السلام عليكم ورحمة الله وبركاته

اخيرا رحت اظبط العفشة عند مركز صيانة احمد عمارة بالقطامية و بصراحة ناس محترمة جدا و متوفر عندهم معظم قطع الغيار الاصلية و باسعار قريبة من بره التوكيل او تزيد فرق بسيط بس كلها اصلية واليكم بعض اسعار قطع الغيار ال جبتها من عند احمد عمارة و بعضها جبته من بره لاني كنت شاريها قبل ما روحله لكن هي موجوده عنده

جلبة كرسي مقص 225
جلبة مقص عفشة 125
ذراع بارة دركسيون 400
طرف بارة دركسيون 300
ذراع ميزان خلفي فبر 250
ذراع ميزان خلفي حديد 425
مساعد خلفي 625
كاوتشة شكمان 55
قاعدة فتيس 350
اويل سيل كرنك كبير 135
اويل سيل قربة فتيس 145
اويل سيل كوبلن 85
بلية كوبلن 150
شداد قاعدة موتور سفلية ( الهلالة ) 300
طقم بوجيهات 2 شمعة 120

دي اسعار القطع الاصلية من احمد عمارة بس معظم حاجات العفشة زي الجلب والدراعات كتبت سعر الواحدة وهي بيتغير اتنين

بعض الحاجات جبتها من بره منها:

بيض مقص الاصلي الواحدة 200 الاسباني الواحدة 75
ذراع ميزان الاصلي 300 البلجيكي 160
قاعدة شداد موتور العلوية اصلي 325
طقم تيل اسباني 180
ماسورة مياه ردياتير بالخرطوم الاصلي الموديل الحديث 600 الموديلات الاقدم في نوع ب 250 ونوع ب 400
فلتر بنزين 50

الاسعار دي من غزال في شارع دمشق

في حاجات بقى جبتها من وجيه اباظة التوكيل نفسه :

قاعدة موتور علوية ( القاعدة الزيت ) 267.5
جلبة قاعدة موتور سفلية 117
طنبورة كرنك 473
سير مجموعة 196

اسعار المصنعيات :
تغيير عفشة امامي وقواعد الموتور 250
تغيير عفشة خلفي 175
فك وتركيب الفتيس وتغيير الاويل سيل 450

ملحوظة اسعار قطع الغيار من احمد عمارة والتوكيل بتضيف عليها 10 % ضريبة

ال ناوي يدخل على العفشة بقى ربنا معاه
عملت مبلغ محترم في الاخر بس الحمد لله فرقت فرق شاسع في العربية