فتيس الصنى(2008) باظ يا رجالة وغيرته

ياجماعة كله يخلى باله انا ركنت العربية الساعة 3الفجر يوم الخميس ونزلت الجمعة بعد الصلاة دورت وطلعت لايت العربية طلعت على التانى ومبتنقلش وعملت دبة وقفت وبطلت ودورت وطلعت مشيت كويس وبعدين جيت اجيب مارشدير المفجاة مفيش مارشدير المهم رحت للمكنيكى بسرعة قلت الحق الى دا فتيس بعد ما شال قشلط البطرية شوية وركبه قلتله انت اهبل يا عم مشيت ورحت لبتاع الفتيسات الى فى احمد سعيد قلى دا فتيس والحل اما ان يتصلح ومصنعية التصليح 500ج اى ان كان اما ان يتغير وسعتها المصنعية هتكون 300ج واقترحت عليه انه يفك كرتيرة الزيت والفلتر ويغسل كويس ونفير الزيت وفعلا عملت كدا وكانت النتيجة صفر المهم وانا واقف عنده بالصدفة كان فى واحد عنه مشكلة برده فى المارشدير بتاع الصنى وخد منه 2170ج قطع غيار ومصنعية وطبعا قطع الغيار من عنده المهم انا قررت ان اشتريه استيرا وخصوصا انه لايته ب1800ج فى الحرفين رحت جبته امبارح وهياخد يوم تركيب وهستلم انهاردة بليل ان شاء الله وربنا يسترها

ياريت تقلنا لما فكيت الفتيس كان اية الى بايض بالضبط وهلى طريقة سيادتك ممكن تكون السبب ولا اية
والفتيس الاستيراد أنت الى جبتة لوحدك ولا اخت معاك ميكانيكى وفى ضمان ولا لا وربنا يوفقا فى التركيب

قدر الله و ما شاء فعل . انا بصراحه مستغرب شويه من حكايه الفتيس دى. هو حضرتك قبل ما تغيره ما كنت تروح التوكيل يكشفوا عليه او حتى تروح لمركز صيانه تانى و تسأل برضه قبل ما تغير و بعدين مفيش فتيس بيبوظ مره واحده بالطريقه اللى حضرتك بتقولها دى يعنى بتبقى فى مقدمات للموضوع و اعراض . يا ريت بس توضح تاريخ المشكله و اذاحضرتك كنت بتعمل الصيانات فى التوكيل او خارجه و فى مواعيدها و لا لأ و اذا كنت غيرت زيت الفتيس قبل كده و لا لأ و غيرته بعد كام كيلو و العربيه ماشيه كام كيلو معلش الاسئله كتيره بس اصل الموضوع نادر شويه بالنسبه لفتيس يابانى فى عربيه 2008

إيه كانت الاعراض ؟؟؟؟؟؟؟

الموضوع غريب لازم نعرف كل تاريخ العربيه عشان نقدر نحدد وهي ماشيه كام كيلو وكام مره غيرت الزيت واسلوب القياده وممكن حركه في مطلع او منزل تضرب الدنيا كلها

وبصراحه الحوار نادر

وسعر الفتيس كويس ك مستعمل بس المهم الحاله

احسن حاجة انك جبت الاستيراد بس المهم الحالة
وعشان تشترى دماغك الفتيس الاوتو مش بيتصلح يعنى انت فعلا عملت الصح ..

بس هو انت كنت عملت ايه في الفتيس حرام عليك
ده فتيس يابانى وكمان 2008 يعنى المفروض يكون بحالته
عارف لو كورى هقولك ماشى انما ده يابااااانى

ياريت تحكيلنا اكتر عن المشكلة وظروف سواقتك وعربيتك وعاملة كام كيلو وكدة ..
ومبروك الفتيس الجديد ويارب المشكلة تخلص على خير

انتو عرفتوا أنه أوتو منين ؟؟
شكله مانيوال لأنه بيقول العربية طلعت على التاني
و الله أعلم

اقتباس:

---

المشاركة الأصلية كتبت بواسطة mff_629

انتو عرفتوا أنه أوتو منين ؟؟
شكله مانيوال لأنه بيقول العربية طلعت على التاني
و الله أعلم

