مش عارف ابتدي الموضوع منين
بس اللي اعرفة ان الايام اللي فاتت كانت عصيبة شوية على المنتدى
يا ترى لسه مسمينة منتدى ولا نسمية بيت العيلة
انا شايف ان بعد اللي حصل ده هو والحمد لله بيت عيلة
لاننا وشوش اتقابلت واصوات اتكلمت في تليفونات مش مجرد اسم حركي وكود وارقام على الانترنت
واثبتت المحنة قد ايه احنا لسه غاليين عند بعض
وان كلنا قدمنا تنازلات عشان نرضي بعض
فينا تنازل باعتذار
وفينا تنازل بمكالمة تليفونية
وفينا تنازل برسالة سواء خاصة او على موبيال
فينا اللي ركب دماغة وقال لاءءءءءءء
انا اكبر
عايز اقوله
الله اكبر
بلاش كبر ومن تواضع لله رفعه
وفينا من هم احق منك بالكبر
ولا يتكبر
وفينا كمان اللي شغال تسخين اخوات على اخوات تانية
وسبحان الله دايما بيتفقس
طبعا انا مش عايز اتكلم في تفاصيل
لكن اللي عايز اقوله
ان الموضوع كله انتهي
بكل تفاصيلة
وكل الناس اتراضت والحمد لله
وحتى اللي ماخدش حقة كامل في الدنيا
خده مرتين
مرة انه طلع كبير واتنازل عن حقه
ومرة هايخدة في الاخرة عشان ربنا قال والعفو عند المقدرة
اللي كان قفل موبايلة او معرفتش اوصله يعتبر ان رسالتي دي كاني كلمته بالظبط
(واللي كلمتة دوللي هاخد حق المكالمة لما يرجع:):))
ويعلم الله اني بكتب الرسالة دي وانا واقف على رجلي مش قاعد حتى من كتر الشغل اللي ورايا وابني اللي درجة حرارتة 39 ولازم انزل اودية للدكتور حالا
بس برضه اخواتي ماقدرش اخليهم زعلانين كل ده
اخر حاجة احب اقولها اذا كان فرد او فردين في الادارة غلط
فاعرفو انه هايخد جزاءه
بس مين فينا بيغلطش ؟؟؟
الحمد لله الذي بنعمتة تتم الصالحات
ونفضل اخوة في الله اجتمعنا على حب في الله وطاعة ونفترق عليهما ان شاء الله
مش مجرد اسامى في انترنت بتروح ويجي غيرها
اخوكم في الله
اللي بيخاف على مشاعر اخواته
كريم منير