الموضوع: لو سمحتم انا عاوز اجيب ريجاتا اية رايكم ضرورى

الريجاتا مش حلوه فى البيع لانها تقيله شويه افضلك 131 او شاهين والعربيتين بياعين وموتور اقوى من الريجاتا لو 1600 سى سى وقطع غيارهم ارخص ومتوفره اكتر باختصار افضل بكتير من الريجاتا

المشاركة الأصلية كتبت بواسطة loserdavie

اولامين فال لحضرتك ان الشاهين و 131 موتورهم اقوى من الريجاتا موتور الريجاتا 1500 يطلع من شاهين و131 ده مبدئيا وبعدين كل حاجة الريجاتا بتاعة الموتور 1500 متوفرة بكثرة ورخيصة وبعين لاوجه مقارنة بين الشاهين والريجاتا انا ارشحلك 131 بس تكون فيها مكنة 1400cl , 1600cl الريجاتا حاجتها غالية الاكسسوار بس الفوانيس الاكسدمات والشبكة ببان تابلوه (2000جم) وانت بدام اول مرة تجيب عربية يبقى اكيد حتخبطها يبقى ابعد عن الريجاتا لان حاجتها غالية جدا (الاكسسوار) وخليك فى 131 (حاجتها رخيصة) وعلى فكرة الريجاتا انعم من الشاهين و131 وعربية سابقة سنها وانضف من الدايو

مهو سبحان الله مش كل واحد راكب عربيه لما حد يقول عليها مش كويسه يبقى اكنو بيشتمو ثانيا انا حكمت بناء على ركوب ال3 عربيات وسواقتهم واقتناء 2 منهم كمان والتالته اللى هيا الريجاتا كانت مع صاحبى وكانت تحت رجلى وحاجتها اللى هى الاكسسوارات مش موجوده وغاليه ثالثا تقيله جدا فى البيع وهى اصلا عربيه فاشله رابعا مش معنى ان حضرتك راكبها بقت خلاص لمبورجينى وبتطلع من 131 cl اومن tc حتى او تطلع من شاهين 1600 ممكن تطلع من 1300 سى سى ماشى معاك ال128 تطلع منهم عادى خامسا اقول لحضرتك متشكر على احترامك بخصوص موضوع shut up ميتردش عليك فيه اصلا واخيرا بنصح صاحب الموضوع يبعد عن العربيات دى كلها ويضغط نفسه شويه ويجيب هيونداى اكسل او رينو كليو وهما احسن الف مره من العربيات اللى سبق وذكرتها على الاقل عمرهم مش 25 سنه وحاجتهم متوفره جدا
سبحانك اللهم وبحمدك اشهد ان لا اله الا انت استغفرك واتوب اليك

هي مش فكرت 1500 ولا 1600 الشاهين و 131 علي كرونه فسحبهم اضعف من الريجاتا لانها امامي

بس انا من راي 131 افضل بكتير كفايا انها مرسيدس الفيات وطبعا الشاهين والرجاتا محترمين ومافيش كلام عليهم والله الموفق

المشاركة الأصلية كتبت بواسطة loserdavie

اولا كلامك صح مش كل واحد راكب عربية يبقى تبقى نمرة واحدة او مصنعها فى بيتهم ثانيا انت كنت راكب 2 منهم والريجاتا تحت رجلك ( عربيت صحبك كنبة يبقى متحكمش على بقية العربيات بانها كنب ) ثالثا اما بالنسبة انها عربية فاشلة يبقى انت معرفتك بالعربيات معرقى سطحية و انا اسف سواق دريكسيون وارجع الاصل الفيات وشوف كمية مبيعات الريجاتا وانها افضلت تتنتج لحد 94 فى الارجنتين الشاهين الى انت طاير بيها ديه رفض الاتحاد الاوربى يستوردها ومسروق شكلها من الريجاتا وشاسيه 131 انتجت اول عربية ريجاتا 83 وحساس كرنك والكترونى وتيل بفيشة كل ده وعربية فاشلة والله معارف اقولك ايه يابانى الفيات زمان الريجاتا يا بيه وسبب عدم انتشار الريجاتا انها نزلت بتكناوجيا سبق سنها والصنايعية البهايم مبيعرفوش يشتغلو فيها اذا كان بلد الكورى فيه ليه قيمة والالمانى ملوش قيمة تتوقع ايه؟ شوف البيجو بتاعتك ديه فيها 2 كم سلك (وما اعتقدش انك تعرف المعلومة ديه) عربية نمرة واحد انزل السوق وشوف حتجبلك ايه وشوف الفيؤنا بتعمل كام والله هتضحك من الحزن ؟ اما بالنسبة 126 تطلع منهم انت بتهزر واتفنا خلاص رابعا انا اسف جدا لحضرتك وخلاص :018a1d~146: ياريت صاحب الموضوع لو ركب اكسيل يبقى 28 ابرك منها

اولا متشكر لردك العالى الدال عليك ثانيا عربيه صاحبى دى كانت من انضف الريجاتا فى بلدك ثالثا انا مش عارف انت بتهاجم ليه من الاول وواخد الموضوع بحساسيه اوى رابعا انا الحمد لله مش سواق دركسيون انا مهندس ميكانيكا و بسوق وبركب عربيات معلش من قبل ما انت تعرف يعنى ايه عربيه خامسا انا مش هقول انا اكتر واحد بيفهم فى العربيات وشغل الجهله ده بس يكفينى انى مفيش عربيه بركبها غير لما بكون حافظها من ا الى ى اخيرا احب اقولك مع احترامى لكل ملاك السيارات اللى ذكرتها انا اقلعت عن مستوى العربيات دى من زمان ولا تمثل لى شئ كما انى صعب انى احترم عربيه والوحيده اللى بحترمها فى اللى فات 131 فقط ومطلعت بحاجه فى السما

حاجه كمان انا لن اتواجه معك مره تانيه لانى مش عندى وقت ولا جهد ارد عليك و مشاركتى من الاول كانت لافاده صاحب الموضوع بالانسب ليه فى الاختيارات ولم ابتغى سوى الثواب من الله ومدخلتش لا امدح ولا اذم فى عربيه بس انا انسقت لاستفزازك و خرجنا عن سياق الموضوع وبعتذر لصاحب الموضوع عن ذلك

صلو علي النبي ياجماعه مش كده .. كل شخص ليه وجهة نظر ولازم نحترمها وهو ماغلطش في البخاري مثلا