مشكلة فى كاسيت كينوود ياريت حد يساعدنى

**ggaamm** · 08-09-2012 11:14 AM

السلام عليكم ورحمة الله وبركاته

أتمنى حد يساعدنى فى المشكلة بتاعتى دى ياجدعان لأنى مش عارف سببها ومحتار مش عارف اعمل ايه !!

المشكلة فى كاسيت كينود cd اللى جاى مع العربية .. الكاسيت كان شغال زى الفل و15 :))
لكن من اسبوعين تلاتة كده لاحظت انه بيطفى ويشتغل تانى لوحده وهو شغال ، ما أخدتش فى بالى وقلت عادى

الاسبوع اللى فات بقى جيت اشغله مارضيش ينطق خالص !!
روحت فاكك الوش وعملتله ريسيت وبقدرة قادر اشتغل وزى الفل :))
كل ده عادى وماقلقتش منه

من يومين كده جيت اعلى الصوت شوية لقيته رستت لوحده وفضل يطفى ويولع يطفى ويولع لولا أنى لحقته ووطيت الصوت قبل مايطفى لولا اشتغل !!!

روحت للكهربائى حسيت انه بيفتى ويقولى عاوز مش عارف ايه ونعمل وصله مش عارف ازاى ونجبله من العمومى وشوية كلام بيض كده ، لأنه كان شغال على وضعه يعنى ايه اللى جد !!!

فبصراحة القصة دى خنقتنى لأنى مش بعرف اعلى الصوت خالص وياعالم لو سبته تانى ايه اللى ممكن يحصل ،، فياريت يارجالة حد يساعدنى او على الأقل يخمن معايا العيب عشان اعرف اتصرف فيه

وشكراً مقدماً

**rotanamasoud** · 08-09-2012 12:37 PM

الكهربائى كلامه صح ده ضعف كهربا تاخدله طرفين سلك من العمومى وياريت لو معاهم كوندنسر

**reallistic** · 08-09-2012 10:06 PM

هو فعلاً الموضوع واضح أن سببه الكهرباء ضعيفة
بس أنا مش مع الرأي إللي بيقول ناخد من العمومي
أنا رأيي تشيّك على البطارية و تشوف حالتها إيه
لأن أنا كانت حصلتلي نفس المشكلة مع كاسيت كينوود برضه
و فضلت محتار و طلعت المشكلة سببها البطارية و بمجرد ما غيّرتها كله بقى تمام
و برضه ممكن تشيّك على القواشط بتاعت البطارية ممكن تكون مش مربوطة كويس و مهربة

**rotanamasoud** · 08-09-2012 11:09 PM

اظبط حاجه ياreallistic وانا عامل كده عندى طرفين مباشر من القوطاش+فيوز للامان وكوندنسر وتسحب سلك منهم للجى ام وانسى (اما لو حاجه فى البطاريه اكيد حتاثر)

**ggaamm** · 18-09-2012 09:20 AM

زى الفل يا رجالة ربنا يبارك فيكم
فعلاً المشكلة كانت فعلاً ضعف كهربا لأنى جربته على وصلة عمومى بعد ماسمعت كلامكم واشتغل زى الفل الحمد لله

ومن يومين روحت للكهربائى واخدلى وصلة من سلك عمومى ماشى فى العربية وقالى مش هتحتاج اى وصلات خارجية ولا أى إضافات وهيشتغل معاك زى الفل .. وربنا يستر :))

شكراً ليكم كتييييييير , وأعتذر لو تعبتكم معايا