---

كلمة طلعت على التانى يتفهم منها انه اوتو

غير لما يقول الاول ما بيجيش وبطلع على التانى ، دى يتفهم منها انه مانيوال

شال قشاط البطارية و ركبه و فك فلتر الزيت....دة معناه اوتوماتيك
بس انت ليه ما كشفتش بالجهاز ......السيرفيس مانيوال فيه خطوات تدلك العيب فين بالضبط.....ممكن تكون حاجة بسيطة زي سولونويد مثلا والتكلفة حتكون اقل....اما لو كذا حاجة بايظة فالاحسن انك تغيره فعلا
بالمناسبة الفتيس الاوتوماتيك الكوري ما بيقلش كفائة عن الياباني

ربنا يوفق فى التركيب

ربنا يسهلك الامور وبسيطة ان شاء الله
بس ياريت تشرحالنا بالتفصيل ايه الاعراض اللي حسيتها في العربية قبل الموضوع ده

بانضم لتساؤلات الاعضاء السابقين عن تاريخ العربية وعدادها وعمل الصيانات ولا لأ سواء برة او جوة التوكيل ومواعيد تغيير زيت الفتيس بالظبط وهل فيه تاريخ لقطر العربية بونش مثلا او عربية تانية لتعطلها او ركن العربية على مطالع او منازل كتير وغيرها ..
لأنى اول مرة اسمع عن شكوى من فتيس النيسان بصراحة عكس فتيس الميجان المشهور وكمان موديل 2008 يعنى العربية لسه مخلصة الضمان من سنة !!!!!!

متابع بأهتمام

غريبه اوى

اقتباس:

---

المشاركة الأصلية كتبت بواسطة elnady_1987

ياجماعة كله يخلى باله انا ركنت العربية الساعة 3الفجر يوم الخميس ونزلت الجمعة بعد الصلاة دورت وطلعت لايت العربية طلعت على التانى ومبتنقلش وعملت دبة وقفت وبطلت ودورت وطلعت مشيت كويس وبعدين جيت اجيب مارشدير المفجاة مفيش مارشدير المهم رحت للمكنيكى بسرعة قلت الحق الى دا فتيس بعد ما شال قشلط البطرية شوية وركبه قلتله انت اهبل يا عم مشيت ورحت لبتاع الفتيسات الى فى احمد سعيد قلى دا فتيس والحل اما ان يتصلح ومصنعية التصليح 500ج اى ان كان اما ان يتغير وسعتها المصنعية هتكون 300ج واقترحت عليه انه يفك كرتيرة الزيت والفلتر ويغسل كويس ونفير الزيت وفعلا عملت كدا وكانت النتيجة صفر المهم وانا واقف عنده بالصدفة كان فى واحد عنه مشكلة برده فى المارشدير بتاع الصنى وخد منه 2170ج قطع غيار ومصنعية وطبعا قطع الغيار من عنده المهم انا قررت ان اشتريه استيرا وخصوصا انه لايته ب1800ج فى الحرفين رحت جبته امبارح وهياخد يوم تركيب وهستلم انهاردة بليل ان شاء الله وربنا يسترها

---

نخلى بالنا من ايه وازاى
من ركنه العربيه باليل
ولا 2170 بتوع المصنعيه و1800 بتوع الفتيس الأستيراد
ولا انه موجود فى الحرفيين

متابع بأهتمام

والله يا جماعة انا بسوق براحة جدا وال rbm مبيعلاش عن ال3 غير قليل جدا وبعد ما بركن العربية بشد فرامل اليد قبل ما اجيب الفتيس على الp والعربية مغيرة زيت فتيس قبل ما يبوظ ب20000كم فى التوكيل وكانت عاملة سعتها 60000كم وان فعلا ركنت العربية ونزلت لقتها كدا دون اى مقدمات دا كمان كان فى واحد ركب معايا قبليها بيومين وقلى ايه دا دا العربية بتاخد الغيار لوحديها من غير ما تحس وناس كتير طبعا قلولى ان دا السبب بس انا مبعترفش بالكلام دا وانا فعلا رحت لاكتر من واحد وكله قلى فتيس وانا جبته استراد عشان اريح دماغى وفكته من على ماتور من غير مااخد ميكانيكى ولا حاجة ودا كان من اغلى الاسعار لانه ابتدى 2300ج وقعدنا نفاصل لما وجعنا قلب بعض وخته 1800ج بضرب النار والراجل دا تقريبا انا لقيته انظف واحد فى الحرفين والعربيه والله مظهرتش معايا اى علامات ولا اى حاجة بس الراجل قالى ان ممكن يكون سبب من الاسباب حاجة من اتنين اما انى غسلت العربية من تحت قبل الموضوع بشهر ودا مفتكرش اما ان يكون ان انا مبسخنش العربية خالص يعنى بدور ودقيقة بالظبط وبطلع والراجل اكد عليا ان موضوع التسخين دا مهم جدا للفتيس والماتور

