العربية حاسس انها بتاكل بنزين .. انا جربت كده هي ب 10 لتر بيبقى حوالي ما بين 67 و 70 كيلو .. سواقتي كلها في عباس العقاد ومصطفى النحاس ومكرم عبيد زحمة وقرف و كده ؟؟ مش بشغل تكييف كده ايه النظام ؟
عرض للطباعة
العربية حاسس انها بتاكل بنزين .. انا جربت كده هي ب 10 لتر بيبقى حوالي ما بين 67 و 70 كيلو .. سواقتي كلها في عباس العقاد ومصطفى النحاس ومكرم عبيد زحمة وقرف و كده ؟؟ مش بشغل تكييف كده ايه النظام ؟
بيتهيألي كده الاستهلاك عالي .. أنا ال 10 لتر يمشوني من 100 ل 120 كيلو تقريبا
في الزحمة ولا طريق مفتوح لأن انا كل دقيقة بقف دقيقتين ؟
!!!!!!!!!!!!!!!!!!!!!!11
حضرتك عرفت الاستهلاك ازاى, مؤشر البنزين مفهوش الدقة اللى تخليك تعرف الاستهلاك مباشرة, عشان تعرف الاستهلاك الحقيقى لازم تفول العربية و تصفر العداد و تطلع مشوار على سرعة 90 - 100 كم/س و بعدين تفول تانى و تشوف العربية خدت كام لتر و مشيت كام كيلو و تقسم المسافة على الاستهلاك هتعرف اللتر يمشيك قد ايه, لكن فى الزحمة فيه ظروف كتير متغيرة زى طبيعة الزحمة خفيفة ولا صعبة و طريقة السواقة و هكذا, او بمعنى تانى انت مش هتعرف ان كان الاستهلاك فى الزحمة دة طبيعى ولا فيه مشكلة فى العربية.
كدا زى الفل
لس قيسها على طريق سفر وانت تحسبها احسن
يا باشا أنا كذا مرة أفول و أصفر العداد ومفولش تاني غير قبل الآخر بحاجة بسيطة ألاقي العداد عمل حوالي 450 كم .. وطبعا معروف إن تنك البنزين بتاع اللانوس 48 لتر وشوية البنزين اﻷي فاضلين كانو يمشوني 30 كم أو أكتر شوية ..يبقى ده معناه إن معدل الاستهلاك 1 لتر بنزين كل 10 كم .. الكلام ده داخل المدينة .. لكن على الطرق السريعة مرة فولتت وروحت اسكندرية ومشيت شوية في اسكندرية و رجعت ولما جيت أفول كان العداح عامل 603 كم يعني الاستهلاك حوالي 12.5 كم لكل لتر بنزين .. وعلى فكرة في كتالوج اللانوس هتلاقي الاستهلاك مكتوب أحسن من كده.. تقريبا 14 كم لكل لتر ..مش عارف بصراحة يمكن أنا غلط .. عموما كل واحد يقول رأيه ونستى رأي الخبراء
احسب الاستهلاك بطريقة صحيحة وبعدين نحكم علي العربية
+111111111
بالظبط كده
جوه البلد فى عوامل كتير قوى هتاثر على حساب الاستهلاك
لازم تحسب على طوالى وتمشى بسرعة 90 كيلو / ساعة عشان ديه السرعة الى بتكون على اعلى غيار وفى نفس الوقت تاثير الرياح عندها اقل ما يمكن ويفضل طبعا ان اليوم ميكونش هوا جامد يعنى زى الايام ديه