الف مبروك على الصيانة عقبال صيانة ١٠٠٠٠٠٠٠٠ انشاء الله
الطاسة فعلا غالية مع ان طاسة التيدا ارخص
رقم العضوية : 46255
تاريخ التسجيل : 05Sep2009
المشاركات : 1,046
النوع : ذكر
الاقامة : Cairo
السيارة: Lancer 98 Man. 1300
السيارة[2]: Nissan Sunny 2011 SuperSalon
دراجة بخارية: N/A
الحالة :
السلام عليكم
حبيت اشكركم معايا في تجربتي مع السبع ( فرع المعادي )
لصيانة سيارتي صني سوبر صالون 2011
صيانة 30.000 كم
اولا اتصلت بيهم من اسبوع و حجزت امبارح الخميس
و رحت جبت زيت فالفوين 5w-30
من الفرع الاصلي في الحي السادس
كان ب 310 جنيه و عملولي خصم 10 % مش عارف عرض ايه كده بقي ب 279 جنيه و معطر هدية
وصلت يوم الخميس الساعة 8:20 و كان هناك عربيتين صني و تيدا
المهم رحت لبتاع الامن قالي بيفتحواالساعة 9
قلتلوا طب حد يأخد ارقام الناس اللي جت بالترتيب عشان ندخل في دورنا مضبوط , حلقلي و لا كاني بتكلم و قالي لما يجيوا تدخلوا !!!
المهم علي الساعة ما جت 9
كان هناك يجي 20 عربية ما بين صني و تيدا و اكس تريل
فتحوا الباب الناس دخلت و كان كتير مش حاجزين صيانة
كنت مجهز الرخصة و كتيب الضمان
اخدت رقم و كنت رقم 3 مع ان اللي يدخل الاول ياخد رقم الاول ( ميمنعش ان كان في ناس شاكلها واصلة و خرج معاهم مهندسين يستلموا العربية من غير رقم و لا يحزنون و هيتعملهم اودر شغل بعد الاستلام بعكس اللي حصل معايا !!! )
المهم جه المهندس و قالي بيتشتكي من ايه قولتلوا علي اللي في العربية و كان كالاتي
1- صوت يزييق في الفرامل الخلفية
2- استهلاك بنزين غير طبيعي (شاكك في البوجيهات )
3- صوت عالي في الموتور ( شاكك في الزيت )
4- طبة واقعة من الجنط الشمال ورا
5- تركيب فلتر تكييف
كتب المطلوب و نزل معايا علي العربية و بصراحة كان محترم قالي هكلمك لو الطبة غالية و لو في اي حاجة و بيضرب كلاكس قالي الكلاكس عندك بايظ هنشوف ماله و استلم مني العربية
وقالي هتخلص علي 11 بس ان قوتلوا انا هاجي استلم بعد الضهر عشان لازم اروح الشغل
و عرض عليا شاكرا توصيلي للخارج عشان المكان محدوف اوي في زهراء المعادي بس كان في واحد صاحبي هيجيلي
كلموني علي الساعة 11 قالولي العربية محتاجة كاوتش تراب المساعد اليمين عشان مقطوعة و دي برة الضمان و ب 60 جنيه و تركيب 100 جنيه قلتلهم ماشي غيروها
و الطاسة ب 210 !!!!
قلت في عقل بالي ده تمن جنط مش طاسة !!! و قلتلوا لأ مش عايزها
كلموني تاني علي الساعة 1 قالولي العربية خلصت و اتصوا تاني الساعة 2 عشان انا اتاخرت عليهم في الشغل
المهم رحت هناك علي الساعة 3
و صلت و دخلت لقيتهم زي ما يكونوا شطبوا مفيش حد غير 3 -4 مهندسين و المكاتب فاضية
قلت لبتاع الرسيبشن انا فلان الفلاني و جاي استلم عربيتي
قالي هيجي اهو
المهم جه واحد اداني ورقة فيها التفاصيل
60 تمن كاوتشة المساعد
100 تركيب الكاوتشة
150 تمن فلتر التكييف
30 تركيب الفلتر
150 صيانة
50 فلتر زيت
المهم حوالي 680 جنيه روحت دفعت بالفيزا و اخدت ورقة لاستلام السيارة
و وقفت في نص الصالة ادور علي الراجل مش موجود
رحت للراجل بتاع الاستقبال يا باشا عايز استلم العربية قالي هيجي اهو !!!
