-
غطاء المتور !!!
نزلت الصبح وفتحت الكبوت ابص على المياه ... وبعد ما خلصت وانا بقفل الكبوت مالقتش غطا المتور بتاع الزيت طب راح فين ده مش عارف روحت اشتريت واحد ب 20 جنيه
كان عندى استفسار يا جماعه لو سمحتم انا جبت مساحتين استرتش مقاس 16 بس طلعو صغيرين سالت كهربائى قالى بلاش من دول عشان هيتعبو متور المساحات قالى هات بتوع العربيه العاديين
ممكن اعرف مقاس المساحات يكون كام وهل العربيه ليها فورش مساحات معينه ولا هما العاديين ولا ايه بالظبط ؟!!!
العربيه فليشيا ... ولكم جزيل الشكر
-
غطاء الزيت يقع !!!!!!!!!!!!! دا يبقى اكيد فى مشكله ياريت تبص على خرطوم اللى تحت الغطاء لو مش موجود ومكانه مغلق ممكن يكون سبب فى فقدان غطاء الزيت ولسوف يقع الجديد مثل القديم وهذا بسبب ضغط الزيط فالخرطوم هذا ينفس ضغط الزيت التى ينتج عن الحرارة الى الكاربرتير....
اما عن موضوع المساحات انا جايب مساحات اسمها الفراشة بس مقاسه مش مناسب ابدل ياريت حد يفدنا عن انسب نوع مساحات للفليشيا....*
-
بص يا باشا العربيه فيها حاجه غلط ... العربيه بحس انها مخنوقه معايا فى طلعة الاولانى بالذات ... واحد صاحبى قالى روح نضف بك البنزين عشان انت سيبت التنك ينزل للاخر وانا بحط 80 .... و واحد تانى قالى روح اظبط الكربراتير .... بس موضوع غطا الزيت ده عملى هوس من امبارح ... هتاكد من الخرطوم ده وارود عليك بكره ان شاء الله ... ان بعض الظن اثم انا شكيت فى السمكرى .... اصل انا سبتله العربيه و روحت الشغل واستلمتها منه بالليل هو غلط اللى انا عملته بس ربنا يكفيكو شر الزنقه .... عندى استفسار صغير حتى يطمئن قلبى .... هل ممكن يطلع على المفتاح بتاع العربيه ؟!! ولو ينفع وانا سبت العربيه عند حد مش موثوق فيه اعمل ايه فى الحاله ديه ؟
-
شوف انتا لو مش واثق فى الصنايعى فلا تترك له السيارة ولا المفتاح اتلذق جنب العربيه لحد لما يخلص شغله وطبعا اسف عن الفظ بس قصدى لا تتركه طرفة عين ....
اما عن استخراج نسخة على مفتاح العربيه ليا سؤال هو حضرتك لسه معملتش مفتاح احتياطى للعربية لعل وعسى تسوجر العربية وتنسى المفتاح بالداخل؟؟؟؟؟ اما عن خنقة الموتور اكشف عن البوجيهات ممكن تلاقى واحد ولا اتنين فاصلين
-
معايا نسخه احتياطى .... بدلت البوجيهات و ضربتلى كام مدفع كده واتظبطط الحمد لله
-
بص ياباشا لازم تاخد بالك ان الغطا بيقفل بالعافيه لو قفل بصعوبه يبقي تمام لو سايب يبقي دي حاجه تاني .. انت ممكن تكون ماقفلتوش كويس ولما الغطا بيقع بتحس ان صوت المتور علي وفي ضجه جامده والسحب ضعيف نوعا ما
Content Relevant URLs by
vBSEO 3.6.0 PL2