جوان تاكيهات نوبيرا و نقصان الزيت .......هام
لقيت الموتور<نوبيرا 2 > غرقان زيت فرحت للميكانيكى اشوف ايه الحكاية فقاللى ان الجوان بتاع التاكيهات بايظ . فقولتوه ما هو انا لسه مغييره عندك من 3 شهور ... قاللى الجوان اللى يعمل كده مش اصلى
و فعلا فكينا الغطا و لقينا الجوان مقطوع و البوجيهات كانت غرقانة فى الزيت و كانت بتقطع
فرحت سألت على الاصلى فكذا واحد قاللى محل اسمه العشرى بالحرفيين عنده الاصلى بتاع التوكيل .
و اشتريت
1- جوان غطا التاكيهات = 60 جند
2-طقم اسلاك بوجيهات كورى = 60 جند
3-طقم بوجيهات هيواندى (علبة لبنى فى ازرق) Genuine=
60 جند
و التركيب اخد 50 جنيه
و العربية سحبها فرق تماما و لسة جاشوف مقاس الزيت حا ينقص و الا لأ
و بالمرة دخلت بنزينة و اديت السربنتينة و الردياتير مدفع مياه علشان التكيف يشتغل بكفاءة
و حبيت اشارككم تجربتى