فضلت و اقف بتاع 5-10 دقايق و رحتلوا تاني و بدأت اتعصب فين اي مهندس يسلمني العربية هوا مش مفروض يجي واحد يقلي عربيتك اهي حصل كذا و كذا
لقيت مهندسة جاتلي و بصت علي الورق و خرجت نعايا سلمتني العربية و خرجت العربية
و مشيت و انا مبسوط
بفتح درج التابلوه ملقيتش كتيب الصيانة لفيت وشي و رجعتلهم و لقيت المهندسة قلتلها فين كتيب الصيانة
ظهر المهندس اللي استلم مني العربية و قالي سوري ختمته و نسيت احطه في العربية
اخدت الكتيب و مشيت
ملاحظاتي مجمعة
الايجابيات :
1- غيرولي الكلاكس ببلاش و من غير ما اشتكي من صوته اصلا بس لقوه بايظ
2- تنظيم في الدور ( للي يلحق و يدخل الاول )
3- بياخدوا اللي حاجز صيانة الاول في الدور و يسيبوا كل اللي مش حاجز في دور لوحدهم في الاخر
4- المتابعة في التليفون
5- الامانة في العربية ( العربية كان فيها بدلة متعلقة و حاجات في الشنطة ) العربية كل حاجة زي ما هيا و من غير بهدلة
السلبيات :
1- محدش بياخد الدور قبل الساعة 9
2- سعر الطاسة مغالي فيها اوي ( 210) امال اجيبها منين دي !!!!
3- نسيان كتيب الضمان
4- فضلت استني لحد ما المهندس يجي يسلمني العربية ( كنت حاسس انك دفعت و روح خد عربيتك و مع السلامة )
5- الفرامل اتحسنت بس التزييق في الفرامل الوارنية زي ما هيا
6- صحيح هما غسلوا العربية بس بصراحة مفيش حد مد ايدو يلمع الاازاز منجوه و لا ينزل التراب من علي الطابوه
التقييم النهائي جيد جدا و هاروحلهم تاني ان شاء الله لو لينا عمر في صيانة 35000
مستني الاراء و التعليقات و تجاربكوا مع السبع
رقم العضوية : 82470
تاريخ التسجيل : 01Dec2010
المشاركات : 2,895
النوع : ذكر
الاقامة : el mehalla elkobra
السيارة: cerato 10
السيارة[2]: corolla 15
دراجة بخارية: :(
الحالة :
الف مبروك على الصيانة عقبال صيانة ١٠٠٠٠٠٠٠٠ انشاء الله
الطاسة فعلا غالية مع ان طاسة التيدا ارخص
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
الف مبروك الصيانة يا باشا ..
رقم العضوية : 49685
تاريخ التسجيل : 12Oct2009
المشاركات : 165
النوع : ذكر
الاقامة : tanta
السيارة: nissan tida plus 2012
السيارة[2]: fiat 132
دراجة بخارية: no
الحالة :
الف مبروك الصيانة ياباشا وعقبال صيانة المليون
ان شاء الله تفضل مبسوط من نيسان على طول
رقم العضوية : 46255
تاريخ التسجيل : 05Sep2009
المشاركات : 1,046
النوع : ذكر
الاقامة : Cairo
السيارة: Lancer 98 Man. 1300
السيارة[2]: Nissan Sunny 2011 SuperSalon
دراجة بخارية: N/A
الحالة :
شكرا ليكو
كلموني امبارج يسألوا عن رأيي و قلتلهم علي اللي ضايقني و عرضوا عليا اجيب العربية يصلحوا الفرامل و يغسلوها بس انا قلت ان شاء الله في صيانة 35000 و شكرتهم
رقم العضوية : 21551
تاريخ التسجيل : 08Oct2008
المشاركات : 2,587
النوع : ذكر
الاقامة : suez
السيارة: الحمد لله كده زى الفل
السيارة[2]: Nissan Tiida H/B
دراجة بخارية: no
الحالة :
مبروك عليك الصيانه يا باشا
م / محمد سعد
[img2]http://img846.imageshack.us/img846/197/63588414414249233311774.jpg[/img2]
رقم العضوية : 18439
تاريخ التسجيل : 09Sep2008
المشاركات : 8,548
النوع : ذكر
الاقامة : حدائق الاهرام
السيارة: بولو 99
السيارة[2]: تيدا 2009
دراجة بخارية: honda
الحالة :
مبروك الصيانة .. وعقبال صيانة المليون .. ياريت بقا متنسناش فى تقييمك للمركز فى موضوع تقيم مراكز الخدمة
محرر فى دعم اتخاذ القرار بوزارة الاعلامقليل المشاركة فى الموضوعات والرسائل الخاصة لانشغالى بالعملبرجاء الاتصال بى : 01288814049
رقم العضوية : 42730
تاريخ التسجيل : 19Jun2009
المشاركات : 6,353
النوع : ذكر
الاقامة : Riyadh - KSA // Banha - Egypt
السيارة: NISSAN ALTIMA 2.5 SL '13
السيارة[2]: FSO Polonez '88 - NISSAN SUNNY EX Saloon '10
دراجة بخارية: 000
الحالة :
1000 مبروووووووووووووك ع الصيانة والعربية يا باشا ..
