سؤال : ايه لازمت الفراغات الدواير والمستطيلات الى بتيقى فى جسم العربيه كشاسيه وشنطه وكبوت ؟
ليه مش كتله واحده وخلاص؟؟
وعلى اى اساس بيتم اختيار اماكن الفراغات دى
معلش يبدو السؤال ساذج بس عايز اعرف اجابته
تحياتى
سؤال : ايه لازمت الفراغات الدواير والمستطيلات الى بتيقى فى جسم العربيه كشاسيه وشنطه وكبوت ؟
ليه مش كتله واحده وخلاص؟؟
وعلى اى اساس بيتم اختيار اماكن الفراغات دى
معلش يبدو السؤال ساذج بس عايز اعرف اجابته
تحياتى
مش فاهم السؤال ياريت توضيح اكتر
متهيالى انها بتكون زى عضم تدعيم للصاج الخارجى وعن طريق الفتحات دى واللى بتكون اطرافها (الشفة) مقوسة شوية للداخل هتكون اقوى من الصاج المسطح وبالطريقة دى بتكون صعبة انها تتقوس وتتحمل الاحمال والخبطات.
يارب يكون قصدى واضح والله اعلم.
اعتقد يا حسام باشا ان لمن العربيات دي بتتصنع بتتصنع بواسطة مكن. ورجل الالي فعلشان الرجل الألي يقدر يمسك قطعة حديد. ويبقى متحكم بيها كويس فدي زي الماسكه بتاعتوا
وهيا بتفيد الي عاوز يشتري العربية فيما بعد انوا يعرف اذا كانت العربية فبريكة او مشيسة او وخدالها بوسة من ورى او من الجنب. لانها بتبقى زي الزنب بتاعت الفريكة بتاعت العربية .... والعلم عند الله
هو ممكن تكون للتقويه بس مش كفايه الانحناءات فقط ليه الدواير دى ؟؟؟
اعتقد والله اعلم دي بتسمى نقاط الانهيار....
نقاط الانهيار دي مهمة جدا لكل العربيات والعربيات حاليا بيبقى فيها نقاط انهيار كتير
ووظيفتها انها بتمتص الصدمات
وبتتعمل بطرق بحيث انها تمتص اكبر قدر ممكن من اي حادث لا سمح الله قبل ما توصل للكابينه...
ودي شوية معلومات عنها:
نقاط الانهيار هى مفهوم هندسى بسيط يستخدم فى العديد من التطبيقات وليس فقط فى السيارات ، وهى نقاط ضعف بنيت عن قصد فى جسد السيارة لتتحطم إذا ما تعرضت إلى مقدار معين من القوة بغرض تبديد قوة التصادم وامتصاصها ومنعها من السريان فى كامل جسد السيارة والوصول إلى مقصورة الركاب .
فمثلاً فى الجزء الامامى من السيارة يتم وضع عدة نقاط انهيار تسمح للجزء الامامى من السيارة بالانبعاج حول نفسه والتحطم تماماً ممتصاً كامل قوى التصادم ومشتتها بعيداً عن مقصورة الركاب لضمان حمايتهم ، وكذلك فى جانب السيارة وفى المؤخرة ، وهى عملية هامة وتحسب جيداً أثناء بناء جسد السيارة كونها خط الدفاع الأول فى الجسد والتى إذا ما فشلت مهمتها تتولى المهمة قضبان الحماية .
وبذكر تلك النقطة يجب علينا أن ننوه إلى موروث خاطئ يشير دائما إلى أن السيارة ذات البدن القوى هى دائما الأكثر قدرة على حماية ركابها ، فالتجارب أثبتت أن قوة جسد السيارة الزائدة هى نقمة فى بعض الحالات ، إذ تؤدى تلك القوة إلى سريان قوة التصادم فى الجسد بحثاً عن اضعف جزء لتحطمه وهو ما يكون عادة المقصورة ، فتبقى السيارة سليمة مع مقصورة محطمة ، أو تواجه تصادم كبير يكفى لسحقها بالكامل بسبب عدم وجود اى عوامل تشتت تلك القوة الكبيرة الناتجة عن التصادم ، والضحية فى النهاية دائما هم الركاب .
واحب ااكد عالنقطه الاخيره بأمثله لحوادث اللادا مثلا
عربية صاجها قوي جدا
بتعمل الحادثه والصدمه مبتمتصش بالصاج بينما الراكب بيتنطر من مكانه عالمقود ويتهرس لانه الصاج مقدرش يخفف ضغط الصدمه....
تحياتي
معلومه جامده اول مره اعرفها
انا كنت فاكر ان الفتحات دى كانو من تخفيف الوزن
على قد تفكيرى بقى ههههههه
موضوع رائع بصراحة ..
