الموضوع: جنوط سبور للماروتى

عايز تغير لجنوط اسبور متركبش اكبر من مقاس 12 و يكون وزنه لا يزيد عن الجنط الاستاندرد و ده صعب شوية تلاقيه و بلاش تكبر اكتر من 12 عشان العفشة و ممكن تلاقي الدريكسيون تقل معاك
ممكن تكبر لـ13 في حالة واحدة يكون وزن الجنط لا يزيد عن الاستاندرد مع مراعاة النسبة و التناسب في الكاوتش اللي هيركب بحيث ميحكش في جسم العربية و يديك نفس قراية العداد و الثبات
بالاضافة لو هتجيب جنوط جيب جنوط نوعية نضيفة و أصلية سيبك من الصيني و الاندونيسي و الحاجات التعبانة دي لأنها مع اقرب فتحة او مطب جامد هتنزل تلاقيهم في الارض و ده حصل مع ناس كتيير معانا هنا و عامة الصيني و الحاجات اللي طالعة دي هتعملك للـ4 جنوط حوالي 800-1000 ج جداد

المستعمل مش شرط استيراد الخارج ممكن مستعمل هنا و نضيف لكن برده ممكن تلاقيه متبهدل و متكحت او فيه عوجة او ملحوم لو مش خبيير فيهم او معاك حد بيفهم يبقي بلاش من المستعمل و خليك في الجديد