اسعار قطع غيار جين تو الله يكرمكم

**mahmoud85** · 05-09-2012 08:54 AM

بس الله الرحمن الرحيم
انا ناوي اجيب جين تو ان شاء الله مستعمل ونفسي اعرف اسعار قطع غيار العربيه بره التوكيل ياريت اي حد غير حاجه فالعربيه يقول هو جابها بكام انا عاوز اعرف سعري تقديري عشان اعرف هقدر عليها ولا ايه
ابوس ايدكم اللي يقرا الموضوع مايبخلش بمعلومه هو عارفها ومتاكد منها
وشكررررررا

**Nistelrooy** · 05-09-2012 11:14 AM

**mahmoud85** · 05-09-2012 11:17 AM

كوبلن ب 1800 جنيه ؟ الاسعار دي بجد ؟

**HAITHAM1985** · 05-09-2012 11:28 AM

المشاركة الأصلية كتبت بواسطة Nistelrooy

جابلـــــــــــك من الأخـــــــــــــــــــــ ـــــــــر

أسعار حراقه طبعا بس دى genuine يعنى بتاعة بلادها يعنى هاتعيش ضعف عمر الإستيراد والمضرووووووووب

معادلة المتانة والسعر العالى أو الجودة الضعيفة والسعر المعقول

صدقنى العربية مذهلة وقليلة الأعطال

وكمان هتبقى سلفى علشان دى ماليزى يعنى بتدعم الصناعة الإسلامية ........ هههههه

**mahmoud85** · 05-09-2012 01:10 PM

اللي مش فاهمه ازاي كوبلن يكون اغلي من المساعد ؟؟؟ ده طبعا اكيد لسه غير اسعار الكمبيوتر والموتور واللذي منه .... نفسي اركبها بس خوفتوني

**DESIGNER105** · 05-09-2012 10:55 PM

انا معايا جين 2 2007 .....سيبك من اسعار التوكيل ..دول ولاد........................وليا تجربه مريره معاهم ...قطع الغيار موجوده بره بس ليها ناس معاينه ... انا جبت طلمبة مايه اصليه ماليزى بتاعت العربيه ب200 جنيه مع انها فى التوكيل ب500 جنيه يعنى اكتر من الضعف ....والردتير لوحدو من غير مراوح جبتو ب900 جنيه ..ماليزى الاصلى بتعها ...على فكره رداتير الكيا سيراتو ب1000 جنيه ....الفانوس المامى ب350 وفى كوبى منو ب250 وموجود فى شارع دمشق..هوهو فى التوكيل ب900 جنيه ...الزجاج الامامى فى التوكيل ب900 جنيه ركبتو بره ب350 جنيه بس......قطع الغيار موجوده ومش غاليه للدرجه الى الناس متخيلها .... والعربيه جميله ثبات وقوة وسحب عالى ...لو ركبتها وجيت تركب عربيه تانيه من نفس الفقه هتحس فعلا بالفرق.....لكن عيبها التوكيل الزباله ..لو عرفت تتعامل بره التوكيل هيبى مفيش مشكله

**mahmoud85** · 05-09-2012 11:02 PM

المشاركة الأصلية كتبت بواسطة designer105

انا معايا جين 2 2007 .....سيبك من اسعار التوكيل ..دول ولاد........................وليا تجربه مريره معاهم ...قطع الغيار موجوده بره بس ليها ناس معاينه ... انا جبت طلمبة مايه اصليه ماليزى بتاعت العربيه ب200 جنيه مع انها فى التوكيل ب500 جنيه يعنى اكتر من الضعف ....والردتير لوحدو من غير مراوح جبتو ب900 جنيه ..ماليزى الاصلى بتعها ...على فكره رداتير الكيا سيراتو ب1000 جنيه ....الفانوس المامى ب350 وفى كوبى منو ب250 وموجود فى شارع دمشق..هوهو فى التوكيل ب900 جنيه ...الزجاج الامامى فى التوكيل ب900 جنيه ركبتو بره ب350 جنيه بس......قطع الغيار موجوده ومش غاليه للدرجه الى الناس متخيلها .... والعربيه جميله ثبات وقوة وسحب عالى ...لو ركبتها وجيت تركب عربيه تانيه من نفس الفقه هتحس فعلا بالفرق.....لكن عيبها التوكيل الزباله ..لو عرفت تتعامل بره التوكيل هيبى مفيش مشكله

