هل الـــ gps الموجود فى اجهزة المحمول يغنى عن اجهزة الــ gps نفسها ؟
خاصة و ان اسعار اجهزة الموبايل المدعمة ب gps بقت منتشرة و رخيصة
و ممكن تتساوى او تقل عن اسعار اجهزة gps
زى مثلا جهاز ده
اشتري اونلين في مصر ال جى (LG Optimus Net Dua) فقط ب 899 جنية
فهل ممكن ما اشتريش جهاز gps
و اشترى جهاز زى اللى اشرت ليه ؟
هل هتفرق فى الدقة و برامج الخرائط و لا ايه النظام
ارجو مناقشة مفيدة للجميع
السلام عليكم ورحمه الله وبركاته
هجاوب على حسب تجربتي الشخصيه مع موبايل فيه خاصيه ال gps
موبايل نوكيا n97 min
الموبايل ده فيه ميزة ان خاصيه gps مجانيه بدون اى تكلفه حتى لو مش معاك رصيد فى الخط
و كتير بعتمد عليه لما بكون مسافر مكان مش عارفه و عاوز اوصل فبحدد المكان على الموبايل او اسهل لي علشان ادور براحتي احدد عن طريق الكمبيوتر وبعد كده احاول امشي مع خريطه الكمبيوتر لحد ما اوصل للمكان على خريطه المحمول و احفظه على المحمول
وانا ماشي بشغل البرنامج وبحدد له المكان اللي عاوز اروحه و اكمل شوية وانا سائق لحد ما القط القمر الصناعي و تبدأ عمليه التوجيه الصوتي مصحوبه بالارشادات على الخريطه و تحديد لسرعه السير الحاليه والوقت المتوقع للوصول وكمان بيحذرك لما تتجاوز سرعه ( اعتقد ان فيه بيانات مسجله علي الخريطه خاصه باقصى سرعه مسموح بيها لكل طريق )
اعتمدت عليه في اكتر من مشوار معظمهم كان القاهرة ووصلني الحمد لله تمام وبيختار لي الطرق
ولو انحرفت عن الطريق اللي هوا محدده لي ( بسبب مثلا اني عارف المنطقة الموجود فيها حاليا و عارف طريق اسهل ) البرنامج بيعيد حساب الطريق من تاني
ملحوظة : مش جربت استخدم اجهزة مستقله لل gps
ولكن كانت حصل اني كنت مع ناس اقربائي في منطقة فى المنوفية ( معزومين على فرح ) وبعد ما خلصنا كنا محتارين نخرج منين وانهي سكه
فواحد قريبي كان معاه جهاز gps و الجهاز مطلع له انه in the middle of no where
يعني مش شايف مكانه على الخريطه او القمر مش كان لاقط او الخريطه مش كانت محدثه ولا عيب فى الجهاز معرفش
والبرنامج بتاع المحمول ارشدنا للمخرج بسهوله
شكرا على مشاركة حضرتك
طيب هل كل ال gps
فى اجهزة المحمول لا يتم دفع اشتراك و لا اجهزة و اجهزة ؟
أكيد التليفون يغنى عن الجهاز
طالما بينزل عليه نفس البرامج وكمان اكتر
يعنى بيكون نفس الدقة ونفس الحساسية لالتقاط الاقمار ؟اقتباس:
المشاركة الأصلية كتبت بواسطة ahmed.fahmy
اللي اعرفه ان فيه بعض الاجهزة فقط عليها استخدام ال gps مجاني بدون تكلفة اتصال
منها ال n97 mini
دى نقطة مهمة جدااقتباس:
المشاركة الأصلية كتبت بواسطة michohat
و دى نعرفها ازاى على باقى الاجهزة
للاسف موقع نوكيا مش راضي يفتح معايا (مقفول عندي فى الشغل )
ممكن حضرتك تدور على جوجل بتعبيرات او جمل فيها معنى هواتف نوكيا جي بي اس مجاني
free gps in nokia
الفكرة هل الجهاز نفسة فية GPS ولا لأ ، فى أجهزة مفيهاش GPS بس فيها خرائط زي OVI Maps فدي بتدخل على النت ومن خلال النت بيحدد الموقع
لكن اللى فية GPS مش محتاج تدخل على النت ، هو بيحدد مكانك عادي زي أجهزة الGPS
انا ال GPS عندي فى ال S2 كويس ، (طبعا الدقة بتبقى أفضل لو شغلت ال WIFI ) بس كويس وبيقضي الغرض لو إحتاجتة (مرتين بس اللى أستخدمتة فى أماكن مكنتش أعرفها)
أنا لسه شارى موبايل سامسونج جلاكسى مينى 2
شغال بنظام اندرويد
حملت عليه برنامج NDrive
وحملت خريطة مصر
بصراحة حاجه فوق الخيال ... بسم الله ماشاء الله
خرائط جميلة جدا
وتوجيه صوتى
وطول ما انت ماشى بيظهرلك محطات البنزين على الطريق
والمستشفيات والفنادق وغيره
وبيلقط الاقمار الصناعية فى كل مكان وفى اجزاء من الثانية
المتوفر فيه خرائط المدن والطرق الرئيسية
انما الطرق الريفية مش ظاهره على الخريطة
حملت برنامج I go
وهجربه بإذن الله
على فكرة جوجل مابس حلوة برضوا ، (علشان المتعود على خرائط جوجل)
طيب اعرف n86 مجانى ولا لا
التلفون بيغني تماما تماما ببلاش
لكن في عيب
لو جتلك مكالمه وووانت في نص مشوار هتزعل
هههههههههههههههههههههه
تحياتي
ايه العيب في المكالمه وانا ف نص المشوار
مش جربت الموضوع ده لحد الان
وحتى لو البرنامج قفل او علق بريستارت التليفون و اشغله من تاني واجيب العنوان من الهيستوري او لو كنت مسيف (حافظ ) المكان علي التليفون
مش الفكره انه يعلق او ريستارتاقتباس:
المشاركة الأصلية كتبت بواسطة michohat
المشكله انك هتتكلم ولا تشوف الطريق؟؟
مينفعش الاتنين سوا
هتظطر تركن لحد اما المكالمه تخلص بعدها تكمل
بتكلم لما يكن الواحد مش عارف الطريق نهائي...
