تم تصليح صوت التزييق فى الاوبتراولكن؟
السلام عليكم
من فتره كنت اسمع صوت تزييق فى الاوبترا لما الف الدركسيون يمين او شمال بسمع الصوت فرحت لواحد بتاع عفشه وفحص العربيه كويس وانا كنت بتعامل معاه قبل كده المهم قالى العربيه عاوزه ذراعين اسبريزر هما اللى بيعملو الصوت وعلى فكره ذراع الاسبريزر هو عباره عن حديده تقريبا طولها شبر ونصف وفى نهليه كل طرف يوجد بيضه صغيره المهم اشترتهم من المنير الذراع ب40 جنيه يعنى ب80 الاثنين وركبهم والعربيه بقت زى الفل وحتى الصوت راح والمطبات بقت احسن وحصلت مشكله كبيره بعدها بيومين لقيت صوت جامد فى المطبات زى حديد فالت من مكانه المهم بصيت على الدراعين اللى انا اشترتهم لقيت كل دراع البيضه اللى فيه طلعت من مكانها بس العربيه ماشيه مفيش مشكله الا الصوت ده المهم قلت يمكن دول مش اصليين فرحت لشركه ابو الحسن فى شارع بين السرايات وهو بيبيع الاصلى فقط واشتريت دراعين اصليين ب160 جنيه وقلت لما يفك الدراعين اللى اتكسرو ابقى احاول ارجعهم للى اشترتهم منه وركزوا معايا فى اللى جاى لانه مهم جدا وعلشان محدش يقع فى اللى وقت فيه المهم بساك ابو الحسن عن اللى اتكسرو قالى يمكن ركبهم غلط وبلفعل العفشجى ركب الدراعين غلك هما تشفهم شكل بعض بلظبط مفيش اى فرق ولكن فى واحد يتركب فى اليمين وهو عليه علامه حمرا والتانى فى الشمال عليه علامه بيضه دى مهمه جدا علشان ميحصلش اللى حصل معايا ورجعتله وزعقت معاه وقلى والله معرفش ان كل واحد فى ناحيه وكان عاوز يدفعلى حقهم بس انا استحرمت طبعا والحمد لله بقت العربيه كويسه فياريت تاخدو بالكم من النقطه دى واسف على الاطاله
