عملت صيانة الـ 20 الف امبارح و .... !!!

**msco** · 06-09-2012 10:51 AM

السلام عليكم ورحمة الله وبركاته

ازيكم يارجالة ؟ يارب يكون كله تمام وفي احسن حال

امبارح رحت توكيل الجبر المعفن كالعادة عشان اعمل صيانة العشرين الف

وسألتة قولتله الصيانة دي بيتعمل فيها ايه قالي :

تغيير زيت وفلتره
تغيير فلتر هوا
تغيير فلتر مكيف
تغيير بوجيهات
وتربيط ( اي هجص )

دخلت قعدت في الاستراحة اللي مفيش فيها كوباية مية تتشرب

ورحت وصيت المهندس وقولتله انا مسافر مصر بيها الاسبوع الجاي وعايزك تشيكلي على الكاوتش واي حاجة ممكن تعطلني في الطريق

قالي عينيا وبتاع ومليش بركة الا انت

خلص الصيانة قولتلة غيرت كل حاجة قالي كله تمام

المفروض اني ادفع 700 ريال وشوية لقيت نفسي بدفع 509 ريال .. قولتله في خصم قالي لاء

ببص في الفاتورة على القطع اللي اتغيرت لقيت فلتر الزيت وفلتر الهوا بس

رجعت للمهندس قولتلة فين البوجيهات وفلتر التكييف

قالي مش موجودين الوقتي وهيجو الاسبوع الجاي هنبقى نغيرهملك الصيانة الجاية وفلتر المكيف انا نفختهولك ومش لازم تغيره

قولتلة ياعم طيب المفروض كنت تعرفني انا الصيانة الجاي هبقى في مصر وهكون عملت حسابي انك غيرت البوجيهات والحاجات دي .. المهم ما علينا قالي تعالي الاسبوع الجاي وهنغيرهملك وتدفع حقهم بس بدون حق العمالة

الوقتي هل في مشكلة لو مغيرتش البوجيهات او فلتر المكيف وسبتهم حتى لل 30 الف ؟

في الفاتورة مكتوب ( Air Filter Cleaner ) وسعرة 40 ريال هل ده فعلا سعره ؟

طبعا بما اني هعمل اكتر من 5000 كيلو في مصر فاشتريت فلتر زيت من عندهم ب 14 ريال وقالي اشتريلك 4 علب زيت كاسترول 10W30 وخدهم معاك وانت نازل لانة مش موجود في مصر

هل فعلا مش موجود او اية البديل ليه وهل العربية بتاخد 4 علب زيت فعلا والزيت سعرة كام في مصر تقريبا ؟

طبعا هو لا ربط عفشة ولا شيك على سوايل ولا اي بتنجان وانا عايز اشيك على السوائل بنفسي ومش عارف اعمل ده ازاي ؟

ومتشكر اوي يارجالة واعذروني بقى على اسألتي الكتير بس انا خبرتي في العربيات شبه معدومة

**temo85** · 06-09-2012 11:15 AM

الوقتي هل في مشكلة لو مغيرتش البوجيهات او فلتر المكيف وسبتهم حتى لل 30 الف ؟

مفيش مشكلة لو قعدوا و ممكن تغيرهم لما تيجى مصر ممكن تشتريهم من التوكيل هنا و تغيرهم عند اى حد

في الفاتورة مكتوب ( Air Filter Cleaner ) وسعرة 40 ريال هل ده فعلا سعره ؟

انا مش مصدق الرقم !! 40 ريال يعنى حوالى 60 جنيه عشان نفخوا فلتر التكييف ده اى حد هنا بيعملها و بتدى الواد 5 جنية بالكتير ده سرقة رسمى

طبعا بما اني هعمل اكتر من 5000 كيلو في مصر فاشتريت فلتر زيت من عندهم ب 14 ريال وقالي اشتريلك 4 علب زيت كاسترول 10W30 وخدهم معاك وانت نازل لانة مش موجود في مصر

موجود هنا ياباشا من زمان وله وكيل كمان هما بس خليهم يرعوا غنم أفضل من صيانة العربيات

هل فعلا مش موجود او اية البديل ليه وهل العربية بتاخد 4 علب زيت فعلا والزيت سعرة كام في مصر تقريبا ؟

ممكن تحط شل هيلكس الترا زيت ممتاز برضه ب265 الجركن 4 لتر و فى الكاسترول ماجنيتك ب 210 تقريبا و الإيدج اللى هو 15الف كيلو ب 260 جنيه

