الصني غليت و لا المعرض بيشتغلني ؟

بعد ما قارنت كتير و دورت و اتفرجت على العربية 4 مرات ...... استقريت اني اجيب الصني الجديدة للمدام ...
و النهاردة رحت معرض المتحدة عند النادي الاهلي ... قالوا السعر زاد و بقت 107 و تسليم فوري ... قلت : ده اوفر و السعر 99 و انا مش فارق معايا الوقت ... قالوا : لأ ده السعر الرسمي ده حتى كمان زاد 4 و بعدين 2 و بعدين 1 في الاسبوع اللي فات ده .........
طبعا رحت قافش و قلت : مش عايز صني ...
كنت هروح نيسان اللي عند المنهل اتاكد بس من غيظي مرحتش عشان معملش مشكلة لأن العيال بتوع المبيعات باردين زيادةعن اللزوم في كل مكان و ده هيستفزني اكتر .... دول يا محترم زي ما يكونوا بيبيعوا علب سجاير ... مش في دماغهم انك زانق نفسك فترة مش صغيرة و دافع دم قلبك في عربية هوه بيبيعها و هوه معندوش اي فكرة عن مواصفاتها ......... طبعا انا مفصدش بتوع نيسان ... كل بتوع المبيعات كده ..


المهم بقى :::::::::: العربية فعلا بقت ب 107 بدون اوفر ؟ ...........ز لو ايوة يبقى الصراحة كده موقف سخيف جدا من نيسان ..

لو أيوة يبقى العربية فى طريقها للفشل

ولا تستاهل اتجة للانسر بقى النيسان جمبها بلاستيك متشكل حلو
دة كان من الى ميزاتها انها يابانى و سعرها معقول كدة بداوا يخبطوا مش كانوا يستنوا لما تنجح حتى الشكل الجديد
اتمنى يكون موضوع الغلو دة مش صحيح

شكل المعرض بيشتغلك يا باشا, نصيحتى ليك علشان تتاكد اتصل باوتو ايجيبت او روحلهم فى المعرض, هما عند المنهل, واسال عن السعر هناك

المعرض بيشتغلك ياعم .... العربية سعرها زي ماهو لكن الحجز وقائمة الانتظار عليها طويلة علشان السعر الرسمي...أما أصحاب المعارض فبيستغلوا الأوضاع دي ويقولوا البضاعة بتاعتنا حاضرة واستلام فوري ...وبيعتبر السعر الزيادة من حقه !! فياريت لو انت حاببها تنتظر مع المنتظرين .... ومانشجعش ظاهرة السعر الزيادة واستغلال التجار

هروح اوتوايجيبت النهاردة و اشوف
مش هدفع جنيه فوق ال 99 ............ لو زادت الف جنيه هشوف عربية تانية على طول

اقتباس:

---

المشاركة الأصلية كتبت بواسطة mazagangee

هروح اوتوايجيبت النهاردة و اشوف
مش هدفع جنيه فوق ال 99 ............ لو زادت الف جنيه هشوف عربية تانية على طول

---

عمو ....... عمو هو التعبان دا بيقرص ؟

لو ذادت كده فعلا امال السوبر صالون هتبقي بكام؟
اعتقد ان دي اشتغاله

هو نزل منها السوبر صالون ؟

اقتباس:

---

المشاركة الأصلية كتبت بواسطة the_air_devil

المعرض بيشتغلك ياعم .... العربية سعرها زي ماهو لكن الحجز وقائمة الانتظار عليها طويلة علشان السعر الرسمي...أما أصحاب المعارض فبيستغلوا الأوضاع دي ويقولوا البضاعة بتاعتنا حاضرة واستلام فوري ...وبيعتبر السعر الزيادة من حقه !! فياريت لو انت حاببها تنتظر مع المنتظرين .... ومانشجعش ظاهرة السعر الزيادة واستغلال التجار

---

:16::16::16:

