الموضوع: العربية بتبطل و تدور وهى ماشية

السلام عليكم اصدقاء دايو الكرام وأخص المهندس طارق والمهندس ممدوح --واتمنى تكونو بخير جميعآ
الموضوع:
عربيتى لانوس 2 موديل 2006 معايا من الزيرو --وكل شىء تمام لحد امبارح وانا راجع من الشغل --وانا ماشى على سرعة من 60 الى 80 العربية بطلت وفصل الراديو وسمعت صوت الجرس بتاع الكونتاكت --وبعدين دارت تانى لوحدها --القطع دة حوالى ثانيتين اوثلاثة---فكملت مشوارى وانا ماشى على سرعة 90 تقريبآ عملت نفس الموضوع بس ما دارتش وكنت على طريق مصر اسماعيلية فاديت فلشر يمين علشان اركن بعد ما ممورت الفتيس --لقيت لمبات الكونتاكت رجعت نورت تانى لوحدها والعربية ماشية فدورت كونتاكت دارت العربية وكملت لحد مدينة العبور مبطلتش تانى ----
انا لاحظت الموضوع دة بقالة يومين بعد ما حطيت بنزين 90 --وانا كان بقالى فترة باستعمل 92 --فياترى حد يعرف اية المشكلة دى ولو ممكن حد يساعدنى ويقول الحل اية اكون شاكر جدآ....

الحمد للة يا رجالة الموضوع طلع ان ورا علبة الفيوز اللى جنب الدبرياج فى مجموعة فيشات كبيرة ---واحدة منهم بيضاء والثانية رمادى --الفيشة الرمادى طلع فيها سلك الكهرباء الأحمر التخين مقطوم من الكلبسة بتاعتة --طبعآ الكهربائى كان عاوز يعمل شغل --بس انا كنت محدد العطل --ولما فك الفبرة اللى ورا علبة الفيوز وقاللى دور قولت لة لأ--خليها علا الكونتاكت وهز السلك راحت قاطعة كونتاكت -- هزها تانى رجع الكونتاكت قاللى عندك حق
فك الفيشة وطلع الكلبسة وظبط السلك بالقصافة وركب كلبسة نحاس جديدة وركب الفيشة تانى --وكدة 100 100 --الحمد للة
ميرسى جدآ لكل من شاركنى الموضوع وربنا يبارك فيكم