المشاركة الأصلية كتبت بواسطة elawany13
انا شايف انه ممتاز وعملى جدا
بس اعتقد ان اختيار المسار بيعتمد على الذكاء البشرى ولسه موصلش للآلة بصورة مرضية
اللى اقصده متمشيش وراه عميانى لازم تكون دارس وفاهم انت رايح فين وهوه وسيلة مساعده فى منتهى الروعة
كنت رايح بيه مشوار المفروض انى اروحه من على الطرق السريعه لاقيته مصمم انى ادخل من طريق ريفى ترابى بس لما اصريت على الطريق السريع عدل مساره واتعدل معايا
كفاية ابقى ماشى ومشغلة وشايف كل الشوارع اللى حواليا .. فيه شوارع كتيرة بمشى فيها يوميا ومعرفتش اسمها الا مؤخراً
المسارات على الطرق السريعة والتقاطعات والكبارى فى منتهى الروعة على الـ n drive
بيبقى ماشى وألاقى الطريق اتفرع بيا ومش عارف اروح فين لاقيته بيقولى الزم اليمين وفعلا التوجيه الصوتى كان رائع وصحيح
بتبقى ماشى شايف طريقك على الموبايل وشايف اى تقاطعات أو منحنيات واحلى حاجه محطات البنزين بتبقى ظاهره على الخريطة تقدر تفرمل وتهدى السرعه قبلها وتدخل تمون وسابقا ديه كانت مشكلة بالذات لو بتسافر وبسرعتك على طريق متعرفهوش ومش عارف اماكن محطات البنزين
الخلاصة البرنامج ممتاز