طبعا هو لا ربط عفشة ولا شيك على سوايل ولا اي بتنجان وانا عايز اشيك على السوائل بنفسي ومش عارف اعمل ده ازاي ؟

أفتح الكبوت و بص على قربه مياه الريداتير المفروض المياه الخضراء تكون على علامة f اللى موجودة على العبة لو ناقصة أشترى مياه خضراء و زودها
هتلاقى على الشمال علبة زيت الباور و الزيت جواها لونه أخضر غامق المفروض برضه يكون على الf
هتلاقى جوه على اليمين علبه زيت الفرامل لونها ابيض فاتح و الزيت جواها لونه أصفر المفروض يكون برضه على علامع الmax
هى دى السوائل اللى المفروض تبص عيها قبل ما تتحرك عامه

**msco** · 06-09-2012 11:39 AM

متشكر اوي ياباشا على الافادة

بس ال Air Filter Cleaner المقصود بيه فلتر الهوا اللي جوا الماكينة تقريبا حسب ما فهمت منه بس طبعا انا معرفش مكانة فين

وان شاء الله ابقى اجيب الزيت من مصر بدل ما اشيل واوجع دماغي :)

**akmm** · 06-09-2012 12:06 PM

التوكيلات فى كل مكان .... استعباط وسبهلله ومحاوله ضحك على دقون العملاء ..... وممكن شويه شغل صغيره .

**moha4tec** · 06-09-2012 01:02 PM

المشاركة الأصلية كتبت بواسطة temo85

الوقتي هل في مشكلة لو مغيرتش البوجيهات او فلتر المكيف وسبتهم حتى لل 30 الف ؟

مفيش مشكلة لو قعدوا و ممكن تغيرهم لما تيجى مصر ممكن تشتريهم من التوكيل هنا و تغيرهم عند اى حد

في الفاتورة مكتوب ( air filter cleaner ) وسعرة 40 ريال هل ده فعلا سعره ؟

انا مش مصدق الرقم !! 40 ريال يعنى حوالى 60 جنيه عشان نفخوا فلتر التكييف ده اى حد هنا بيعملها و بتدى الواد 5 جنية بالكتير ده سرقة رسمى

طبعا بما اني هعمل اكتر من 5000 كيلو في مصر فاشتريت فلتر زيت من عندهم ب 14 ريال وقالي اشتريلك 4 علب زيت كاسترول 10w30 وخدهم معاك وانت نازل لانة مش موجود في مصر

موجود هنا ياباشا من زمان وله وكيل كمان هما بس خليهم يرعوا غنم أفضل من صيانة العربيات

هل فعلا مش موجود او اية البديل ليه وهل العربية بتاخد 4 علب زيت فعلا والزيت سعرة كام في مصر تقريبا ؟

ممكن تحط شل هيلكس الترا زيت ممتاز برضه ب265 الجركن 4 لتر و فى الكاسترول ماجنيتك ب 210 تقريبا و الإيدج اللى هو 15الف كيلو ب 260 جنيه

طبعا هو لا ربط عفشة ولا شيك على سوايل ولا اي بتنجان وانا عايز اشيك على السوائل بنفسي ومش عارف اعمل ده ازاي ؟

أفتح الكبوت و بص على قربه مياه الريداتير المفروض المياه الخضراء تكون على علامة f اللى موجودة على العبة لو ناقصة أشترى مياه خضراء و زودها
هتلاقى على الشمال علبة زيت الباور و الزيت جواها لونه أخضر غامق المفروض برضه يكون على الf
هتلاقى جوه على اليمين علبه زيت الفرامل لونها ابيض فاتح و الزيت جواها لونه أصفر المفروض يكون برضه على علامع الmax
هى دى السوائل اللى المفروض تبص عيها قبل ما تتحرك عامه

+111111111111111

السلام عليكم
كلامك مظبوط يا باشا
بس على فكره مفيش كاسترول 10 30 فى مصر و انا متاكد منها
فى 10 40 و 10 60
5 40
هات الزيت معاك من السعوديه و هاتلى معاك هههههههههههههههه
و هات كمان البوجيهات من هناك اللى هنا اغلبها مرطبه غير اللى موجوده فى التوكيل طبعا بتبقى سليمه
لما توصل بالسلامه باقى تعالى المقابله بتاعة كيا يوم الجمعه القادم يا ريت نشوفك فيها و اى شىء انت عاوزه تحت امرك
يا ريت تغير البوجيهات قبل ما تسافر و دى نصيحه لانها هتاكل منك بنزين و مش هتسحب معاك زى الاول .
و الله اعلم