عرض للطباعة
انا استقريت على المقاس 225/45/17 بس محتار فى الأنواع فيه بيرللى pzero rosso بـ 1060 صناعة ايطالى و نقشة ناعمة و فيه بردجستون turanza gr90 بـ 1200 و طبعا فيه انواع متوسطه زى الكومهو ايكستا و اكيليس اندونيسى و بتلس تركى و حاجات كتير بس كل فرده من دول فيه اللى بيشكر فيها و فيه اللى مش مبسوط منها بالنسبة للبيرللى و البردجستون فلا غبار عليهم بس غاليين اوى انا مش محتاج الأداء الرياضى انا محتاج كاوتش ناعم مالهوش صوت و يكون كويس صيف و شتاء و اهم حاجه يستحمل الجنوط 17
الكومهو والهانكوك كاوتش كويس اول فتره معاك انما بعد كده بيتزحلق وممكن يطلع بلالين
خليك في البردجستون عمره اطول من الحاجات التانيه وشوف كمان ايه دنيه الدانلوب والكونتننتال
شوفت فردة النهارده اسمها يوكوهاما يابانى c drive w91 بـ 900 حد جربها
انا ركبت مقاس 215/45/17 بردجستون يابانى / تيوانى من الوكيل الفردة سرعات عالية الفردة عاملة 740 جنية
وماشى بيهم حوالى 1000 كيلو كويسين
الف مبروك ياباشا ياريت اسم الفردة لو امكن و احساسك ايه بالكاوتش الجديد فرق مع العفشة ولا لأ و صوت الفردة على الطريق عالى ولا ايهاقتباس:
المشاركة الأصلية كتبت بواسطة mezo_1978
اسم النقشه هى my01اقتباس:
المشاركة الأصلية كتبت بواسطة excel_team2000
و هى فرده اسبور و صوتها ممكن يكون عالى عن البريدجستون اليابانى شويه
و فرده ناشفه
و لكن فى ناس قالوا انها مبتطلعش بلالين و الله اعلم
دلوقتى انا محتار بين فردتين pirlli p zero rosso 91y أو yokohama c drive w91 الفردتين غاليين البيرللى بـ 1050 و اليوكوهاما بـ 900 و تقييمهم الاتنين ممتاز على معظم المواقع بس اليوكوهاما انعم بكتير واخده 90% البيرللى واخده 69% فى الصوت على الطريق غير كده باقى التقييمات متقاربة انا نفسى فى الناعمة عشان الجنط 17 بس خايف تكون ضعيفة و تعمل بلالين و على فكرة واحد بتاع كاوتش قاللى كاوتش السيراتو 215/45 ياخد نيتروجين 35 لأن 32 بيكون مريح و يعمل بلالين عند الخبطة الشديدة
فى وا.حد بتاع كوتش قال 40 عشان البلالين بردو بس اظن كل ده ممكن يبقى تخمين ؟؟؟؟
الله اعلم
هما كده بيالفوا
اليوكوهاما كاوتش ممتاز طبعا خليك في هو ارخص وهيبقى كده كده مرضي لابعد الحدود على الاقل هيبقى اريح لك في المشي وسيبك من الفتي بتاعهم خليك في المقاس بتاع الكتالوج والضغط الي موجود في الكتالوج اي حاجه تانيه فتي
رحت النهارده اغير كاوتشتين متدمرين تماما من الاربعة الجداد بعد ٢٨٠٠٠ كيلو (الله يرحم ايام الياريس كان الكاوتش بيطلع زي الفل بعد ال ٤٠٠٠٠) و الراجل شكرلي في اليوكوهاما الياباني و النيوتن neuton الماليزي .. و فكرت في تجربة النيوتن خصوصا لما قلي صاحب المحل انه بيستخدمها شخصيا و انه مرتاح معاها زائد اني لقيتها انتاج ٢٠١٢
لو لقيتها كويسة حغير العجلتين اللي ورا كمان مع ال٤٠٠٠٠ ان شاء الله (او لو عملوها مع شوارع مصر الجميلة قبل معاد تغييرهم )
انا ان شاء الله استقريت على البيرللى p zero rosso 91y مقاس 225/45/17 انتاج شهر 6 2012 و ضمان سنتين ضد عيوب الصناعة و ربنا يستر ادعولى يكون الاختيار صائب وعلى فكرة الفردة صناعة ايطالى مش تركى
الف مبروك
كام السعر النهائى شامل كل شىء
الفردة 1030 بالعافيه شامل ترصيص و نتروجين
الف مبروك متنساش تبقى تقولنا على ادائها بعد ال 1000 كم و تتابع معانا عشان نعمل موضوع بيها
عوزين تقرير شامل كامل باذن الله
و مشكور جدا و ياريت تقول اسم و عنوان المحل
البريدجستون تورانزا gr90 ملوش حل . انصحك به بشده لو لسه مقررتش
+11111111111111اقتباس:
المشاركة الأصلية كتبت بواسطة Land_Cruiser
واحد صحبى معاه هيونداى i30
جاب جنوط 17 جديده لينسو و كوتش gr90 بريدجستون يابانى .و لبس حفره غبيه جدا جدا و هو بيجرى .
النتيجه .الجنط اتعوج جامد و الكوتش الحمد لله سليم ما شاء الله و معملش بلونه .
اللى يشوف الجنط ميصدقش ان الكوتش معملش بلونه و الله
و الله اعلم
مقاس الكوتش عنده على القايم و اللى ركبه هو 225/45/17 و ده المقاس الاستوك بتاع العربيه دى
و الله اعلم
خلاص اشتريت جبت يوكوهاما c drive 19w 215/45/17
الف مبروك اه الاخبار يا كبيراقتباس:
المشاركة الأصلية كتبت بواسطة excel_team2000
ناعمه و مريحه العربيه و ثابته اكتر و اخبار الفرامل اه و صوت الكوتش
الله يبارك فيك ياباشا الحمد لله الكاوتش ناعم جدا و مالهوش صوت ( حسب الأسفلت ) لو أسفلت ناعم مفيش صوت نهائى لو خشن حيكون فيه صوت بس بسيط بالنسبة للثبات أفضل بكتير خصوصا بعد تظبيط الزوايا الحدفة الشمال راحت بعد ما اتعودت عليها و لاحظت ان الطارة عند اى دوران بترجع للنص بطريقة جميلة جدا زى ما يكون فيه حد بيرجع الطاره للنص بالظبط على فكرة انا الباور عندى كهربا وربنا يسهل انا سافرت من دمنهور للقاهرة و رجعت تانى فى نفس اليوم و الحمد لله عربية تانية خالصاقتباس:
المشاركة الأصلية كتبت بواسطة moha4tec
تمام مشكور جدا جدااقتباس:
المشاركة الأصلية كتبت بواسطة excel_team2000