عايز اعرف البوجيهات شغاله ولا محروقه ازاي

**medothefirst** · 05-09-2012 10:03 AM

السلام عليكم ورحمة الله
لو سمحتم ازاي اعرف اذا كانت البوجيهات اتحرقت ولا لا لأن اخويا راح بالعربيه كانت عامله صوت عالى عند ال40 الف كيلو جديده لسه للميكانيكي وقاله البوجيهات اتحرقت غيرها ف يا ريت اعرف انا بنفسي اذا كانت محروقة فعلا ولا لا وشكرا.

**romieh** · 05-09-2012 10:24 AM

البوجيهات لو مش شغالة هتلاقى العربية متلتة

حضرتك تشغل العربية وتقف جنب الموتور وتبدأ تشيل أسلاك البوجيهات واحد واحد والعربية دايرة

المفروض لو البوجيهات سليمة وشغالة انك لما تشيل سلك البوجيه العربية تبرجل وترعش جامد

انت تشيل السلك الاولانى لو العربية برجلت يبقى البوجيه ده سليم ترجع السلك تركبه وتشيل التانى وهكذا لحد لما تحدد البوجيه العطلان

لو العربية برجلت فى كل البوجيهات لما شلت اسلاكها يبقى بوجيهاتك سليمة وتشوف الصوت ده من حتة تانية