100000 كيلو استهلاك من 13/7/2008
مش هاقول حاجه تانيه غير ان ال516 عربيه جديره بالاحترام
عرض للطباعة
100000 كيلو استهلاك من 13/7/2008
مش هاقول حاجه تانيه غير ان ال516 عربيه جديره بالاحترام
110.000 الف كيلو استلام 2/2008 العربية زى الفل انا على طول بسافر بيها بحكم شغلى فى سيناء ثبات اداء من الآخر و عن تجربة اثبتت كفاءة و لو كانت عكس ذلك كانت حتبقى حاجة ثانية بس المهم المحافظة عليها و على الصيانة زيها زى اى عربية تانية تعدى تمنها 200.00 الف
ربنا يباركلكم فيهم يارب ..
ربنا يبارك لك فيها
ربنا يباركلكم فيها وعايز اقولكم ان احنا غلابه قوي بجد
ابو الفتوح بيضحك علينا باللي بينزله في العربيات
لما جيت عالاردن وشفت الشيري وموديلاتها وتحديدا ال 516 اللي هنا اسمها a5
عرفت ان ابو الفتوح حارمنا من العربيات الصيني بنضافتها بجد
هنا كل عربيات شيري (اسبيرانزا) بتنزل اوتوماتك واي بي اي واي بي دي واير باجز (ماعدا الكيو كيو مفيهاش اير باجز)
وحساسات ركن وشهيصه للعربية
الله المستعان
تحياتي
تحياتى لك بس ليا تعليق بسيط ان العربية كأساسيات فى الموتور و الكماليات مش ناقصها غير حاجات بسيطة زى جودة التقفيل اما بالنسبة للكماليات اللى حضرتك ذكرتها فهى تزيد من ثمن العربية اللى ابو الفتوح لعب عليها فى الاساس او راهن عليها لاعتبارات اقتصادية و تكلفة و ضرائب و جمارك فتخيل لو ان اللوائح عندنا الغيت الجمارك من البلد تخيل اسعار العربيات تبقى عاملة ازاى فى النهاية كل واحد بيحب يضيف الكماليات اللى يحبها بس المهم الاساسيات و انا كنت افضل ان ابو الفتوح ينزل من العربية دى ال2000 cc الاوتوماتيك دى كانت حتبقى جامدة اوى هنا فى مصر و تحياتى لك
ربنا يبارك .
شكرا لرد حضراتكم جميعا
قول ما شاء الله لا قوة إلا بالله
ربنا يبارك لك فيها يا أخي
بارك الله لكم فيها ورزقكم خيراً منها
ولو تقرير ملخص بشدة عن ما قمتم به للعربية خلال ال 100 ألف كيلوا يبقى تمام أوي
يعني هل غيرت اسطوانة
هل شمبرت
هل وش السلندر غير جوان
الصبابات
الأساسيات يعني
وشكراً
-
اللي مخليني اقول ان ال516 عربيه جديره بالاحترام ا
الحمد لله
مفيش اكتر من الصيانات العاديه
زيوت وفلاتر
كاتينه
تيل
للامانه غيرت مساعدين امامي وخلفي علي 75000 وما كانوش تالفين
انا اللي غيرتهم فذلكه يعني
في طنابير امامي غيرتهم بطنابير اوبترا
الموتور حالته ولله الحمد ممتازه
لايعيب الاسبرانزا سوي عفشتها
لو ابو الفتوح اهتم بالعفشه ونزلها بعفشه محترمه لكانت فرقت كتير
لكن التعود يخليك تنساها
الحاله العامه
عربيه ممتازه بودي خارجي متين لايتاثر بالتريحات والجلوس علي الكبوت زي عربيات تانيه كتير
تلاقي رفارفها اطبقت من الهوا
الصالون الداخلي ممتاز فرش الابواب جلد
التابلوه بحالته
عصايه الفتيس
والدركسيون
وفرامل اليد
مغطيهم لانهم بيقشروا علشان كده عندي بحالتهم
كراسي ممتازه
السفنج ما اتهراش زي الشاهين
والكراسي من تاكي للعلم
زيها زي معظم العربيات المجمعه في مصر كلها من تاكي
جنوط سليمه ولم يحدث بها تلف مع كل مطبات مصر
استهلاك للبنزين جيد 200 في الصيحه يقل مع التكيييف
تكييف للامانه اكثر من ممتاز واكثر من رائع في اشد الايام سخونه
الكباس ساندن
ضفيره وكهرباء وحساسات ممتازه
كل الدوائر الكهربائيه وحساسات العربيه من شركه بوش
دوره تبريد ممتازه عمرها ما سخنت في اشد الايام حراره ومع التكييف
يعني الحمد لله لم تخذلني يوما
ولا في سفر ولا داخل الفاهره
ان شاء الله لما اغير
ناوي علي التيجو
جزاك الله خيراً على التقرير الموجز
-
الف مبروك وربنا يبارك في هذه السيارات الجميلة
ربنا يباركلكم فى عربياتكم و يباركلى فيها 50000 كيلو
ربنا يبارك للجميع ويكملها معانا بالستر إن شاء الله .... 516 موديل 2012 ... 21000 كيلو
ربنا يباركلكوا جميعا في سيارتكم.. ويكفيكم شرها
ماشاء الله .