متابع باهتمام

اقتباس:

---

المشاركة الأصلية كتبت بواسطة elnady_1987

والله يا جماعة انا بسوق براحة جدا وال rbm مبيعلاش عن ال3 غير قليل جدا وبعد ما بركن العربية بشد فرامل اليد قبل ما اجيب الفتيس على الp والعربية مغيرة زيت فتيس قبل ما يبوظ ب20000كم فى التوكيل وكانت عاملة سعتها 60000كم وان فعلا ركنت العربية ونزلت لقتها كدا دون اى مقدمات دا كمان كان فى واحد ركب معايا قبليها بيومين وقلى ايه دا دا العربية بتاخد الغيار لوحديها من غير ما تحس وناس كتير طبعا قلولى ان دا السبب بس انا مبعترفش بالكلام دا وانا فعلا رحت لاكتر من واحد وكله قلى فتيس وانا جبته استراد عشان اريح دماغى وفكته من على ماتور من غير مااخد ميكانيكى ولا حاجة ودا كان من اغلى الاسعار لانه ابتدى 2300ج وقعدنا نفاصل لما وجعنا قلب بعض وخته 1800ج بضرب النار والراجل دا تقريبا انا لقيته انظف واحد فى الحرفين والعربيه والله مظهرتش معايا اى علامات ولا اى حاجة بس الراجل قالى ان ممكن يكون سبب من الاسباب حاجة من اتنين اما انى غسلت العربية من تحت قبل الموضوع بشهر ودا مفتكرش اما ان يكون ان انا مبسخنش العربية خالص يعنى بدور ودقيقة بالظبط وبطلع والراجل اكد عليا ان موضوع التسخين دا مهم جدا للفتيس والماتور

---

اشكر حضرتك جدا لو قولتلي اسم التوكيل الي غيرلك زيت الفتيس الي هو المفروض اخر واحد عمل شغل في الفتيس

اقتباس:

---

المشاركة الأصلية كتبت بواسطة FBIAhmed

اشكر حضرتك جدا لو قولتلي اسم التوكيل الي غيرلك زيت الفتيس الي هو المفروض اخر واحد عمل شغل في الفتيس

---

وكمان توضيح للعداد ..
هل كانت العربية عاملة 60 الف كم وانت بتغير زيت فتيس اول مرة ودلوقت عاملة 80 الف كم ؟
ولا غيرت الزيت على 40 الف كم ودلوقت عاملة 60 الف كم ؟
وياريت لو حضرتك تفتكرلنا كام لتر زيت لزم للفتيس تقريبا ؟
ومبروك ع الاصلاح .. بس مستغرب من ان حضرتك كده خدت القرار بشراء فتيس جديد استيراد دون الرجوع للتوكيل اللى غيرلك الزيت قبل كده عشان يكشف ويراجع ويوضح السبب اللى ممكن يكون خطأهم فى المقياس او نوعية الزيت
ولو كان فعلا محتاج تغيير كنت اشتريه من برة طبعااااااااا لأن ثمنه فى التوكيل 28 الف جنييييييييييييييييييه :beatbrick:

والله يا باشا انا كنت عامل الصيانة فى التوكيل الى فى الدقى ولما غيرت الزيت كنت عامل 60000كم ومرجعتش للتوكيل لان انا شايف ان دا تضيع وقت على الفاضى ومش هاخد منهم ولا ابيض ولا اسود وانا بسراحة معنديش وقت وخفت ان العربية تقف منى خالص وساعتها هتر اجيب ونش ودا طبعا هيتكلف بالميت 350ج وكنت عملت تجربة فى الفتيس القديم فقلت مش طلبة وجع قلب وكيدا كيدا فى الاخر هجيب فتيس

قدر الله و ماشاء فعل الحمد لله على كل شئ