عرض للطباعة
مساء الخير ياجماعه و البقيه في حياتكم في المرحوم صبحي
ده اول موضوع ليا في قسم ميتسوبيشي و عارف انكم مش هتبخلوا عليا في المساعده
واحد حبيبي محتار بين الشارك اول فئه اللي تمنها ١٢٥٠٠٠ بعد التخفيض و الانسر بومه ٢٠١٢ هاف سبورت و هو على فكره مش ناوي يبيع خالص انا كنت قلت له على راءيي بس خايف ادبسه فقلت يا واد ادي العيش لخبازه و انتوا هتجيبوا من الاخر بس يا ريت بسرعه عشان هو هيخلص في خلال يومين و الف شكر مقدما
لو وسائل الأمان بنسبه له اهم يبقي يجيب البومة اللي فيها abs و 2 air bags
لو قوة الموتور و الشكل و الثبات علي السرعات العالية بنسبه له اهم يبقي يجيب الشارك
معلش سؤال ايه مواصفات الامان بالنسبه للشارك اول فئه ؟اقتباس:
المشاركة الأصلية كتبت بواسطة spidermohmd1
و هو راجل كبير في السن اخره يعمل في السنه ٦٠٠٠ كم في السنه يبقى ايه الانسب؟
و هل تابلوه الشارك بينور احمر بس؟
فيها ايرباج واحدة و مفيهاش abs للأسف. بص ما دام مش هيهمه الأداء الرياضي و مش همه التسارع و كدة خليه مع البومة . و عدادات الشارك الجديدة بتنور ابيض.
و برضوا خليه يبص علي الرينو فلوانس اول فئة اوتوماتيك تقريبا ب 132 الف .
امال النور الاحمر بتاع التابلوه ده بتاع انهي موديل؟اقتباس:
المشاركة الأصلية كتبت بواسطة spidermohmd1
هو فيه منها توكيل و خليجي؟
و بالنسبه للتقفيل و الفخامه هل الفرق شاسع بين الاتنين؟
و فئة الشارك اللي فيها ٢ ايرباج و اى بي اس بكام؟
و طالما دخلنا الفلوانس ( انا كنت رشحتها بس هو مش عايز حاجه ضخمه ) ايه نظام التيدا الهاتش باك بالمره؟
اسف اني تعبتك معايا
الشارك ما بقاش في منها خليجي دلوقتي لأن توكيلها هو هو اللي في الكويت فا بينزلها نفس المواصفات.
و العدادات الحمراء كانت بتنزل في الموديلات اللي في الأول بس البيضاء اللي موجودة اوضح و احلي .
انا ركبت البومة اول فئة مانوال 1300 سي سي فا مش هقدر اقارن ما بين الأتنين
الشارك اللي فيها 2 اير و abs ب 152 الف و 158 الف ( فرق فتحة سقف و سبويلر و مفتاح بصمة و keyless entry ) , و الفئتين دول بيزيدوا عن بقية الفئات بنظام الساوند سيستم Rockford مكون من 9 سماعات و Sub في الشنطة 10 بوصة و ابانوس و جنوط سبورت 16 و حاجات تانية مش فاكرها دلوقتي
التيدا انا مجربتهاش لكن اسمع دلوقتي انها تقفيل ميكسيكي مش ياباني و ناس جربوها علي المنتدي كتير جربوها و بيشكروا فيها جدا بس بيقولوا علي السرعات العالية ( بعد 140 ) مبتبقاش ثابتة
بصراحة انسب عربية في الفئة دي هي اول فئة في الرينو فلوانس و خليه يقعد في الفلوانس و البومة و الشارك و التيدا و يشوف حيرتاح في ايه اكتر. و حضرتك حط موضوع في قسم المقارنة عشان تشوف اراء اكتر من الناس.
رائى الشخصى شارك
بس قطع الغيار اغلى من البومه
البومه حاجتها بقت موجوده وكتير ورخيصه
وكل الميكانيه خلاص حفظوها