الفيلشيا مجنناني

**Creative2t** · 30-06-2008 05:19 PM

:embarrassed2:فليشيا موديل ٩٧ مكيفة كانت بتسخن لما بشغل التكييف روحت لمييكانيكي غير وش السلندر وبعدها بقت بتسخن وانا ماشي في العادي من غير تكييف المشكلة اني لما بجري فوق ال ٩٠ كم بتغلي ولما امشي ٤٠ كم مش بتسخن خالص .
سلكت الراديتير مرتين وغير كل الترموستات (اللي في الراديتير واللي فوق اللي هوا صباع الحرارة ورجعت ترموستات الكوعه) وغيرت قربة الميه وغيركاوتشات الميه وغيرت غطا القربة وغلست سربنتينة التكييف ولسة بتسخن جداً ومش عارف بجد اعمل ايه انا كان معايه ١٢٧ وكيا برايد وكيا برايد ايراني مفيش ولا واحد كانت بتسخن بالطريقة دي
اعمل ايه غير اني ابيعها؟

**harban** · 02-07-2008 12:48 AM

ya Creative, kan zamanak gebt Felicia 2000, om wesh Octavia
enta bas roo7 le wa7ed mechanician beyefham, we balash el wad Saber

hwa how much el Scoda Felicia now, same model men elly mesh betes7'en?

**amir** · 02-07-2008 07:35 AM

المشاركة الأصلية كتبت بواسطة Creative2t

اعمل ايه غير اني ابيعها؟

اقرء مواضيع قسم الاسكودا و انت تلاقي الاجابه

**kalmah** · 02-07-2008 10:50 PM

ركبلها مروحة تانية 2 سرعة
لما يبقيء في مروحتين هيخلولك الحرارة ثابتة عند 70 ان شاء الله
هيا بتتكلف في حدود 350

**amir** · 03-07-2008 01:56 AM

المشاركة الأصلية كتبت بواسطة kalmah

ركبلها مروحة تانية 2 سرعة
لما يبقيء في مروحتين هيخلولك الحرارة ثابتة عند 70 ان شاء الله
هيا بتتكلف في حدود 350

اسمع كلامه و ادفع الفلوس دي كلها و رحب بالهيلوكبتر اللي هتركبها زائد ان الحراره مش هتظبط قوي

ياريت الاخ يكون مجرب الموضوع ده في اسكودا و مستمتع بأداءه قبل ما ينصح الناس بيه

**harban** · 04-07-2008 01:15 AM

يا جماعة المروحة التانية مش حل , انا معايا سكودا نفس الموديل.
هو دخول مياة الرادياتير للموتور لة علاقة بسرعة الموتور؟؟

**Creative2t** · 05-07-2008 04:21 PM

بعد عناء لمدة اسبوعين وتغير كل ما له علاقه بدورة التبريد بقينا تمام. بس رجعنا تاني للمشملة اللي كانت سبب في كل ده لما جيت اصلحها المشكلة هي ان التكييف بيسخن العربيه اوي.
في حلول؟

**amir** · 05-07-2008 04:46 PM

بص بقي انا فعلا زهقت من المشاكل المعقربه دي و معرفش ليه الناس مبتهتمش بالفليشيا من ناحيه التظبيط و التعديلات مع انها من وجهه نظري متشابه مع معشوقه الشباب الجولف من ناحيه الشكل الخارجي (حد خد بالو من كده؟؟؟)
المهم عندك الميكانيكي بتاعي اللي انا كاتب عنو في قسم الاسكودا و لو ده كمان منفعش معاك حاجه من تلاته
انسي التكييف
بيعها
تعايش مع المشكله لو الحراره اقل من الاحمر