فكرة و اقتراح: الغاء الجمارك علي العربيات الكهرباء !

**ahmed1981** · 05-09-2012 10:44 PM

فكرة ممتازة طبعاً

وأضيف عليها أن يكون الحافز للعربيات الكهربائية فقط وليس الهجين

حيث أنه يوجد عربيات بنزين وكهربا في نفس الوقت وهذه ممكن تشتغل بنزين أغلب الوقت
وكأنك يا بو زيد ما غزيت

لكن العربيات الكهرباء فقط بتكون كهربا فقط
والميزة إنها لا تطلق أي ملوثات

وتخيل معي القاهرة بدون عوادم
حاجة روعة

لكن هناك شرط واحد لتنفيذ هذا الأمر
هذا الشرط هو:ــ

إنشاء محطة توليد الكهرباء النووية بالضبعة والحقيقة أنه المخطط أن ينشئ في الضبعة تسعة محطات نووية وليس واحدة

لكن بدون تلك المحطات فلا يجوز أن نشجع السيارات الكهربائية عشان المراوح تفضل شغالة في البيوت

ولو النووي إشتغل أنا أول واحد هشتري السيارة الكهربائية
وأساعد كمان في نشر الأمر ده

**matrix_it** · 05-09-2012 10:50 PM

يا جماعة الشوارع مش ناقصة زحمة !!

**shaddadfalcon1** · 05-09-2012 10:53 PM

طيب في الصيف لما الكهربا تقطع ؟

**Y a r i s** · 06-09-2012 01:54 AM

في الصيف لمن الكهربا تقطع يبقى يشغلوها بشمعه هههههههههه
بص ياعزيزي احمد هما لو رفعوا الجمارك عن السيارات الكهربائية بس .... فانتا عارف الشعب المصري قد ايه عبقري هتبص تلاقيه جاب عربية كهربا من بره. ويقوم شاري متور من وكالة البلح ومسقطلها متور بنزين .... واذا ممنوع اهو قبل الفحص يقليها كهربا وبعد الفحص يرجعها بانزين لكن الحل انهم يرفعوا الجمارك. بكل صورها
وبالعكس زحمة الشوارع هتخف لان الناس الي راكبه عربيات زبالة. وكل شوية تعطل منوا هتبص تلاقيهم رموها. .... واشتروا عربيات حديثة كل فين وفين لمن تعطل ... وحتى العربية الحديثة والنضيفة بتؤثر على سلوكيات الفرد في المجتمع يعني بتاع الادا ولا البيجو الي. بينزل ويرمي عربيتوا في نص الشارع. لو كان راكب عربية. جديدة ومحترمه هتبص تلاقيه خاف عليها. وميركنهاش غير على جنب ... مش هتلاقي الناس الي بيبلطجوا بعربياتهم القديمة اكمنو مش خايف عليها .... ففيها ايه لو يرفعوا الجمارك شوية على الشعب المصري عمر الشعب ده والجيل ده. قصير اكمن اتحرق دمووو كتير وكلوا اكل ملوث اكتر يعني كبيرهم كام سنه ومع حبت الامراض الي عندنا هتلاقينا نودع بدري بدري فخلونا نركب حاجة نضيفه من نفسنا. اهو اسمنا عشنا حبه في حياة نضيفة

مش تبقى راكب عربيتك وتلاقي عربية قدامك كل مايدوس بانزيزن تلاقي الساحبة السودة انطلقت في وشك ومتبقاش قادر تاخود نفسك ولا قادر حتى تشوف قدامك من التلوث وياسيدي اهو يرفعو الجمارك عن الاوبشن الي في العربية ووسائل الامان. اهو يرفعوا الجمارك عن العربيات الي اقل من ١٦٠٠ سي سي كده يعني دلع شعبك

**Elawany13** · 06-09-2012 02:09 AM

الموضوع مش بالبساطة ديه
معظم الطاقة الكهربائية المنتجة فى مصر بنحصل عليها من مشتقات البترول زى البنزين والسولار والغاز والفحم
السيارات الكهربائية إتحاربت فى امريكا بلد الطاقة النووية
شوفوا الفيلم ده

http://www.nilemotors.net/Nile/29168...post3874345032

**Y a r i s** · 06-09-2012 05:52 PM

المشاركة الأصلية كتبت بواسطة sha2e

بتوع الباركينج هيهيصو
كل واحد هيشدله سلكين من العمود ويشحنو العربيات الى راكنه وبدل ما كان بياخد الفلوس هياخدها بحق مكتسب
وهتبقى مقولتهم الابديه قبل ما تنزل من عربيتك : تمام كده ياباشا مورها بقى ومترفعش الهاند وهيضيف الجديد "سيب مدخل الشحن مفتوح وهتيجي هتلاقيها مشحونه"
المخزي ان ناس كتير هتقبل على نفسها انها تشحن بطاريات عربياتها بكهربه مسروقه

١١١١١١١١+
هههههههههههههههههههه
وضيف على ذلك صاحب العربية هيسئلوا شحنتها كويس !
التاني : متقلقش ياباشا فول وحياتك هههههههههه

**shaddadfalcon1** · 06-09-2012 07:51 PM

انتو ليه ناسيين شركات البترول؟ معني نجاح العربيات الكهرباء ان الشركات دي هتخسر كتيير وعشان كده بتحارب الموضوع ده بغباء ولو تلاحظو موضوع العربيات الكهرباء بقاله كتييير قوي قيد التطوير ولسه مفيش حاجات كتيير طلعت