استفسار عن مرسيدس 200 المعدلة
انا عندى مرسيدس 200 المعدلة موديل 1983 هيا كانت بتاع والدى الله يرحمه ومركونة بقالها اكتر من 3 سنين بس مش مرفوعة وانا ساعات كنت باحركها وانزل ادورها شوية وعملت لها نصف عمرة وهيا لسه محتاجة تصليحات برده فى العفشة ومحتاجة بطارية جديدة وخلافه ولسه هجدد ترخيصها
المهم انا دلوقتى مش بعرف اسوق ولسه ما اخدتش الرخصة انا بسوق حاجات بسيطة يعنى
بس هاخد الرخصة ان شاء الله فى خلال 3 شهور
دلوقتى فى ناس بتقولى العربية دى كبيرة عليك اوى حجما مش سنا بس العربية عجبانى وشكلها حلو انا عندى 18 سنة بس مش بتفرق معايا موضوع ان العربية شبابى او عواجيزى
انا عايش فى المنصورة وطبعا الدنيا زحمة وانا خايف من موضوع تقدير ابعاد العربية وان انا اخبط العربيات التانية بس ان ابعاد العربية كبيرة
فى عربية تانية داخلة دماغى اسمها مرسيدس a150
خصوصا وانها مرسيدس برده وسعرها معقول لا يتعدى 90 الف جنيه وحجمها صغير وموديل حديث بش شكلها مش اد كده برده
دلوقتى انا مش عارف سعر ال a150 دا منخفض ليه خصوصا وانها مرسيدس هل يا ترى هيا فيها عيوب ولا صيانتها صعبة ولا قطع غيارها غالية اوى بس طبيعى اصلا ان قطع غيار المرسيدس غالية ولا العربية دى معليهاش اقبال وتقيلة فى البيع
دلوقتى تنصحونى بايه احتفظ بالمعدلة ولا اجيب a150 ولو فيه حاجة تانية احسن ممكن تقولولى عليها بس انا باهتم بوسائل الامان وان يكون الصاج بتاعها جامد وتقيل وعموما الالمانى كله صاجه جامد فنا مش عاوز اجيب عربية صاجها خفيف وبعدين ادوخ بيها عند السمكرية خصوصا وان انا لسه بتعلم