تحياتي
تتكلم من الهاند فري واكيد التليفون فيه multitask تخلي المكالمه في الخلفيه وتكمل البرنامج عادي جدااقتباس:
المشاركة الأصلية كتبت بواسطة hm414
بالنسبة لل gps في الموبايلات فهو نوعين
نوع لابد يكون لاقط نت عشان تستعمله
ونوع آخر لا يحتاج أن يلقط نت لتستعمله
معايا سامسونج جالاكسي فيه جي بي إس
لا يشتغل إلا لو لقط إنترنت سواء بالواي فاي أو عن طريق الشريحة
لكن في الصحراء الجرداء مش هيشتغل
لكن كان عندي نوكيا زي X6 & E72 وكانوا بيشتغلوا جي بي إس بدون نت خالص
-ـ
نوكيا n97 mini نفس الحكايه بيلقط بدون انترنت او تكلفه على الشبكه
مش دايما الملتي تاسك بينفع وكمان الهاند فري وانا سايق مستحيل استخدمه وصدقني بعد ما جربته كتير بظطر اركن واخلص المكالمه واكمل الطريق وبقعد اقول يارب المكالمه ما تطولاقتباس:
المشاركة الأصلية كتبت بواسطة ahmad550
غير كده انسى...
حضرتك مش مظبط الاعدادات!!اقتباس:
المشاركة الأصلية كتبت بواسطة ahmed1981
جميع الاجهزة الموجوده الحاليه بتلقط جي بي اس ببلاش حتى لو مفيش شريحه اصلا
بالذات الاندرويد جالكسي او غيره وفي الصحراء لن تتعدى 10 ثواني ويكون لاقط!!!
اكيد المشكله عندك في الاعدادات والنوكيا من زمان قوي ببلاش بس عيبه انه بيطول لحد اما يلقط السجنال
الان 97 كان معايا وكان بياخد عالاقل 25 دقيقه !!!!!!!!!
موضوع التوصيل بالنت ده اسمه AGPS
A= assisted
وفي الحاله دي الجي بي اس بيفضل لاقط حتى لو انت في نفق او جوه بيت حتى هيلقط لانه هنا بيعتمد على ابراج الموبايل في تحديد الموقع
بياخد وقت قد ايه عشان يلقط السجنال من غير واي فاي ولا انترنت؟؟؟؟اقتباس:
المشاركة الأصلية كتبت بواسطة michohat
تحياتي
باختصار كده الموبايل ممكن يحل محل ال gps لو توافر فيه الاتى :-
١- يشتغل gps لا يحتاج يتصل بالانترنت (علشان التكلفه )
٢- شاشته كبيره ( لسهوله الرؤيه اثناء القياده)
٣- البرنامج اللى فيه يكون فيه توجيه صوتى و معظم البرامج بيبقى فيها ( علشان احيانا كثيره ممكن تعتمد عليه فى حاله لو مش مالك تبص فى شاشه الموبايل او هتمشى مسافات طويله على طول مش هتحتاج تبص كل شويه فى الموبايل)
٤- بطاريه الموبايل كويسه و يكون معاك شاحن يتوصل بالعربيه لان ال gps بيستهلك البطاريه بشكل واضح
لو الكلام ده توفر مع حضرتك يبقى الموبايل ينفع يحل محل ال gps navigator و مفيش مشاكل من تحديد الاماكن و لا حاجه و هيشتغل كويس مع حضرتك
انا معايا جالاكسي تاب ومشغل عليه Ndrive رائع وبدون تكلفة على الاطلاق ومشغله تقريبا طول الوقت
المشاكل اللى ممكن تقابلني وتقابل اللى بيشغل الجي بي اس على الموبايل هي الباور لو شاحن العربية مش شغال لانه بيستهلك البطارية والمكالمات لكن دي مش مشكلة كبيرة
تمام وانا فعلا اول ما بشغل الgps بشبك الشاحن فيه على طول علشان بيستهلك بطارية كتير