خوابير الكاوتش ..حد يعرف بتتباع فين ؟

**amirboulos** · 05-09-2012 10:39 PM

حصلي موقف رخم من يومين لما بصيت ع الكاوتش ولاقيت فيه مسمار قلت اطلعه ممكن ميكونش غويط وفعلا حاولت اطلعه وطلع بس طلع غويط ونص والهوا كان طالع كأني دايس ع البلف حطيت صبعي علي مكان الخرم ده وقعدت ادور ع المسمار في الأرض ...من الأخر اتذليت ...وطبعا علشان مكنتش عايز انزل الأستبن ولا عارف الكوريك العجيب ده شغال ازاي المهم قعدت الف علي بنزينه لغايه ما لاقيت حد عنده لحام وقالي ده يتلحم خابور السؤال هنا بقي
1- هل لحام الخوابير ده افضل ولا البدج اللي بيتلزق من جوه ده افضل ؟؟ ايه افضل لحام للكاوتش؟؟
2- حد عارف الخوابير ده بتتباع فين ؟؟ لأني لاقيت الموضوع سهل وممكن يبقي في عربيه كل واحد احطياطي هي كلها الخابور والإبره المعدن اللي بتركبه وشكرا ولا اشتغالات الصنايعيه اللي كان عايز ياخد مني 20 ال علشان مركبلي خابورين من نوع كويس (طبعا كله هجص)
وشكرا
.

**Land_Cruiser** · 05-09-2012 11:05 PM

اللزق اللى حضرتك بتقول عليه ده لو الكاوتش اللى عندك عادى فيه داخلى و ده لا اعتقد انه ممكن يكون فى عربيه حديثه لان الجديد كله tubeless و ده لما بيتخرم ملوش حل غير الخوابير لان مفيهوش داخلى يتلحم و بالنسبه لسؤال تشتريه منين ممكن من عند اى بتاع كاوتش و تخليهم فى العربيه لو هتعرف تركبهم حضرتك بس خللى بالك علشان ما. تبوظش الكاوتش

**yoko** · 05-09-2012 11:12 PM

اللحام المكوى أحسن حاجة والخابور بينفس وبيبوظ الكاوتش

**Ahmed.Fahmy** · 06-09-2012 05:04 AM

اللزق اللى بيتلزق على الكاوتش من الداخل اكيد افضل بكتير لانه المانى، بيبقى هو والفردة قطعة واحدة وتنساه اما الخابور دا اخترعوه عشان يكون Fast tire repairing kit تستخدمه على السريع لغاية ما تروح لواحد بتاع كاوتش يشيل الخابور ويلحم.... ما فيش حد فى الدنيا بيمشى بالخابور الا ام الدنيا..... مصر :))

ولما يكون اللحام اللاصق بضعف تمن الخابور يبقى دليل اكبر

الكيت هتلاقيها فى التوفيقية وممكن تشتريها من بتاع كاوتش نضيف

**aymanbay** · 06-09-2012 10:46 AM

اياك والخابور لانه بالنسبة للكاوتش زي اسمه بالظبط

خابوووووور

**MohssenRashed** · 06-09-2012 10:50 AM

احسن لحام جربتة بصراحة التيب توب بتاع بريدجستون ب 20 جنية الماني و مجربة كتير مفيش منة اي مشاكل.

**amirboulos** · 06-09-2012 11:01 AM

انا قلت كده برده طول عمري مبحبش الحم بيه وعلي رائ العضو اللي قال كفايه اسمه ...خابور :) انا كنت متعود الحم باللحام الداخلي المدور اللي بيبقي طرفه برتقالي ده وبيتسنفر مكانه الأول وبعدين يتلحم وشغال معايا ومفيهوش مشكله بس انا كنت بسأل علي الخوابير ده علشان اعرف نشتريها منين وتبقي حاجة منقذه في العربيه لو حصل حاجه والواحد بعيد عن بنزينه او حد بتاع كاوتش