ممكن تكون للاقتصاد فى صناعة الصاج ولتخفيف تكاليف الصناعة وسعر العربيه وكمان عشان تكون اخف من غير ماتفقد قوتها
ملف رائع عن تصميم جسم السيارة وكيفية اختيار الشاسية ومردود هذا الاختيار على توزيع الحمل وتحمل الصدمات او توزيع القوى التى تتعرض لها السيارة وهى قوى الالتواء والضغط والشد والقوى المماسة-اعتقد انه يحتاج الى خلفية هندسية للفهم الكامل وكان الجميع سوف يستفاد بإذن الله مع اطيب التمنيات بالاستمتاع به
http://web.iitd.ac.in/~achawla/publi...-design-v2.pdf
اقتباس:
المشاركة الأصلية كتبت بواسطة hm414
1+1+1+1+1+1+1+1
هي عبارة عن اسطمبة للشاسيه علشان ينفع يتشال ويتحط ويتنقل عن طريق الرجال الآلية + علشان تفويت الأسلاك والكابلات والضفيرة عموما
كمان امتصاص الصدمات وتشتيت الصدمة زي نقاط الضعف المعمولة في الكبوت عشان يقوس لما يتخبط ومايبقاش سيف يطير رقبة السائق والراكب الأمامي
اقوللك انا يا سيدى انا فى هندسة يعنى ثقة :d هههههههههههه
الصاج مش بيبقى عدل لازم نعمل فية الاشكال دية عشان يقدر يتحمل وميتنيش ويلب
الاشكال
سواء المقطوعة من 3 جهات ومتنية على الجهة الرابعة
او المضغوطة لتحت او لفوق او او او او
كل دة بيعمل زى عصب للصاج عشان يخلية يبقى قوى وميتنيش
فاكر زمان قوى لما العربيات بدات تتعمل كان قضيبين واعمل فوقيهم صندوق
القضيبين دول بقى دلوقتى اتشالوا وبقى بدل منهم فردتين الشاسية ودول عبارة عن صاج تقيل ومتشكل بالشكل دة عشان يقدر يتحمل ويمتد تلتين العربية الامامى اول الكبوت ولبعد الكراسى اللى قدام من ناحية ورا وبعدين بيتبقى مسحوب على جسم العربية لان فى حاجات تانية هتشيل ورا
هات حتة صاج عادية مفرودة واتنيها
وهات حتة صاج من بتاع ابواب الدكاكين وخلى واتنيها عمودى على الخطوط والفراغات اللى فيها دية مش هتقدر او هتبقى اقوى
بس كدة :)
.
كان دكتور بيدرسلي في الكلية و الماجيستير كان قالنا مرة ان زمان لما كان زجاج العربيات بيتشرخ كان بيعملوا فيه خرم على الحمل في الزجاج يتوزع على محيط الخرم دة و ميشرخش في بقيت الزجاج
دة بالإضافة إلى حاجة فراغات في اماكن معينة لتثبيت الاجزاء او الاجهزة الاخرى
بالإضافة إلى ان القطع في الواح الصاج في بعض الاحيان لتخفيف الوزن
شكرا" عالمعلومات المفيده يا جماعه
اقتباس:
المشاركة الأصلية كتبت بواسطة abdalah_hashem
الف شكر على المعلومات القيمه دى
:beeangel::beeangel::beeangel:
اقتباس:
المشاركة الأصلية كتبت بواسطة mzeid
وحتى الان برضة بيتعمل فى الزجاج واى حاجة
الفكرة ببساطة زى ما تجيب حاجة ليها سن مدبب وتغرس السن بتاعة فى حتة خشبة هيدخل جامد
لكن لو جبت حاجة السن بتاعها على شكل كورة وحاولت تغرسة مش هتقدر ليييييييييييييييييييييييي يييية بقى ؟؟؟؟؟؟؟؟؟؟؟؟؟؟؟
عشان فى السن امدبب الاحمال اتركزت فى نقطة فتاثيرها كان كبير لكن فى الحالة التانية انت وزعت الاحمال
لو انت لاحظت كمان بتاع الزجاج لما بييجى يقطع الزجاج بعد ما بيمشى علية بالالماظة بيخبط على الخط دة خبطات خفيفة كدة قبل ما يقطم الزجاج لية ؟؟؟؟؟؟؟؟؟؟ علشان الالماظة عملت حز ( خربوش فىالزجاج من على السطح ) الخبط بيخلى الشرخ دة يمتد داخل الزجاج ... بعد كدة يكسر بسهولة