الموضوع: عملت الصبابات للشاهين النهارده

ازيكم يا جماعه ......
انا يوم الجمعه كان عندي فرح اخويا ولازم اخمس في فرحه وكان معايا الشاهين
روحت قبلها ظبطت العفشه ووطيت العربيه شوية وجبت مساعدين واتنين كوتش للتخميس وفلتر بنزين وتفويله 92 ونضفت الكربرتير وظبطت الموتور
الكلام دا كان قبل الفرح بحوالي 3 ايام
طبعا يوم الفرح دخلنا حوالي 5-6 عربيات يخمسو كانت العربيات بتبدل وانا في موقفتش شغال تخميس بجد افتريت افتري علي العربيه
سمعت صوت تكيهات يوم الفرح بليل قولت عمود الكامه اتكل علي الله "البقاء لله"
روحت للميكانيكي النهارده
قولتله اسمع صوت العربيه فك يظبط التكيهات لقي سيخ من الاسياخ مسقط
قالي العمود في بتاعه متكله وعايز يتغير بس انا هلف ليك الصموله بتاعت المسمار تمشي بيها كدا ومتقرصش عليها قولتله انت عارف انا مش بحب الشغل دا فك وطلع قالي دخل العربيه الورشه دخلناها الورشه ونزلنا الباب
طلعنا الموتور بره وفكينا التالي
الكارتيره بتاعت الزيت"نزلنا الزيت"
الفلانشه بالمروحه
طلعنا الرداتير بره
فيكنا المرش
فيكنا سير المروحه وسير الكتينه وما خلفه
طلعنا عمود الكامه من الجمب مكان الاسطوانه الي بيكون عليها سير الكتينه
بس قبل فك سير الكتينه حددنا مكان التقسيمه عشان منقسمش تاني
المهم
طلعنا العمود الحمد لله كان سليم بس في صبابين واحد متاكل الراس السوده بتعته مش موجود نهائي
والتاني اتاكل منها جزئ بسيط
غيرنا الصباببين
واشتريت الاتي
سليكون عشان يحطه علي جوان الكرتيره وجوان التكيها وباقي الجوانات
وجركن زيت موبيل 1 بـ 80 جنيه
وركبنا الموتور تاني وركبنا الاجزاء الي فكناها
العربيه بدأنا شغل الساعه 2 خلصنا الساعه 8
واديته 150 جنيه مصنعيه وتمن الصبابين الي ركبو وجوانات الشكمان الي ركبها
بس العربيه لسه عيزه تظبط تاكيها قالي عدي عليه كمان يومين تكون الصبابات حاجه كدا تقريبا تلين لان غيرنا اماكن الاسياخ كلها

المشاركة الأصلية كتبت بواسطة saadelden

هاتروحله يربطلك علي وش السلندر و يظبط التاكيهات
و هتلاقي العربيه بقت احسن من الاول ان شاء الله

فعلا روحت امبارح ظبط التكيهات وربط وش السلندر وركبت جوان جلد للوش وروحت عملت الشكمان العربيه بسم الله ما شاء الله مش بسمع ليها صوت نهائي
ربنا يبارك فيها ويحفظها ويبارك في عربيتنا جميعا