صوت تكتكة في الماروتي

**mohsobhy30** · 08-09-2012 10:08 AM

السلام عليكم ... عندي عربية ماروتي 2007 عامل بيها لحد دلوقتي 83000 كيلو والحمدلله العربية زاي الفل ولسه عامل صيانة 80000 في التوكيل من أسبوع والحمدلله العربية تمام عندي مشكلة صغيرة جدآ وعندي من فترة طويلة ..الا وهي عندي الضغط علي دواسة البنزين والعربية ماشية أسمع صوت تكتكة من عند العدادات و أول ما أرفع رجلي عن الدواسة البنزين الصوت يروح بلغت التوكيل من فترة وخرج معاية مهندس لتجربة العربية ولم يسمع شئ وذلك لأن الصوت بيكون مسموع جدآ لما يكون مافيش أزعاج ودوشة..المشكلة دي كانت عندي قبل كده في العربية الفيات128 و روحت لواحد بتاع عدادات وغير ليه السلك الواصل من العداد حتي الماتور بس العدادات في 128 ماكنتش شغالة فعشان كده غير السلك ... بس في الماروتي العدادات شغاله ومافيهاش مشكلة ... أرجو مساعدتي في تلك المشكلة وأسف علي الاطاله.وشكرآ

**pop man** · 08-09-2012 10:53 PM

فى الاول ربنا يباركلك فى العربيه وانا بصراحه مش عارف العيب فين بس اكيد الاخوه الكرام هيدخلو يقولولك على حل المشكله انشاء الله
عندى بس استفسار صغير لو فيها رخامه :(
بما انك من ملاك الماروتى وكنت من ملاك ال 128 انهى الاحسن والانعم فى السواقه والاستحمال وانهى عفشتها اقوى بالأخص فى المطبات العشوائيه ؟؟
ولك جزيل الشكر