الله يكرمك ويجازيك خير لان انا كنت هموت علي العربيه بس اتصدمت من الاسعار لكن انت رجعتلي الامل
انا هبعتلك عالخاص عشان تقولي باقي الاسعار

**Motarjim** · 06-09-2012 02:52 AM

المشاركة الأصلية كتبت بواسطة designer105

انا معايا جين 2 2007 .....سيبك من اسعار التوكيل ..دول ولاد........................وليا تجربه مريره معاهم ...قطع الغيار موجوده بره بس ليها ناس معاينه ... انا جبت طلمبة مايه اصليه ماليزى بتاعت العربيه ب200 جنيه مع انها فى التوكيل ب500 جنيه يعنى اكتر من الضعف ....والردتير لوحدو من غير مراوح جبتو ب900 جنيه ..ماليزى الاصلى بتعها ...على فكره رداتير الكيا سيراتو ب1000 جنيه ....الفانوس المامى ب350 وفى كوبى منو ب250 وموجود فى شارع دمشق..هوهو فى التوكيل ب900 جنيه ...الزجاج الامامى فى التوكيل ب900 جنيه ركبتو بره ب350 جنيه بس......قطع الغيار موجوده ومش غاليه للدرجه الى الناس متخيلها .... والعربيه جميله ثبات وقوة وسحب عالى ...لو ركبتها وجيت تركب عربيه تانيه من نفس الفقه هتحس فعلا بالفرق.....لكن عيبها التوكيل الزباله ..لو عرفت تتعامل بره التوكيل هيبى مفيش مشكله

السلام عليك باشمهندس designer105،

ممكن حضرتك تقولنا أماكن توافر قطع الغيار بهذه الأسعار حتى تعم الفائدة، ويُجّزل لك الثواب بإذن الله؟

جزاك الله خيرًا

**tutankhamoun** · 06-09-2012 06:57 AM

السلام عليكم يا شباب .
مبدئيا ......... أسعار أي توكيل ..........كدا مش أسعار عز العرب بس .

=============

بالنسبة لوجود القطع
فيه محلات في شارع دمشق (المدينة و مكة ) بيتعاملوا في حاجة الجين 2 .
و فيه محل أولاد منصور في شارع المحطة في الجيزة .
و فيه محل بس مش عارف أسمه في شارع السودان في المهندسين .

طبعا كمان فيه قطع غيار مشتركة ما بينها و ما بين عربيات تانية و لكني مش هافتي لأني مجربتش بأيدي .

بالاضافة طبعا لوجود قطع استيراد في الحرفيين .

موتور كامل بالفتيس كنت سألت عليه في 2009 ............. كان ب 10 الاف موديل 2008 يعني موديل السنة . و بالتركيب باين (مش فاكر )
بتبقى مواتير خارجة من عربيات حوادث (جاية من شرق آسيا )

أنزل لف لفة في الحرفيين .
فيه هناك كام محل شغالين في أنصاص جين 2 ..... و مواتير كاملة .

فيه ناس معاهم جين 2 مغييرين الفتيس بفتيسات لانسر (قصيرة النفس ) علشان الشد على السرعات القليلة و الدنيا شغالة زي الفل .
و فيه ناس مسقطين مواتير 2400 و مواتير 2000 ....... ميتسوبيشي لزوم الجري و الشد (ربنا يهديهم و يهدينا )
أنا قلتلك الأمثلة دي علشان تعرف بس أن العربية فيها حاجات مشتركة كتيرة ما بينها و ما بين عربيات تانية .

**DESIGNER105** · 06-09-2012 10:44 AM

زى ما قال الاستاذ tutankhamoun على اماكن قطع الغيار ....ومعظم القطع البسيطة فلاتر وكده بتبقى ماتسبيشى ...انا مركب فلتر زيت بتاع متسوبيشى لانسر مثلا ....وحد كان قالى ان المساعدين بتوعها بردو لانسر بس مش متاكد......