كنت هموت تانى مفيش فايده

**mrghost** · 30-06-2008 04:57 PM

السلام عليكم ورحمة الله
كنت هاعمل حادثه امبارح تانى فى نفس المكان وهو الدائرى من عند طريق السويس وانت رايح السلام هم هناك سفلتوا حته جديده اللى كانت فاصله بين الطريقين وطبعا انت ماشى ومش مدى خوانه على الشمال مره واحده تلاقى الطريق اللى كان اربع حارات بقه حارتين بس وتلاقى نفسك نازل فى الفاصل اللى بين الطريق مليان رمال وحجاره فطبعا خفت ادوس فرامل علشان لو عربيه ورايا هتدخل فيا اضطريت انى اكسر يمين مره واحده الكالرثه ان كان جاى ورايا عربيه نقل طايرة لقيته فادانى بصعوبه وكانت عربيته هتتقلب طبعا اغنا الغلطان بس هو كان ماشى بسرعه كبيره جدا والحمد لله جت سليمه ومفيش اصابات بس خالوا بالكوا من الحته دى قوى لان المره اللى فاتت العجلتين الشمال نزلوا فى الرمال وكانت العربيه هتتقلب وربنا يسترها مع الكل ان شاء الله

**Mzeid** · 30-06-2008 05:03 PM

الحمد لله إنها جت سليمة و خلي بالك بقى المرة اللي جاية لأن البلد هتفضل كدة مش هتتغير ..
:):)

**MoToRiZeR** · 30-06-2008 05:06 PM

بعد الشر عليك يا باشا
و ابقي خلي بالك .. و عامة اكيد انت عارف انك طول ما انت في مصر فا انت في وسط روح المغامرة .. عيش اللحظة هههههههه

**Goodle** · 30-06-2008 05:10 PM

الحمد لله على سلامتك

وبلاش تدخل في حتة متسفلتة جديدة عشان على طول لازم بيكون فيها حاجة غدر زي كده

**Ashraf A.Kader** · 30-06-2008 05:12 PM

حمد الله علي السلامة

**mrghost** · 30-06-2008 05:15 PM

شكرا ياجماعه على ردودكم الحلوه دى بس والله الواحد بيخاف على الناس اللى ماشيه وخصوصا بالليل فى طرق زى دى لان الطريق ده من ساعة ما جددوده وهو كله اماكن بتلاقيها ضاقت مره واحدة ومن غير انوار تحذير على الاقل وربنا يكون فى عون الناس لان اى حد ممكن يعمل حادثه بسبب حاجه زى دى وساعتها دمه هيكون فى رقبة اللى سايب الطرق كده وربنا يسترها علينا جميعا