-
تجربتى مع اللانوس1
كنت رايح مشوار من العجمى الى بحرى فى الاسكندريه ماشى كويس ومفيش مشاكل وفى الورديان تقاطع هديت شويه ومورت وبجيب الغيار التانى ودوست بنزين العربيه رجرجت ومفيش سحب رفعت رجلى من على البنزين مشت اخرها 30 كم فى الساعه مكانيكى فى السكه حودت عليه قلى عايز كهربائى روحت للكهربائى قريب من المكانيكى قلى دى بوجيهات المهم كملت المشوار وانا ماشى بسرعه 30 كم وركنت وكان معى بوجيهات سن رفيع قلت اجرب ركبتهم وجربت ابدا حلفت ادوس بنزين ترجرج جامد مافيش فايده خلصت المشوار كانت الساعه 12 ليلا رجعت على نفس السرعه لغايه البيت فىمكانيكى بجوار البيت لقيته شغال ركنت وشوف يا عم العربيه شاف قال دى طلمبه بنزين ماشى الصبح اجبهالك وبالمره اغير سلوك البوجيهات والبوجيهات وفلتر البنزين وقد كان جيب طلمبه اصليه 550 جنيه من اطلس وفلتر بنزين gm وبوجيهات 22 ngk وركب وجرب وكانك ما عملت شى ذى ما هيه طيب هات حساس كرنك وجبته وركب وجرب ذى ماهيه لالا دى الموبينه كلام الميكانيكا وبمى انى صعيدى عايش فى الاسكندريه من35 سنه صبرى نفذ واستدعا الدماغ التانيه بعد شد وجذب استدعيت الكهربائى اللى بتعامل معاه كان رجع من شغله فى توكيل الصفوه وحكتله الحكايه ركب المبينه وقلى دور دورت كده صوت المحرك تمام اطلع جرب والنتيجه العربيه زى الفل ايه ياعم فيه ايه قلى الارضى مهوى اللى هو راكب بجوار الموبنه ناحيه صدر العربيه
-
يا نهار تجارب و مصاريف ادى أخرة فتى الصنايعيه
ربنا يباركلك فيها و ماتتسرعش تانى
-
ههههههههههههههه دة انته حظك وحش قوى -كويس انك مكملتش معاه كان قالك هاتى ماتور بضفيرة بكنترول بميكانيكى يركبه
-
و دة يوضح الفرق بين الصنايعى الفاهم و الكفتجى
MMamdouh
-
شكرا للاخوه الاعزاء----بس انا اللى صبرنى ان الحجات اللى انا غيرتها بتاعت الفبريكه يعنى ليها 12 سنه شغاله كتر خيرها العربيه لانوس 1 موديل 2000
-
ممكن تعرض الحاجات المستعمله للبيع هنا فى المنتدى فى قسم تبادل قطع الغيار
-
لسة حاصلة معايا ورحت لميكانيكي غير نوعين بوجيهات وبعدين مفيش فايدة غير سلك البوجيهات رحت لواحد تاني جرب الموبينة من عنده طلع عيب موبينة والعربية بقت مشاء الله
-
منهم لله الصنايعية الفتايين
-
[ ممكن تعرض الحاجات المستعمله للبيع هنا فى المنتدى فى قسم تبادل قطع الغيار] الموجود عندى طلمبه البنزين وحساس الكرنك هخليهم احياطى بعد التاكد انهم شغالين
-
والله انا من اول ما قريت اول سطرين قولت العيب ده عيب موبينه ولما كملت قرايه فعلا طلعت زى ما قلت
صنايعيه فتايين منهم لله وربنا ما يوقعنا فى سكتهم
-
احتفظ بقطع الغيار الاصلية عشان لو حاجة باظت منك تلاقيهم معاك وما تبقاش مجبر تجيبهم تانى
Content Relevant URLs by
vBSEO 3.6.0 PL2