الالنترا الى فى السوق غير مطابقة للمواصفات2013

**مدحت البلبيسى** · 06-09-2012 02:39 AM

اناروحت التوكيل فى طريق مصر اسماعلية وصدمنى وقالى العربية الفئة2013 الهاى لاين143.5 بقت 146.5 وحجز واستلام اخر شهر 11 ومش موجودة لية اصل اتهرب شحنة2013 غير مطابقة للمواصفات دخلت البلد والمركب كمان الى جت التوكيل رجعت كلها تانى واقولة طب اجيبها من الموزعين قالى براحتك قولتلة لوجة الله قالى بلاش غير مطابقةعديت بالصدفة على توكيل بريليانس اتفرج بس بصراحة اول ماشفت v5عجبتنى وقلت هية دى ماكينة مايفك ميتسوبيشى يابانى وعفشة لوتس وشكل تحفةواى بى اس واى بى دى وبى دى واى اس ار و4 ايرباج وبلوتوث وطارة مالتى ولاقط ردار وجنط 17 وفتيس استربيترونيك وشاشتين كمبيوتر وفتحة سقف وغيرها من المواصفات غير الليدات قدام وورا فى الفوانيس العدسات والوسع الرهيب والقاعدة المريحة والارتفاع الارض و8 سماعات وايمبوليزر وسمارت كى وغيرها وغيرهاودخل 3 عليا وانا بتفرج ودفعوا10 الاف وحجزوا فى ساعتها انا هستخير وهروح يوم الجمعة احجز العربية ان شاء الله ادعولى وسعر الهاى لاين 136 الف وفى مانيوال واتوماتيك هاف وانا بعد الحجز هاعمل تيست درايف وربنا يسهل بقى اية رايكم انا عارف هاتقولوا صينى لكن الماكنة يابانى مايفك والعفشة لوتس انجليزى وتقفيل جميل وما فيهاش سوك الالنترا وعالية وكمان سعر الالنترا 2013بقى رهيب وبعد كلام المندوب النهاردة مش عارف ربنا يوفق الكل يارب للى فية الخير يارب

**hossam_elwani** · 06-09-2012 03:07 AM

يعنى بعد ما 2013 زادت 3000 عن موديل 2012 ........ زادت تانى 3000 جنيه تانى؟؟؟؟؟؟؟؟

وبعدين ايه حكايه غير مطابقه للمواصفات دى

قال يعنى فيه مواصفات من اصله

شكله ملعوب عشان زياده الربح والطمع

ده الخليجى حيبع بيع.................

**مدحت البلبيسى** · 06-09-2012 03:24 AM

المشاركة الأصلية كتبت بواسطة hossam_elwani

يعنى بعد ما 2013 زادت 3000 عن موديل 2012 ........ زادت تانى 3000 جنيه تانى؟؟؟؟؟؟؟؟

وبعدين ايه حكايه غير مطابقه للمواصفات دى

قال يعنى فيه مواصفات من اصله

شكله ملعوب عشان زياده الربح والطمع

ده الخليجى حيبع بيع.................

كل فئة زادت كدة6 الاف جنية عن2012 وانا قولت الى قالهولى والله اغلم

**alu** · 06-09-2012 03:47 AM

بصراحة التوكيلات بتاعت العربيات ماشيه بدماغها بيعملوا اللى هما عايزينه
اقول ايه غير ربنا يهدى

**esam_ayad** · 13-09-2012 11:24 AM

علي فكره أنا كنت ناوي خلاص اني اشتري النترا 2013
لكن قلت استني شويه لحد ماأشوف كيا سيراتو الشكل الجديد والكرولا الشكل الجديد والكيا كارينز الشكل الجديد وأعرف أكتر عن نيسان صني الشكل الجديد.
يعني في عربيات غيرها كتييييييير مش شرط النترا
وهالاقي فيهم مواصفات أقوي وأكتر من النترا اللي سعرها عمال يزيد كل شويه بدون مبرر.

**Samir Elshahawy** · 15-09-2012 01:21 PM

يعني أيه غير مطابقة للمواصفات ؟
تاريخ الصلاحية منتهي مثلا ؟

و يعني أيه شحنة سيارات أتهربت لداخل البلاد ؟

و يعني أيه مركب رجعت تاني بالسيارات لأنها غير مطابقة للمواصفات ؟

ده اسمه أستخفاف بعقولنا لرفع السعر

**mahmoud_afifi** · 15-09-2012 05:39 PM

حضرتك اتخذت قرار صح في انك سبت الالنترا. سعر مبالغ فيه قوي وضحك على الدقون.
يعني انا عربيتي الي من غير abs ولا ايرباج ولا الهوا هي الي مطابقه للمواصفات ؟
ده مفيش عربيات غير مطابقه للمواصفات غير عربيات الزفت غبور