لكن لى تعقيب على عدة نقط بالموضوع:
1. ليه حضرتك جبت معامل لزوجة الزيت 5w30 مع ان الافضل اكتر 5w40
2. ثمن الزيت 310ج !!! .. هل ده ل3 عبوات واحد لتر (كده يبقى اللتر ب100ج تقريبا) ولا عبوة واحدة 4 لتر (اى ثمن اللتر 75ج)
3. فعلا السبع واى مركز خدمة المفروض يلتزم مع مواعيد الحجز والعملاء بدون حجز ليهم اولوية تانية
4. موضوع الامانة ده تتميز بيه توكيلات نيسان عامة والسبع خاصة حتى لو مسمار فى درج التابلوه تلاقيهم حاطينه فى كيس بلاستيك ومتدبس ومحطوط فى الشنطة.
5. المتعارف عليه فى معظم التوكيلات ومنهم السبع ان غسيل العربية يتم للهيكل الخارجى فقط وليس الصالون او الزجاج من جوة لأنها مش مغسلة وتعتبر خدمة مع الصيانة لازالة التراب الصادر من كومبريسور الهواء وتنظيف الموتور والفلاتر وايدى العمال فى الورشة من زيوت وشحوم ان وجدت.
6. بالنسبة لكتيب الضمان .. المفروض حضرتك تاخده بعد ختمه اثناء تسليم العربية وتسجيل قراءة العداد وملاحظات الصيانة ان وجدت وتشيله بنفسك حتى لا تنساه مثلما حدث مع مهندس الاستقبال .. وعن نفسى باحط كل الاشياء المهمة ومتعلقاتى الشخصية فى شنطة العربية واقفلها باللوك الداخلى واسلم العربية بالمفتاح الاحمر فقط بدون ريموت .
7. معنى ان العربية وهى عاملة 30 الف كم تحتاج تغير كاوتشة تراب مساعد واحد يمين انها خدت مطب جامد ناحية اليمين والكاوتشة فايدتها حماية المساعد من الانضغاط لنهاية مشواره وعدم تسرب تراب لماسورة المساعد حركته .. وانا برضه فى عربيتى 2010 غيرت كواتشات مساعدين اماميين فى صيانة ال40.000 كم بعد مطب جامد شوية.
8. بالنسبة للكلاكس .. معروف ان الصنى بها فردتين واطى وعالى ودايما خاصة المحلى منها فيه مشكلة ويبوظ بسرعة وذلك لضعف سمك الرق فى كل قرص ويبوظ حتى مع حرص الاستعمال بعدم اطالة الاستعمال المتواصل او المتقطع (مثل زفة الافراح) .. وعندى غيرته مرتين فى الضمان عند 45 و65 الف كم بمعدل مرة فى السنة .. وثمن الفردة الواحدة 114ج بدون مصنعية تركيب ولا ضريبة مبيعات !!!
9. بالنسبة لسعر طاسة الجنط المغالى فى ثمنها 210ج .. فعلا هى سعرها كده وتلاقى اللى سرقها هايبيعها ب20ج ع الرصيف !!!
وكان فيه عضو معانا فى القسم اتسرقت منه الاربعة وجابهم بالضريبة بحوالى 924ج ومن وقتها شايلهم بدون تركيب ..
والجدير بالذكر ان ثمن الجنط نفسه 2200ج والجنط الحديد 550ج والطاسة العادية 330ج ..
بصراحة فكرة جنوط الومنيوم بطاسات دى موضوع فاشل بس المشكلة ان الصنى مش لايق عليها اشكال جنوط غير اللى بينزل على السوبر صالون !!!
10. السبع من مراكز نيسان المحترمة جدااااااا فى مصر وخدمتها وارضائها للعملاء فوق كل اعتبار ويمسح اى عيوب او سلبيات مهما كانت وده عن تجربة لأن ثلثى صيانات عربيتى عملتها عندهم ..
