خايف اطلع على الطريق وقلقان

**khaled89** · 08-09-2012 02:13 PM

اولا احب اشكر اعضاء المنتدى واتمنى تقبلونى صديقا لكم
ثانيا انا معايا لادا 2107 روسى انجيكشن موديل 2006
العربية مخليانى ماشى وانا قلقان وخايف اطلع على طريق سريع
العربية لما بعدى بيها ال100 بحس ان العربية بتتهز وبتغربل دى اول حاجة
تانى حاجة العربية بقت بتحدف يمين حتى وانا ماشى وسط البلد بردو بتحدف ولازم اعدل العربية بالدريكسيون تانى
تالت حاجة البوش الى ف دريكسيون العربية تعبنى اوووى وخايف افتح علبة الدريكسيون بنفسى لاحسن ابوظ حاجة لاقدر الله
ان شاء الله انا ناوى اصلح العربية عند بتاع العفشة بس ياريت من حضرتكم تعرفونى وايه الحل للمشاكل دى لانى مش عايز بتاع العفشة يضحك عليا
وحاجة اخيرة امتى اعرف ان البيض بتاع العربية محتاج يتغير ؟؟
وشكرا لاعضاء المنتدى

**hassanin_lada** · 08-09-2012 07:25 PM

بص بتاع العبشه عمره مايضحك عليك لانه بيفك ويركب واللي بيتفك انت بتاخده معاك وانت ماشي فامش من مصلحته انه يخليك تشتري كتير وكده كده كله ليك فالاخر .. غالبا هتكون جلب او الميزان .. البوش لو بزياده هتبقي بليه او 2 هيتغيرو في حدود 100 جنيه .. وانشألله خير وطمني علي العربيه .. اهم حاجه تخيك مع الصنيعي ومركزه معاه بحيث انك كل اللي اشتريتك يركبهولك ومتسبش العربيه لوحدها خلي حد من اصحابك معاك

**khaled89** · 08-09-2012 07:56 PM

المشاركة الأصلية كتبت بواسطة bkaltalamana

بص بتاع العبشه عمره مايضحك عليك لانه بيفك ويركب واللي بيتفك انت بتاخده معاك وانت ماشي فامش من مصلحته انه يخليك تشتري كتير وكده كده كله ليك فالاخر .. غالبا هتكون جلب او الميزان .. البوش لو بزياده هتبقي بليه او 2 هيتغيرو في حدود 100 جنيه .. وانشألله خير وطمني علي العربيه .. اهم حاجه تخيك مع الصنيعي ومركزه معاه بحيث انك كل اللي اشتريتك يركبهولك ومتسبش العربيه لوحدها خلي حد من اصحابك معاك

شكرا على رد حضرتك
و معلش ف حاجة تانية الفتيس بحس انه تقيل شوية ف النقل هل ده طبيعى ف اللادا ولا ف مشكلة عندى ؟؟؟؟

**ahmdmagdy** · 09-09-2012 02:43 AM

المشاركة الأصلية كتبت بواسطة khaled89

شكرا على رد حضرتك
و معلش ف حاجة تانية الفتيس بحس انه تقيل شوية ف النقل هل ده طبيعى ف اللادا ولا ف مشكلة عندى ؟؟؟؟

انا برضه عندي نفس المشكله دي بس في الغيار الاول و التاني

**hassanin_lada** · 09-09-2012 05:52 PM

طبعا فتيس الادا تقيل بس الفكره هل هو اتقل من عربيه زيها يعني جرب اركب عربيه مقاربه لعربيتك وقارن .. هو عموما احسن من القديم بس اكيد مش هيبقي زي الانوس مثلا والحاجات دي

**asaeed** · 13-09-2012 09:48 PM

المشاركة الأصلية كتبت بواسطة khaled89

شكرا على رد حضرتك
و معلش ف حاجة تانية الفتيس بحس انه تقيل شوية ف النقل هل ده طبيعى ف اللادا ولا ف مشكلة عندى ؟؟؟؟

أكشف على زيت الفتيس ممكن يكون ناقص... يستحسن تنزله كله وتحط زيت فتيس جديد أحسن

**MEKAWY2000** · 17-09-2012 06:36 AM

بص ياباشا اول حاجه طالما روسى حدد ان كانت باور ولا علبه دركسيون عاده لو باور يبقى السياره فى كلا الحاجتين محتاجه ضبط زوايا مش تربيط عفشه وبس وفى كمان جلب مقصات بس متخليش السياره تحدف الحدف من حاجات تانيه زى ضبط الكاوتش او الزوايا زى ماقلت لحضرتك لو السياره باور هتلاقى البوش موجود لان الباور بيخليك تحس بالبوش الى فى الدركسيون اما لو السياره مش باور فده شغل صنايعى علبه الدركسيون بيسموه اسكاترا صنايعى اسكاترا موجودين كتير ترحلو يرجلش ويشد على الدركسيون علبه دركسيون الادا مافهاش بلى غير بليه الكوبلن الفتيس فى الاول تقيل تروح تظبط دبرياج وان شاء الله هتلاقيه خفيف فى ماده بتتحط مع زيت الفتيس لليكوى مولى اسمها ms2بتخلى الفتيس ناعم وزيت الفتيس رقمه 85w90اول جير او هاىبود جير ممكن تروح البنزينه ويحطلك زيت موتور وده كتير بيحصل الايام دى