مفيش تسليم فورى اكيد لأن الممصنع عليه طلبات كتيره و حتى انا قرأت من فتره انه ضاعف خطوط الانتاج علشان يقدر يلاحق على الطلبات . يبقى المعرض اللى حضرتك روحت له ده بيعمل ايه ؟ بيبيعلك باوفر برايس و لما لقاك معندكش مشكله فى الانتظار لجأ للكذب و ادعاء ان السعر زاد علشان يحسسك ان مفيش داعى للانتظار لانك فى الاخر هتشترى بنفس السعر و بالتالى تشترى منه و هو يضرب ٨ آلاف جنيه ده غير مكسبه الاصلى طبعا فى العربيه . يعنى بالكذبه الصغيره دى هيطلعلوا ب ١١ و لا ١٢ الف جنيه. طبعا ده شغل نصب و استهبال و حضرت اطلع على اوتو ايجيبت او السبع و أحجز معاهم و ان شاء الله تستلم بالسعر الرسمى و سيبك من المستغلين دول :rfds:

اقتباس:

---

المشاركة الأصلية كتبت بواسطة Land_Cruiser

مفيش تسليم فورى اكيد لأن الممصنع عليه طلبات كتيره و حتى انا قرأت من فتره انه ضاعف خطوط الانتاج علشان يقدر يلاحق على الطلبات . يبقى المعرض اللى حضرتك روحت له ده بيعمل ايه ؟ بيبيعلك باوفر برايس و لما لقاك معندكش مشكله فى الانتظار لجأ للكذب و ادعاء ان السعر زاد علشان يحسسك ان مفيش داعى للانتظار لانك فى الاخر هتشترى بنفس السعر و بالتالى تشترى منه و هو يضرب ٨ آلاف جنيه ده غير مكسبه الاصلى طبعا فى العربيه . يعنى بالكذبه الصغيره دى هيطلعلوا ب ١١ و لا ١٢ الف جنيه. طبعا ده شغل نصب و استهبال و حضرت اطلع على اوتو ايجيبت او السبع و أحجز معاهم و ان شاء الله تستلم بالسعر الرسمى و سيبك من المستغلين دول :rfds:

---

ده كلام 100% :Bravo:

بص حضرتك فى معار ض محترمه اوى زى السبع او اوتوايجيبت او سمير ريان أسال هناك

يا جماعه العربيه سعرها ما زادش ولا حاجه و انا لسه حاجز من عند اوتو ايجبت في مدينه نصر
و الاستلام بعد 3 شهور بحد أقصي و الوصل مكتوب فيه ان المبلغ تحت حساب حجز العربيه و التسليم علي سعر بيع المصنع المعلن وقتها يعني لو زادت الف ولا اتنين لأن السعر المعلن النهارده 99900 للاوتوماتيك و لم يتغير حتي الان .
و سعر الكاش و التسليم الفوري في المعارض فعلا وصل 107 و 108 في بعض المعارض و ده من اقبال الناس عليها و كثره الطلب و التنازل و دفع الأوفر برايس و ده اللي خللي التجار تستغل الموقف و ترفع السعر بالمنظر ده لكن لو ممكن تصبر لمده الحجز حتاخدها بالسعر الرسمي للمصنع .

العربية مش بالسعر ده يا جماعة .. دى اسعار معارض

السعر الرسمى الى الان 100 الف .. بس على شهر اكتوبر ويمكن فى خلال شهر 9 ده انها حتغلى وحتكون فى رنج 102 او 103 بالكتير .. وده ساعتها حيكون السعر الرسمى

والسوبر صالون منها حينزل فى شهر اكتوبر باذن الله .. وسعرها حيكون منافس وكويس

تحياتى

اقتباس:

---

المشاركة الأصلية كتبت بواسطة Ahmed.TV

العربية مش بالسعر ده يا جماعة .. دى اسعار معارض

السعر الرسمى الى الان 100 الف .. بس على شهر اكتوبر ويمكن فى خلال شهر 9 ده انها حتغلى وحتكون فى رنج 102 او 103 بالكتير .. وده ساعتها حيكون السعر الرسمى

والسوبر صالون منها حينزل فى شهر اكتوبر باذن الله .. وسعرها حيكون منافس وكويس

تحياتى

---

شكرا أستاذ أحمد بس بعد أذنك كنت عايز أعرف السوبر صالون تقريبا سعره هيكون كام وهيزيد ايه كأوبشنز عن الموجودة دلوقتى :rfds:

طالما الحج احمد قال يبقى هيحصل
كلامه أكيد كالمعتاد
عموما الأوفر برايس دى العادى بتاع المعارض
وسعرها حتى الأن 100 اوتو 95 مانويل
وربنا يكرمك ويكرمنا معاك

يا باشا انا لسه مستلم العربية بعد انتظار شهرين وسالت لواحد صحبى عن الحجز قالولى فى اوتوايجبت الحى الثامن انها لسه بنفس السعر والاستلام فى شهر ديسمبر كحد اقصى وان الفئة الاعلى لسه مش عرفين هتنزل امتى بس هتكون فى حدود 110الف جنية تزيد الف او تقل الف واسف على الاطاله

المعارض دى بتبعت ناس تبعها يحجزوا و بيدفعوا مبلغ بسيط للحجز و ينتظروا شهرين تلاته و قبل الاستلام يكونوا ضبطوا مع المشترى و ياخدوا الاوفربرايس فى جيبهم يعنى بحسبه بسيطه يتضح انهم بيجيبوا ٨ آلاف جنيه فوائد عن الكام يوم اللى بعد الاستلام و طبعا لان الاقبال جامد عمر ما العربيه هتفضل عندهم و اكيد هيلاقوا اللى هيشترى منهم و مش قادر يستنى يعنى الفلوس اللى بيشغلوها فى الحكايه دى بتجيب ٨٪ شهريا يعنى ٩٦٪ سنويا غير مكسبهم من بيع العربيه اللى بياخدوه طبيعى و مفيش مخاطره اصلا و المشترى موجود و مضمون. تخيلوا بقى فى اى مشروع فى البلد ممكن يدخل مبلغ زى ده و قانونى ١٠٠٪ ؟؟ ماهوش حل غير المقاطعه و ان الناس تبطل سلبيه :T_thum1[1]:

اقتباس:

---

المشاركة الأصلية كتبت بواسطة szaalouk

يا جماعه العربيه سعرها ما زادش ولا حاجه و انا لسه حاجز من عند اوتو ايجبت في مدينه نصر
و الاستلام بعد 3 شهور بحد أقصي و الوصل مكتوب فيه ان المبلغ تحت حساب حجز العربيه و التسليم علي سعر بيع المصنع المعلن وقتها يعني لو زادت الف ولا اتنين لأن السعر المعلن النهارده 99900 للاوتوماتيك و لم يتغير حتي الان .
و سعر الكاش و التسليم الفوري في المعارض فعلا وصل 107 و 108 في بعض المعارض و ده من اقبال الناس عليها و كثره الطلب و التنازل و دفع الأوفر برايس و ده اللي خللي التجار تستغل الموقف و ترفع السعر بالمنظر ده لكن لو ممكن تصبر لمده الحجز حتاخدها بالسعر الرسمي للمصنع .

---

:S_thum1[1]::S_thum1[1]:

اقتباس:

---

المشاركة الأصلية كتبت بواسطة ahmed.tv

العربية مش بالسعر ده يا جماعة .. دى اسعار معارض

السعر الرسمى الى الان 100 الف .. بس على شهر اكتوبر ويمكن فى خلال شهر 9 ده انها حتغلى وحتكون فى رنج 102 او 103 بالكتير .. وده ساعتها حيكون السعر الرسمى

والسوبر صالون منها حينزل فى شهر اكتوبر باذن الله .. وسعرها حيكون منافس وكويس

تحياتى

---

طيب يا أستاذ أحمد الحجز على موديل السوبر صالون هيبدأ إمتى إن شاء الله ؟ وأحسن حد أحجز عنده مين ؟ وشكرا على المعلومات ...

اقتباس:

---

المشاركة الأصلية كتبت بواسطة bakka2010

طيب يا أستاذ أحمد الحجز على موديل السوبر صالون هيبدأ إمتى إن شاء الله ؟ وأحسن حد أحجز عنده مين ؟ وشكرا على المعلومات ...

