رقم العضوية : 15433
تاريخ التسجيل : 29Jul2008
المشاركات : 25
النوع : ذكر
الاقامة : Egypt
السيارة: Renault - Megane
السيارة[2]: Skoda - Felicia
دراجة بخارية: لا يوجد
الحالة :
السلام عليكم
دى اول مشاركة ليا فى المنتدى هنا و هتكلم عن تجربتى الشخصية فى حل موضوع السخونة للفيليشيا
انا معايا فليشيا موديل 97 تكييف اصلى (وسنتر اصلى ومرايات كهربا اصلية كمان بس دول مالهمش علاقة بموضوعنا )
والحل اللى عملته للتغلب على ارتفاع درجة الحرارة كان كالتالى :
1- تغيير الردياتير وتركيب واحد تانى نحاسى 3 ماسورة داخلية للتبريد خاص بالسيارة بيجو 505 ولأنه اكبر فى الحجم بيتم قطع جزء منه حتى يصل للحجم المناسب لمكانه فى الفيليشيا
2- تغيير الثرموستات بآخر بيشتغل بدرى شوية اللى هو 68 - 82
بعد التعديلات دى بقت درجة الحرارة العادية للعربية ثابتة عند 70 درجة مئوية طول الوقت تقريبا و مبقتش ازود مية كتير زى الأول وبكده بزود مية زى اى عربية تانية مفيهاش مشكلة الحرارة ومع التكييف درجة الحرارة بتبقى 90 او اكتر بقليل جدا حسب درجة حرارة الجو فى الخارج بإعتبار انى بشغل التكييف لما الجو يكون حار جدا طبعا
بس من عيوب الحل ده ان المروحة بتشتغل فترات طويلة جدا واكيد ده هيتسبب فى تلفها فى يوم من الأيام لكن فى جميع الأحوال تلف مروحة افضل من تلف الموتور بالرغم من ان ليا صديق معاه فيليشيا 96 غير مكيفة وعامل نفس القصة دى من اكتر من سنتين ولسه المروحة سليمة معاه وانا عاملها من شهر مارس 2008 ولسه المروحة سليمة الحمدلله
وليا صديق آخر معاه فيليشيا 97 غير مكيفة ايضا واكتفى بتغيير الثرموستات فقط وركب اللى بيشتغل بدرى كما ذكرت سابقا والحرارة عنده مبتزيدش عن 70
ودى كلها تجارب شخصية وليست حلول علمية بس احب اشارك بيها جايز تفيد حد
رقم العضوية : 1365
تاريخ التسجيل : 08Jul2007
المشاركات : 3,408
النوع : ذكر
الاقامة : القاهره, مدينه نصر
السيارة: SUNNY 2007
السيارة[2]: FELECIA 1998
دراجة بخارية: لا
الحالة :
المفضلات