باركولي ياجماعة أخيراً اشتريتها

**Porsche911TT** · 08-09-2012 01:58 PM

السلام عليكم يا عشاق اللوجان :)

بفضل الله بعد تفكير كتير وفقاً لميزانيتي وقراءات لمواضيع هنا في المنتدى

الحمد لله اشتريت لوجان مانيوال 2013 فول أوبشن بترولي أول عربية زيرو في حياتي. اشتريتها من محمد زكي في القطامية (مشوار علقة بس كله يهون)

العربية الحمد لله داخلة دماغي من فترة من ساعة ماشفتها وقرأت عنها وعرفت سعرها الممتاز مقابل مواصفاتها بالإضافة إلى اتفاقية أغادير.

الحمد لله انطباعي الأول عنها لما ركبتها ايجابي جداً العربية واسعة ومريحة ، ومرتفعة كما هو معروف عنها والعزم في المعقول ومنتظر اني اعدي الألف
عشان أقدر أحكم عليها بعدل ، وانتظروا مني بإذن الله تقرير الـ 1000 كيلو ، وأي سؤال أنا جاهز.

على سيرة السؤال ، هي السخونة في مؤشر الحرارة بتوصل النص أو بالضبط 4 شرط من أصل 9 عادي في خلال 10 دقايق وهي واقفه في جو الأيام دي؟

في النهاية أحب أن أعرب شكري لـ د/أحمد واستاذ محمد على ترشيحهم محمد زكي بالإضافة لمواضيع هنا في القسم إللي فعلاً أفادتني كتير جداً.

أخوكم أحمد الهواري

**ali_333** · 10-09-2012 12:20 AM

ألف مبروك ربنا يديك خيرها ويكفيك شرها

بالنسبة للسخونة ايوة 4 شرط ولما تمشي سريع شوية حتلاقي الشرط قلت بقو 2 وحسب الجو

**blackhorse123** · 10-09-2012 01:36 AM

الف مبروك ربنا يستر عليك

مؤشر الحراره بيكون اربع شرط عندى مش بيزيد ولا بينقص ايا كان حاله الجو

على فكره العربيه مش هتقدر تحكم عليها الا بعد 5000 كيلو الصراحه بعد ال 5000 كيلو العربيه حااااااااااااااااااااجه تاااااااااااااااااااااااا اااااااااااااانى خالص

بس بلاش السرعه وربنا يستر على الجميع

**amr.elsayed** · 10-09-2012 01:41 AM

الف مليون مبروك وربنا يباركلك فيها ويطرحلك فيها البركة ويكفيك شرها
و مؤشر الحرارة بيفضل على 4 شرط فى جميع ظروف التشغيل صيف وشتاء او ماشى سريع وبطئ

**Mansour_Wael** · 10-09-2012 10:41 AM

انا برده مؤشر السرعه عندى بيفضل على اربع شرط صيف او شتاء مابيزدش ولا بيقل
ودى من الحاجات اللى عاجبانى فى اللوجان اوى

**Porsche911TT** · 10-09-2012 11:38 PM

هي فعلاً مابتزدش ولا بتقل عن 4 شرط طمنتوني. ألف ألف شكر يارجالة وربنا يبارك فيكو

**mastermind** · 10-09-2012 11:44 PM

ربنا يباركلك فيها ويرزقك خيرها ويكفيك شرها
ممكن بعد اذنك سؤال

كان فيها كاسيت يو اس بي ؟
اماكن الازاز الكهرباء كانت زي 2012 ؟
كانت ايه الاختلافات بينها وبين 2012 ؟

**Porsche911TT** · 11-09-2012 12:07 AM

المشاركة الأصلية كتبت بواسطة mastermind

ربنا يباركلك فيها ويرزقك خيرها ويكفيك شرها
ممكن بعد اذنك سؤال

كان فيها كاسيت يو اس بي ؟
اماكن الازاز الكهرباء كانت زي 2012 ؟
كانت ايه الاختلافات بينها وبين 2012 ؟

ربنا يبارك فيك ويرزقك. بصراحة معرفش حاجة عن الـ 2012 لأني مركبتهاش.

ال 2013 صحيح مافيهاش وصلة يو اس بي اللي بينزل في الأوتوماتك لكن في حاجة ممكن تغني عنها هي وصلة موجوده اسمها "AUX" اختصار Auxiliary ممكن تركب فيها وصلة أوديو يعني لو معاك ام بي ثري بلاير أو موبايل فيه وصلة أوديو كل اللي هاتحتاجه هي وصلة "أوديو-أوديو".

**Ibrahim88** · 11-09-2012 11:09 AM

نداء للاخ اللى المؤشر عنده شرطتين روح التوكيل يشوفوا الترموستات لان الترموستات بتعمل نفس الحركة عند ناس كتير

**abo_mahmud** · 12-09-2012 08:00 PM

أنا بركن العربية يومين كدة بنزل أشغلها ألاققيها صفر بنتظر دقيقتين كدة تبقى شرطتين . أول ما اطلع بيها متين متر الحرارة بتبقى أربع شرط ؟ هل كدة تمام ؟

الموضوع: باركولي ياجماعة أخيراً اشتريتها

LinkBack

أدوات الموضوع

عرض

باركولي ياجماعة أخيراً اشتريتها - انشر الموضوع فى :

-

-

-

-

المواضيع المتشابهه

اسعار الحاجات اللي اشتريتها ل 128 من ساعة ما اشتريتها

باركولي ياجماعة الحمد لله أشتريت هيونداي نيو أكسنت وأستلمتها أمبارح

شريت لي سيارة تيريوس باركولي ياجماعة وعندي استفسار؟

باركولي ياجماعة انا حاستلم السيراتو انهاردة

الكلمات الدلالية لهذا الموضوع

المفضلات

المفضلات

ضوابط المشاركة