---

ده مخليني مش مستعجل برضه ......... نفسي في السوبر صالون

انا من راى استنى شوية وقريب حتنزل باذن الله

حقيقة .. النهاردة شوفت الصني الجديدة لاول مرة من قريب في مودرن موتورز ... عجبتني جدا ..و سمعت مندوب المبيعات بيقول لواحد ان اقرب استلام بعد شهرين ... حقيقة استغربت جدا .. ولما قريت الموضوع دا زال استغرابي ... فعلا تستاهل الاقبال الكبير عليها ..

ههههههههههههههههههههههههه
بصراحة احنا كمستهلكين اللى عملنا سعر لأنصاف وأثلاث وأرباع وأخماس وأسداس وأسباع وأثمان التجار والمعارض مجهولة الهوية لما واحد فينا يدخلها ويسأل على عربية ايا كانت مواصفاتها او ماركتها او سعرها !!!!!!!!
ومش فاهم ليه احنا البلد الوحيدة اللى على مستوى العالم اللى فيها الاوفر برايس بالشكل المريع ده وفيها برضه اى واحد يقلب شقة فى عمارة فى دور ارضى معرض عربيات ويقلب جيوب خلق الله يمين وشمال بكل فهلوة !!!
بصراحة الناس برة مصر ما بتشتريش اى عربية زيرو غير من التوكيل او الموزعين المعتمدين بالسعر المعلن .. وبس المستعمل هو اللى بيتباع فى معارض خاصة وحتى ده بقى موجود فى بعض التوكيلات دلوقت ..
من فصول الكوميديا السوداء دى برضه .. المفروض ان اللى رايح يشترى عربية زيرو ويدفع فلوسه كاش يدفع اقل مش اكتر من السعر المعلن !!!
وده بيحصل مثلا فى السعودية فى اى توكيل رسمى او ماركة عالمية فى كل الكاش ويقعدوا يفاصلوا زى ما تكون فى السوق بالظبط بتشترى طماطم هههههههههههههههههههه
وكل واحد وشطارته وطبعا بيتحكم فى نسبة الخصم مستوى البائع سواء مندوب المبيعات فى المعرض او مديره او مدير مديره وكل واحد له رينج بيتحرك فيه ..
انا مثلا لما جيت اشترى السبورتاج فى السعودية خدت خصم 4% على سعرها الرسمى من غير ما اعرف واسطة ولا احزنون
وكان قدامى اجيبها من جدة بدل الرياض على خصم 5% كمان بس قولت تبقى جنبى واتابع الورق بنفسى ..
حتى فى مصر وقت لما الشركة اللى كنت شغال فيها اشترت دفعة صنى مانيوال اول فئة وكانت صفقة فوق ال200 عربية فى 2010 كان سعرها الرسمى 83500 ج وخدناها ب79500 ج وكانت قسط بنك كمان ههههههههههه

اقتباس:

---

المشاركة الأصلية كتبت بواسطة land_cruiser

المعارض دى بتبعت ناس تبعها يحجزوا و بيدفعوا مبلغ بسيط للحجز و ينتظروا شهرين تلاته و قبل الاستلام يكونوا ضبطوا مع المشترى و ياخدوا الاوفربرايس فى جيبهم يعنى بحسبه بسيطه يتضح انهم بيجيبوا ٨ آلاف جنيه فوائد عن الكام يوم اللى بعد الاستلام و طبعا لان الاقبال جامد عمر ما العربيه هتفضل عندهم و اكيد هيلاقوا اللى هيشترى منهم و مش قادر يستنى يعنى الفلوس اللى بيشغلوها فى الحكايه دى بتجيب ٨٪ شهريا يعنى ٩٦٪ سنويا غير مكسبهم من بيع العربيه اللى بياخدوه طبيعى و مفيش مخاطره اصلا و المشترى موجود و مضمون. تخيلوا بقى فى اى مشروع فى البلد ممكن يدخل مبلغ زى ده و قانونى ١٠٠٪ ؟؟ ماهوش حل غير المقاطعه و ان الناس تبطل سلبيه :t_thum1[1]:

---

بس سؤال فى معلومه هل فعلا الموزع المعتمد وليكن اوتو ايجيبت بياخد 7% من تمن العربيه مكسب او كانسبة ربح؟؟