الموضوع: صوت تكتكة خفيفة كده مع تحرك العربية على السلانسيه

السلام عليكم
انا العربية عندى كورولا 2008 mmt وعاملة معاى 113000 كيلو ولحد دلوقتى مغيرتش لا الديسك ولا الاسطوانة بس حاليا بسمع صوت تكتكة خفيف كده من قدام تقريبا جاى من ناحية الفتيس مع او ل تحرك للعربية مع السرعة البطيئة جدا واما العربية بتتحرك اسرع الصوت بيروح وتقريبا بخس بسخونة فى عصاية الفتيس لاحظتها مؤخرا فهل ده اسطوانة وديسك وبلية ولا ايه؟؟
السؤال الثانى هو سعرهم كام تقريبا يعنى؟؟؟
وشكرا

السلام عليكم ورحمة الله

بالنسبة لصوت التكتكة الى الاخوة بيتكلموا عليه هو كان موجود عندى وكنت شاكك ان فى حاجة مفكوكة فى العفشة او اى حاجة فى العربية من تحت ولما قرات مشاركة الاخوة ان الصوت ده موجود عندهم ايضا بدات اشك ولما عرفت انه فى الجيربوكس رحت التوكيل وشرحت لهم الصوت وحربوا العربية وسمعوا الصوت مبدائيا قالوا ممكن يكون الجكمان اتخبط من وهوبيعمل الصوت ده فقلت لهم لا الصوت بيروح اول ما افصل الجير او اجيبه على الوضع n المور يعنى
المهم طلع عينهم من الساعة 10 صباحا لحد الساعة 3 ظهرا وقعدوا شيكوا على السوفت وير بتاع الجيربوكس ووحدة التحكم وعملوا ابجريد للسوفت وير بتاع السيارة بالكامل وفى الاخر اكتشفة انه ذراع الكالتش بتاع الجيربوكس هو الى بعمل الصوت ده فيه بوش خفيف فبيتهز مع رجه الماتور قالوا لى اسمه بس للاسف نسيته
هما قالوا ان الجيربوكس مالوش عندهم قطع غيار فى الوقت الحالى وانهم حايحاولوا يصلحوه لانه سليم ولو منفعش حاتطر انتظر لحد ما يطلبوا لى واحد تانى والحمد لله قدروا يصلحوه على الساعة 5 وقلت لهم مش حاستلم السيارة الا لما اجربها والحمد لله راح الصوت والمهم فى الموضوع ان السوفت وير الجديد عالج موضوع اهتزاز الماتور بسبب انخفاض عدد لفات الماتور فى حالة الانتظار فى الاشارات او الزحمة
الفايدة الثانية طبعا انى مدفعتش ولا مليم
انا اسف على الاطالة بس حبيت اوضح لكم الى حصل بالظبط