السلام عليكم ورحمة الله وبركاته
كنت ناوى اتكل على اللة و اجيب بيجو 508
لكن ناس كتير مخوفانى من عدم تواجد بعض قطع الغيار و عدم اللاحترافية فى التعامل اثناء الصيانة عند الوكيل
أرجو الافادة ضرورى لحسن فعلا تعبت كل عربية لازم يطلع فيها عيب
شكرا مقدما
عرض للطباعة
السلام عليكم ورحمة الله وبركاته
كنت ناوى اتكل على اللة و اجيب بيجو 508
لكن ناس كتير مخوفانى من عدم تواجد بعض قطع الغيار و عدم اللاحترافية فى التعامل اثناء الصيانة عند الوكيل
أرجو الافادة ضرورى لحسن فعلا تعبت كل عربية لازم يطلع فيها عيب
شكرا مقدما
وعليكم السلام ورحمة الله و بركاته
ان شاء الله ال يفيدك اكتر في ال 508 الاخوة ال معاهم العربية هنا
لكن ال اقدر اقولهولك ان عدم تواجد بعض قطع الغيار الكلام ده غير صحيح بالمرة لان البيجو عموما و الموديلات الحديثة خاصة قطع غيارها متوفرة وبكثرة في اماكن كتير سواء في التوكيل او مراكز الصيانة المعتمدة زي احمد عمارة و مودرن سيرفيس وغيرهم وبره التوكيل متوفرة في شارع دمشق و مجلس الامة وهتلاقي الاصلي والبدايل الكويسة برضه اسباني وايطالي والماني
اما بالنسبة لعدم الاحترافية التوكيل من زمان فيه كفاءات كتير وناس محترمة بس كانت مشاكله مشاكل ادارية وسوء تنظيم لكن بدا يتحسن كتير دلوقتي مع الوكيل الجديد وكمان مراكز الصانة المعتمدة زي احمد عمارة ومودرن سيرفيس وصلاح الدين وغيرهم كتير الصيانة عندهم محترمة جدا .
وربنا يوفقك
ألف شكر يا أستاذ وائل على معلوماتك القيمة.
بالنسبة للسيارات البيجو عاما هل بتحتاج صيانة كتير ولا زى اليابانى ممكن تنساها؟
شكرا
العفو يا باشا
البيجو عامة طول ما بتعملها الصيانة الدورية في مواعيدها ان شاء الله هتنساها بالعكس في حاجات كتير فيها ماشاء الله تنساها اكتر من الياباني يعني مثلا ال 406 معايا عمرها 10 سنين وبغير حاجات في العفشة وقواعد الموتور لاول مرة من ساعة ما خرجت من المصنع ده طبعا مع شوارعنا الجميلة و بصراحة كنت بفتري على العفشة:funny34d: