الموجودة في مصر دي عربية وماركة ملهاش أي دعوة بانجلترا أو أوروبا لا من قريب ولا من بعيد... بتاتا
كل ما في الأمر إن بداية شركة morris garages وده اسم مدمج لشخصين من انجلترا بدأوا الشركة لصناعة الدراجات من 90 سنة وبتمويل من شخص اسمه سيسيل، وبعدها تطور المصنع لصناعة السيارات وانتاجهم استمر لغاية سنة 1988 وتحت ادارة شركة روفر الانجليزية الشهيرة، والموديلات كانت محصورة على السوق الانجليزي، ومن سنة 1994 لغاية 2000 شركة BMW اشترتها. ورجعت تاني لروفر من 2000-2005 ... بعد كده اتباعت بالكلية لشركة صينية اسمها نانجينج اوتوموبيل سنة 2005 ومن سنة 2007 بقت تابعة لمجموعة SAIC الصينية برضه!!!
وكل الموديلات من سنة 1930 للنهاردة حوالي 35-40 موديل على الأكثر. وده قليل جدا بالنسبة للفترة الزمنية لشركات صناعةالسيارات.
الموجود في مصر هو صيني بحت وتجميعه مصري في 6 أكتوبر والأجزاء المكونة صينية، ولا دخل لانجلترا بها.
والمعلومة الجديدة إن حماية المستهلك في مصر طلعت تحذير للشركة، لبيان المنشأ بصدق وشفافية في الاعلانات عشان واجعين دماغنا بالسيارة الانجليزية والتكنولوجيا الانجليزية وده كلام مالوش أي أساس من الصحة
أتمنى أكون افدتكو، وأنصح المقبل على شرائها بتوخي الحذر والتفكير في بديل لأن بدون الكلام عن المواصفات الفنية أو التصميم فإن التوكيل كداب من أولها على الناس.
المفضلات