مساء الخير يا شباب اللوجان...كنت عايز مساعدتكم...هو أريال اللوجان ممكن يتفك و يتشال فى العربية عشان ما يتسرقش؟ و يا ريت الطريقة لفكه ﻷنى بحثت كتير بالمنتدى و جوجل ملقيتش حاجة تخص لوجان...
و أشكركم مقدما
عرض للطباعة
مساء الخير يا شباب اللوجان...كنت عايز مساعدتكم...هو أريال اللوجان ممكن يتفك و يتشال فى العربية عشان ما يتسرقش؟ و يا ريت الطريقة لفكه ﻷنى بحثت كتير بالمنتدى و جوجل ملقيتش حاجة تخص لوجان...
و أشكركم مقدما
اريال اللوجان سهل جدا جدا جدا الفك
فكه زى ما تكون بتفك مسمار بالظبط بس كده وبايديك عادى جدا بدون ادوات ولا حاجه
ولما تيجى تركبه نفس القصه كانك بتربط مسمار عادى جدا
تلفه بس هتلاقيه بيطلع معاك .. كويس انك هتفكه وكمان انصحك انك " تبرشم " العلامات عند حد بتاع المونتال عشان متزعلش عليها لو اتسرقت
عادى . كأنك بتفك صامولة :)
تفكه وتشيله فى الدولاب وتشترى اريال تانى مايتبكيش عليه بـ 10 جنيه وتركبه مكانه. أنا عامل كده.
أشكركم كثيرا يا شباب...و أنا عملت بنصائحكم و الحمد لله عرفت أفكه و كان سهل زى ما وصفتم بالظبط...بس إيه حكاية برشمة العلامات دى...أنا أعرف أن مسامير البرشام بتبقى ظاهرة جدا و أعتقد أن ده هيشوه منظر العلامات و لا أنا فهمتكم غلط و بأتكلم عن نوع آخر؟
نصيحه برشمه علامات اللوجان علشان العلامات دى بتتسرق وهى اصلا غاليه
العلامه فى التوكيل تمنها 350 جنيها .......... انا سمعت كده والله اعلم
فى النهايه ربنا يستر على الجميع
الا العلامااااااااااااااااااا اااااااااااات
اول مرة اسمع فيها عن موضوع برشمة العلامات ده ... حد يقولنا الطريقة اذاي ؟؟ و هل البرشمة بيقي شكلها بين ؟؟؟ و التكلفة كام ؟؟
فعلاً فكه وتريكبه سهل ، بس ايه العلامات دي بتاعت ايه؟
تقصد شعار الرينو؟
لفه زي المسمار وحطه في الشنطة وجيب واحد ب ١٠ أو ١٥ جنيه عند بتوع الإكسسوار تركبة مكانه ١٠٠ ١٠٠
ياريت حد يعرفنا برشمة العلامات فين ؟؟؟
والطريقة إزاي ؟؟؟
وبتكلف كام ؟؟؟
برشمة العلامة دي بتتعمل عند بتوع الالمونتال ( بتوع تقفيلات المطابخ ) .. اللي عنده اي تقفيلة في المطبخ هيلاحظ ان المسامير اللي بتستخدم مختلفة عن اي مسامير وبيركب المسامير دي بمسدس بيخرم بيه العلامة والشنطة وراس المسار صعب جدا ان حد يفكه ( ياريت اللي عنده تقفيله المونتال في المطبخ يدخل يبص علي المسامير بتاعتها عشان الصورة تكون اوضح ) .. هتتعمل بكام اعتقد تكلفتها هتكون بسيطة يعني هتديله اللي فيه النصيب وخلاص اقصاها هيقولك 10 او 20 جنيه في العلامتين .. انا موضوع تشويه العلامه فمنظرها مش هيبان من بعيد مش هيبان غير للي قريب من العربية ومنظرها مش وحش للدرجة دي ومهما كانت هتكون افضل من شكل العربية والعلامات مسروقه او محطوط علامات مش اصلية .. انا اتسرقت من عندي العلامتين ولو رجع بيا الزمن تاني من غير ما افكر هروح ابرشم العلامات الاصلية اللي كانت فيها ..
ممنوع الكتابة باللون الاحمر لانه خالص بالمشاركات الادارية
تم تعديل اللون
مشرف رينو
ب10