اسعار لبعض قطع غيار فيات 131

السلام عليكم ورحمه الله تعالى وبركاته ...

أنا جايبلكم انهارده اسعار الحاجات اللى ركبتها جديد في العربية .. وهى فيات 131 ايطالى موديل 79 ...

اول امبارح كنت مغير مقصيين امامى ،، وكنت بصلح علبة الدريكسيـون .. وجبت الحاجات كلها تركى ،، طبعاً لان أغلب اللى موجود تركى مافييش ايطالى
و الأسعار كالأتـى :

- مقصيين أمامى ... بسعر 160 جنيه ... ماركة : sismako .. النوع :تركي

- كوتشة تراب علبة دريكسيون ... بسعر 20 جنيه ... النوع : تركى

- كوتشة ميـزان ... بسعر 15 جنيه .. ماركة : KKS ... النوع : تركى

- فبرة دريكسيون ... بسعر 5 جنيه ... النوع : تركى

- كوتشة تثبيت دريكسيون ... بسعر 15 جنيه ... ماركة : ETEL ... النوع : تركى

- والميكانيكـى خد 120 جنيه مصنعيـة :pirate14:

--- > بعد كدة روحت غسلت العربية من تحت ، وتـزييت العفشة ،، وعملت ظبط زوايا و ترصيص .. كل دة بـ 100 جنيـه ... في بنزينة كالتكس اللى في المعادى

والحمد لله العربية زى الفل .. لسه بقى هروح للميكانيكى تانى لان كان ورايا إرجا علشان الجيش وكنت لازم اروح البيت بدرى علشان أقدر انام واصحى الفجر ، والحمد لله لبسنا 3 سنين ، فلما اروح للميكانيكى إن شاء الله هشوف حوار العضة اللى في الفتيس هى خفيفة شوية يعنى ، و هغير فلتر الزيت و هشد الفرامل شوية .. ولما أرجع ان شاء الله هبقى أقولكم على الأسعار ...

في رعايه الله جميعاً ..

شكرا لمشاركتنا تجربتك

العفو يا باشا ،، وياريت لو الناس برضو تشاركنـا ، وأى حد يعمل اى حاجه في عربيتـه ، يكتب الحاجه دى ايه هى ، وسعرها كام ، و نوعها ايه ،، و عملها فين وكدة ....

ولا في مرجع هنا لاسعار قطع غيار ال 131 ؟؟ لانى مش متابع اوى والله .. لو المرجع دة موجود ، ممكن حد بس يحطلى اللينك ،، علشان برضو لما اعمل اى حاجه ابقى اقول عليها .. ونمسح الموضوع دة

وشكراً لمشاركتك مرة أخرى ... تحيـاتى

هو في رابطه (تجمع ) لمالكي فيات 131 حضرتك ممكن تلاقي الموضوع في القسم الفرعي للروابط في قسم فيات
والرابطه تضم مواضيع مفيده و تجارب للاعضاء ايضا

شكراً يا فندم ، وجزاك الله كل خير ..

الف مبروك ياباشا

تسلمـ يا معلمـ ..