Y2Y1500 سابقا
رقم العضوية : 46255
تاريخ التسجيل : 05Sep2009
المشاركات : 1,046
النوع : ذكر
الاقامة : Cairo
السيارة: Lancer 98 Man. 1300
السيارة[2]: Nissan Sunny 2011 SuperSalon
دراجة بخارية: N/A
الحالة :
يوسف باشا :
1- روحت فافولين و قالولي ده الافضل و قريت في نايل شوية و علي قد فهمي
ممكن الفرق في كلمتين :)
2- ثمن الزيت 310 ل عبوة 4 لتر :) راكب اوبل بقالي 10 سنين و بتاخد 3.5 من غير فلتر و 4 بفلتر
مع اني سألت هنا الصني بتاخد كام بس نسيت :)
الكيلو اللي معايا في العربية اعمل بيه ايه :) في الاوبل مرة جمعت النص كيلو علي 7 مرات و غيرت بيهم زيت مرة :) كنت بستعمل شل اصفر علي طول
بس الوقتي الموضوع مطول حبيتين لاني هغيرو كل 10.000 ولا اجيب عليهم 2 كيلو المرة الجاية و خلاص :) انتو بتعملوا ايه عادة ؟
3- فعلا ده الصح
4- زي ما حضرتك قلت بالعشرة ساغ لقيتها هناك في الشنطة
5- مكنتش اعرف المعلومة دي :) شكرا ليك
6- والله اللي حصل ان المهندس قالي هخمته و احطه لحضرتك في العربية بس نسي ... الحمد لله المرة الجاية ان شاء الله هتأكد بنفسي منه
بس ايه موضوع اللوك الداخلي دي انا مش عارفه ؟؟؟
معناه اقفل الشنطة و محدش يعرف يفتحها ؟
7- هممم مش عارف عشان مكنتش عندي في الاوبل بس انا لسه شاري العربية من شهر كده و ممكن يكون من المالك القديم
8- حضرتك عارف اني كنت شايف صوتها مستفز بس مكنتش عارف هوا كده و لا انا اللي وداني موسيقيه و متظبطة علي كلاكس الاوبل :) بس اتبسطت اوي من الموضوع ده :) انهم غيروا من غير ما اشتكي
9- شوفلنا حد بقي بجيب من عندو الطاسة دي :) لحسن الموضوع رخم اوي :) بس اهه بحاول مبصش علي الفردة دي اوي :)
10 - عندك حق و الحمد لله ان شاء الله هروحلهم المرة الجاية باذن الله
رقم العضوية : 42730
تاريخ التسجيل : 19Jun2009
المشاركات : 6,353
النوع : ذكر
الاقامة : Riyadh - KSA // Banha - Egypt
السيارة: NISSAN ALTIMA 2.5 SL '13
السيارة[2]: FSO Polonez '88 - NISSAN SUNNY EX Saloon '10
دراجة بخارية: 000
الحالة :
1. الفروقات بسيطة بين الاتنين لكن جوهرية ولها دلالة كما هو موضح فى الصورة التالية:
وبالتالى ال5-30 مناسب لدرجات حرارة طقس بين -30 و30 (ملائم للاجواء الشتوية)
اما ال5-40 مناسب اكتر لدرجات حرارة بين -30 و 50 (ملائم للاجواء الصيفية)
2. الصنى بتاخد 2.5 لتر بدون فلتر و2.7 بالفلتر (والمتعارف عليه 3 لترات بالفلتر)
والافضل وما نفعله هو شراء 3 عبوات واحد لتر مفردة
لأن اللتر المتبقى عندك هايقعد مش اقل من 6 شهور او اكتر عقبال ما تغير زيت بعد 10 الاف كم وبالتالى العبوة مفتوحة ومعرضة للرطوبة والعوامل الجوية من حرارة لو حطه مثلا فى شنطة العربية وعند خلطه مع عبوات جديدة ممكن تأثر سلبا على كفاءته والافضل الشراء قبل الاستخدام مباشرة مع التأكد من تاريخ الصلاحية وسلامة التغليف
6. فيه لوك (لسان فى كالون الشنطة من الداخل) عند وضعه لاسفل لا يمكنك فتح الشنطة بالمفتاح الاحمر او بالريموت عن بعد او من زرار التابلوه ولا يمكن فتحها الا بالمفتاح الاسود واعادة ضبطه لأعلى مرة اخرى ودى خاصية جميلة فى اوقات زى ما ذكرت قبل كده
9. للاسف مش عارف ممكن تبقى بكام وعند مين بس اكيد موجودة لكن نادرة شوية واسال عليها عند اى موزع معتمد لقطع غيار نيسان فى الحرفيين او غيرها وربنا يستر على ال3 الباقيين
Y2Y1500 سابقا
المفضلات