مقارنة بين موديلات الجين 2

**zalpany2000** · 08-09-2012 03:43 PM

السلام عليكم يا شباب وخبراء البروتون

بقالي فترة بافكر اخلص من زئ زئ (عربيتي السوزوكي الالتو ال 2008) واخش نادي البروتون بقي ونركب عربية زي خلق الله

انا ممكن افكر في ميزانية من 50 ل 60 ألف ... وفكرت في جين 2 مستعمل لكن تفاوت الاسعار خلاني مستغرب ... وباسأل هو فيه فروق جوهرية بين موديلات السنين من 2005 ل 2009 ولا ايه الوضع ؟
هل فيه فروق في الشكل والجودة وقطع الغيار ... ولو حاجه 2007 يبقي ايه نظامها وايه توب سعرها لو فبريكا برة وجوه وبدون عيوب اساسية ... تسلموا .... وجازاكم الله كل خير

**Nistelrooy** · 08-09-2012 04:29 PM

مافيش فروق جوهرية اوي

من 2005 لحد 2007 مافيش درج تابلوة والشكل متغير شويا من جوا ..

من 2008 لحد 2011 مافيش ساعة في التابلوة -ساعة كانت موجودة شكلها رياضي .. ومافيش مثبت سرعة ..

**tutankhamoun** · 09-09-2012 12:15 AM

المشاركة الأصلية كتبت بواسطة Nistelrooy

مافيش فروق جوهرية اوي

من 2005 لحد 2007 مافيش درج تابلوة والشكل متغير شويا من جوا ..

من 2008 لحد 2011 مافيش ساعة في التابلوة -ساعة كانت موجودة شكلها رياضي .. ومافيش مثبت سرعة ..

تصحيح بس يا باشا
من 2006 إلى 2008 ........... زي بعض ........ و مصر منزلهاش موديلات 2005

فيه فرق جوهري للي جاي
و من 2009 و لغاية 2011
فيها نظام جديد للحريق داخل المحرك
و ده عامل تحسين في موضوع العزم على عدد لفات صغير للمحرك .

بالاضافة للفروقات اللي ذكرها أخي الكريم Nistelrooy

**Nistelrooy** · 09-09-2012 12:32 AM

ايوا من 2005 اية بس عادي بقي xD

**zalpany2000** · 11-09-2012 01:16 AM

المشاركة الأصلية كتبت بواسطة nistelrooy

ايوا من 2005 اية بس عادي بقي xd

معلش يا باشا ... اصلي باقارن بينها وبين الميجان 2 اللي بتبدأ من 2005 الدنيا دخلت في بعضها لا مؤخذة

**zalpany2000** · 11-09-2012 01:17 AM

طيب برضو توب سعر جين2 موديل 2007 كام لو حالتها تمام ... وايه العيوب الجوهرية اللي بتظهر فيها ؟

**mido_the_7th** · 13-09-2012 04:46 PM

حسام باشا ... منور نايل موتورز ... أنا بقالي سنين معرفش إنك هنا ههههههههه
أنا أحمد بدر
التوب يعمل حوالي 60000 و زي ما إنت عارف ... انا ممكن أعملها حاجات و أبيعها ب 80 و ممكن أبيعها مستعجل و تخلص 50 ... الحاجات دي قسمة و نصيب

**zalpany2000** · 13-09-2012 07:43 PM

ابو عبد الرحيم ... انت هنا !!! ... يا عم انا عالمنتدي من 5 سنين يمكن ... :d ... وعلي رأيك هو فعلا البيع والشرا مالوش معيار ثابت بس معروف انه فيه رينج سعر يعني ... انت العربية عاملة معاك ايه ؟

**mido_the_7th** · 17-09-2012 09:26 PM

الحمد لله ... كويسة جدا ... و حتى العيبين المشهورين بتوعها :
1. سعرها بيقع في إعادة البيع .... أنا أصلا شاريها مستعملة ف اللي هخسره كنت كسبته قبل كدا
2. قطع غيار غالية و نادرة ... هي مش مشهورة شهرة اللانوس مثلا بس مش نادرة ... هي ليها محلاتها المعروفين ... و كمان حاجات كتيرة ليها بدائل ... يعني أنا عملت صيانة ال 60 محستش إني دفعت أكتر من اللانوس كتير أوي يعني ... و كمان لو عندك عربية بي إم دبليو و عربية فيرنا ... أه قطع غيار ال بي إم هتبقى ب 10 أضعاف بس برضه فيه جودة أحسن و عمر أطول
التوكيل بس هو اللي أسعاره استهبال ... و أنا الحمد لله عرفت بدائل التوكيل

فيه حاجة كمان بتعجبني أوي ... كل يوم بيعدي زيادو بعرف فيها معلومة بتخليني أفرح أكتر إني طلعت غير تقليدي و رفضت كلام الناس و صممت اشتريها

الموضوع: مقارنة بين موديلات الجين 2

LinkBack

أدوات الموضوع

عرض

مقارنة بين موديلات الجين 2 - انشر الموضوع فى :

-

-

-

-

-

-

المواضيع المتشابهه

مقارنة بين موديلات 525

مقارنة الجين 2009 بباقى موديلات السنوات السابقة

ما هى التغيرات الموجودة فى موديلات 2009 فى الجين 2

الجين 2 موديلات 2008 بها Ebd

مقارنة بين اليارس و الجين 2

الكلمات الدلالية لهذا الموضوع

المفضلات

المفضلات

ضوابط المشاركة