عرض للطباعة
السلام عليكم
في رجرجة فى الجزء الشمال للعربية اللى هوا عند السواق وبحسها كمان فى دواسة البنزين والكرسي
وباين اوي فى الطارة والمراية اللى جنبي بتترعش لدرجة اني ممبقاش عارف اشوف من كتر الرعشة
وفي صوت بس مش عارف احددها مش بيظهر وانا مهدي ..
الحاجات دي بتزيد مع السرعة وتقل وانا ماشي على 60 مثلا بتبقي بسيطة .. اوصل ل 80 تبدأ تزيد معايا
العربية عاملة 130000 كم .. مش عارف بقي دا ممكن يكون ايه !
ياريت تفيدونا لحسن انا قلقان جدا على الموضوع دا
وشكرا
-اكشف علي كراسي الموتور والاستابلايزر اللي فوق
ممكن تكون مشكلة ترصيص فى العجلة الشمال او الجنط موش مظبوط
راجع علي صليبه الدركسيون وراجع علي قواعد الماتور كلها والجنط الشمال والمقصات
احتمالات كتير
بس مادام على سرعه قليله
يبقى جنط
طمبوره
فردة كاوتش
هيا بتبقي برضه على سرعة قليلة .. اكن العربية بتعرج كدا .. وفي صوت زي حاجة بتلف زي الموتور كدا ولما اهدي الصوت يقل خالص .. طيب اروح لعفشجي .. بتاع كاوتش .. ولا ميكانيكي ؟
الحمد لله ربنا ستر .. طلع المشكلة فى الكاوتش الخلفي ..
فرقع وانا ماشي على الدائري بس الحمد لله جت سليمة .. غيرته وبقت زي الفل الحمد لله
الف شكر ليكم :)
حمد الله على السلامه
و مش قلتلك فردة كاوتش
الله يسلمك طناني باشا .. المشكلة اني انا بصيت عليهم وحسست عليها كدا عشان لو بروز بس ملقتش
شكل كان فى مشكلة فى السلك بتاعها
الحمد لله جت سليمة
متعرفش البربريز الامامي للاسترا 2001 بكام لحسن اتشرخ جامد اوي وشكله مش هبنفله لحامات خالص عشان شروخ زي الشمس كدا كتير
وشكرا يا باشا ليك :)
اسأل عليه فى جريش على طول
و ركبه هناك