والله نادر جدا
عرض للطباعة
أنتم هتجننوني يا جدعان : )))
دا انا والله العظيم تقريبا كل يوم لازم اشوفها
خدوا عندكم النهرده بردو كنت في بلد صغيرة علي طريق مصر أسيوط السريع شوفت فيها عربيتيتن قشقاي واحدة جوك
انا عفعلا كنت بشوف الاسبورتاج الأول بصورة كبيرة لكن قبل ما تنزل القشقاي لاكن لما نزلت القشقاي حسيت ان شوارع مصر اتملت بالعربية دي
دل غير بقى الاسكندرية وما ادراك ما الاسكندرية كنت هناك قبل رمضان بكام يوم وشوفت قشقاي كتير جدا دا غير كام عربية جوك
عموما دا مش مقياس لكن فعلا بقيت اشوفها بشكل ملحوظ اووي
على فكرة يا جماعة .. لما الواحد يكون راكب عربية ما او بيحب عربية ما بتلاقى عنيه بتشوفها كتير من حواليه وتغفل باقى الانواع
يعنى انا اول ما عرفت انى هاستلم صنى من شركتى القديمة فى 2010 قبلها بشهرين كده كل اما امشى فى الشارع الاقى صنى اقعد اتفرج عليها وبعد اما ركبتها حسيت انها منتشرة اووووووووى وفى كل مكان باروحه !!!
احساس نفسى مش اكتر .. وعشان نقارن صح بين عربية ومنافستها يبقى نشوف مبيعاتها بالارقام مش بالعين المجردة
ومفيش شركة فى مصر بتعلن ارقام عربياتها الا بعد اما توصل 10 الاف عربية
لكن ممكن للمهتمين يتابعوا تقارير الاميك الدورية كل شهر و3 شهور لمبيعات العربيات المحلية والمستوردة تحديدا والتى تنشر فى ملحق جريدة الاهرام بانتظام ..
الموضوع ده منقول من على موقع كونتكت كارز
وده الرابط http://www........cars.com/NewCars_P...?EngineID=3076
ممكن يفيد عشاق القشقاى
Houseiny
10/05/2012 02:24:10 م
توكيل نيسان محترم جداً
توكيل نيسان توكيل محترم والعربية حلوة جداً كثبات وعفشة ناعمة جداً وثابتة لحد 150 ، والأوتوماتيك بتاعتها بتعمل 270 لتر/ الصفيحة وده عشان الفتيس سي في تي ، وكمان ديول أنجيكشن ، قطع غيار افضل من الشارك والسبورتاج وهاهي قطع الغيار (منقول للأمانة)
1- فلتر زيت = 55.0
2- فلتر هواء = 179
3- سير محرك = 176
4- فلتر تكييف = 202.4
5- تيل امامى = 577.5
6- تيل خلفى 404.8
7- جوز طنابير امامى 1386.0
8- جوز طنابير خلفى 1271.6
9- مساعد امامى الواحد 1351.9
10- جوز مساعدين خلفى 1271.6
11- مقص امامى الواحد 705.1
12- بوجيهات بلاتنيوم للقاشقاى الاتوماتيك .. بتتغير كل 100 الف كيلو 699.6
13- فانوس امامى كامل 5500
14- فانوس خلفى 1100
15- اكصدام امامى 1501.5
16- اكصدام خلفى 1652.2
17- باب امامى 2656.5
18- باب خلفى1727
19- مرايا شمال 1045
20- مرايا يمين 2090
21- كابوت 1963.5
22- كفر مرايا 194.7
23- مساعد خلفى 1271.6
24- بوجيهات للقاشقاى المانيول بلاتنيوم بتتغير على 100 الف كيلو 465
25- ردياتير للقاشقاى المانيول 3000
26- ردياتير للقاشقاى الاتوماتيك 3750
27- صرة عجل امامى الواحدة 900
28- صرة عجل خلفى الواحدة 1210
الرابط مش شغال ؟!!