيزا ال 1400 الانجكتور الواحد فاضية تماما وبتعمل نفس الرينج تقريبا وعملت كل حاجه ممكن تتعمل ومفيش تحسن. اعلي معدل عملته 9 كيلو للتر الواحد. بس برضو علشان اكون صريح المكنه فيها مشاكل كتير شوية الله اعلم بقي هو ده السبب ولا ايه

**hamada_elzayat** · 18-09-2012 05:05 PM

ممكن اعرف حضرتك بتحط بنزين كام عشان انا لسه جايبها جديد بس موديل 96 وبحط بنزين 92 ولو مفيش بحط 90 وعاوز اعرف اذا كان ينفع معاها 80 ولا لأ
وعلى فكره انا لسه مبتدى احسب متوسط استهلاكها وحقولك ان شاء الله لما اعرف

**hamada_elzayat** · 18-09-2012 11:28 PM

انا حطيت النهارده 23 ليتر واخدت الفرق بين القرائتين وكان 248 كيلو يعنى لو الصفيحه 20 ليتر تبقى عامله 215 كيلو
وانا من اسكندريه والكلام ده جوه البلد يعنى ساعات السكه كويسه وماشيه وكتيييير بتكون السكه واقفه واشارات
الخلاصه هل الكلام ده كويس ولا وحش ؟؟؟؟؟

**ashoub** · 20-09-2012 07:54 PM

انا بحط بنزين 92 على طول وطبعا تحط من بنزينه تكون نضيفه زى شيل او موبيل لكن بنزين 80 بلاش هتبهدل العربيه وبالنسبه لمعدل انها بتعمل 215 فى الصفيحه وجوه البلد ده زى الفل طبعا انا بعمل جوه البلد من غير تكييف حوالى 140 فى الصفيحه ولو على طريق سريع 240 كيلو فى الصفيحه