الموضوع: مشكلة في كارت ميجان .. الرجاء المساعدة

مشكوور يا اخي :)

المشاركة الأصلية كتبت بواسطة luai aziz

انا عندي مشكلة في كروتي الاتنيني ، واحد بيعمل لوك وانلوك للعربية .. بس لما احطو في الفتحة يقولي card not detected ، اما الكارت التاني مش بيعمل لوك وانلوك لكن بيشغل العربية .. انا سمعت ان في ناس بتصلح المفاتيج بره التوكيل باسعار رخيصة عن التوكيل بكتير .. ممكن حد يدلني عليهم ولكم جزيل الشكر

هو فى واحد بيصلح الكروت فى الحرفيين اسمه خالد اتون بس مش معايه نمرته للاسف، ممكن اوصفلك مكانه لو عايز تروحله، انا عملت عنده الكارت بتاعى، و هيقولك 150 جم بس ممكن تفاصل معاه شويه يعنى، انا مش عارف هو كده غالى ولا رخيص بس اعتقد ان اغلبهم بيقولوا ال150 ديه معا انه بيشتغل فيه 3 دقائق بالضبط عشان عارف التوكيل بيقولك غير الكارت على طول و مش بيرضى يصلحه، و شوفت هنا فى المنتدى ان فى واحد تانى فى شارع السودان اسمه عزت، هدورلك على عنوانه. بس انا عندى سؤال، الكارت التانى اللى بيدور العربيه مش بيطلعلك replace card battery على الكمبيوتر بعد ما تدور؟ لو كان ممكن تكون محتاج تغير بطاريه بس!

المشاركة الأصلية كتبت بواسطة mohammedaladel

بس الكارت ممكن يدور العربية من غير البطارية خالص التنبية دا عشان تغير البطارية لأنها لو فضيت الكارت مش هيقدر يفتح ويقفل العربية ( السنترال لوك يعنى ) ولكن عادى العربية تدور حتى لو البطارية مخلوعة من الكارت

طيب ما هو ده اللى انا بقوله، لؤى عنده كارت بيدور و كارت بيشغل السنتر، فالكارت اللى بيدور ده ممكن يكون محتاج بطاريه بس و يشغل سنتر برضه و تبقى محلوله كده

بص انا لسة راجع حالا من مشوار تصليح الكروت دة كان في واحد عندي مش بيدور العربية بس شغال سنتر لوك
والتاني العكس المهم واحد معرفة وداني عند واحد اسمه سعيد في جسر السويس امام بنزينة كالتكس وجنبه موزع بطاريات اي سي ديلكوا المهم الراجل دة برنس ظبطلي الكارتين وكاشتغلوا تمام ودفعت 180جنيه واخدت منوا 3شهور ضمان كمان لي التصليح بس انت لازم تقولو انا عايز ضمان هو بياخد وقت شوية بس نضيف وعليه ضغط كبير