الف مبروك ربنا يكفيك شر الطريق وتفضل على طول مبسوط من العربيه
ربنا يباركلكم فيها
شكرا لكل الاخوه علي مشاركتهم الجميله
طيب حالة الموتور ايه بعد ال 100 الف لسة زى ماهوا ولا ايه ومن رايك مواتير الاسبرنزا تعمل عمرة بعد قد ايه اصل معايا ام 11 وخايف من الموضوع دا اوى
اولا ربنا يبارك لك فيها
انا هقول رأي في العربيه دي بناءا على تجربتها كذا مره وسافرت وجريت بها
العربيه بتاعت حمايا تقريبا 2007\ او 2008 مش فاكر العربيه ماشيه تقريبا 30 الف
العفشه فعلا بتفك بسرعه جدااا ومحتاجه تتربط كل اسبوع تقريبا وعلبه الدركسيون بتخبط
الفتيس والفرامل والدركسيون وكل ما هو جلد طري بيسيح وبيقشر وبيلزق يعني لو سبتها في الحر ترجع تلاقي الفتيس خصصوا راسه سايحه وملزقه
الخامات الداخليه كاتبلوه بلاستيك متوسط الجوده والزراي مش مرنه
التكييف متوسط الاداء
الضفيره والدوائر الكهربيه مشوفتهاش بس اللي شوفته كانت الدوايه بتاعت الفوانيس الخلفيه والسلوك بتاعتها وبصراحه ردييييييييييئه جدا
ده غير ان على طول النور الخلفي مش مظبوط شويه يشتغل وشويه لاءه وبيتحرق بسرعه ودي بشوفها كتير جدا في اسبرانزا مش بس العربيه دي
دوره التبريد دي طلعت عيننا مره العربيه سخنت وقت لقيت المايه نقصها وزودناها يومين وسخنت تاني وزودناها تاني روحت لوحاد قالي كان خرطو منفس وافيز فاكك وظبطتتها شويه ورجعت تاني روحنا فرع جسر السويس علمت صيانه ال 30 وظبطت يومين وبعدين سخنت تاني وديناها لواحد قال ده خرطوم مقطوعغيره واتظبطت الحمد لله وقالنا هو العربيه دي كده الخرطوم بيضرب عادي وبيتغير
العربيه بقه واسعه من جوه اوي ومريحهوكراسيها طريه برخااااااااامه(دي ازواق انا بحب الكرسي الطري الناشف !!)
الشنطه واسعه قوي
العريه صاجها تقيل ومحمل والعربيه تقيله
الموتور كويس بس صوته عالي والعزل متوسط جبت بها 160 عادي بس صوته كان عالي اوي
وفي صهد وسخونه بتيجي من تحت التابلوه
الفرامل كويسه
مجملا العربيه معقوله وتقفيلها كويس بس الخامات هي اللي محتاجه تبقى احسن وبصراحه هي احسن من عربيه زي الفيرنا مثلا :help2:
اتفق معك
في العفشه ضعيفه فعلاومزعجه
تقشير الدركسيون وعصايه الفتيس ومقبض فرامل اليد
اتفق معك في السخونه لكن مع التكييف مش موجوده
لكن اختلف معك
في
الانوار مفيش الكلام ده كلها تعمل بكفاءه مغيرتش لمبات غير لمبه الاستوب مره واحده من وقت شراء العربيه
التكييف ممتاز ممتاز
فرش الابواب افضل من القماش الموجود في الانوس او الفيرنا
مش فاهم دوايه الفانوس تقصد ا ايه
الفانوس بيجي متقفل من الداخل جاهز لدرجه فانوس الشنطه اللمبه بتاعته صنع في فرنسا
المساحات وموتور المساحات من شركه
فاليو
اللي ايده في العربيات يعرف فاليو
دوره التبريد ممتازه
الكراسي متوسطه لا متعبه وناشفه تقطم الظهر ولا مريحه فوق الوصف
تقدر تقول مش متعبه في السفر لكن متعبه مع القياده الطويله فوق ال 5 ساعات
وكله بسعره
يعني
انا شايف انها افضل من عربيات كتير سعرها مرتفع ومليانه مشاكل تودي في داهيه
انا قلت لحضرتك هقول رأي بناءا على تجربتي للعربيه ي
وعشان كده العربيات الصيني غالبا بتكون حظوظ
يعني حاجات كتير من اللي حضرتك بتقول عليها ممتازه كانت برده انا شايفه متوسطه او سيئه (زي التكييف التبريد السخونه اللي من تحت التابلوه )
بالنسبه اقصد ايه بالدوايه قصدي المكان اللي اللمبه بتركب فيه الفيشه يعني
وفي اخر كلامي انا قلت لحضرتك ايه ان هي غالبا احسن من عربيه زي الفيرنا
ملحوظه صاجها ناشف بس مش مرن خالص يعني الخبطه ما بترجعش زي الاول خالص ولازم تسخين او تغيرر دي حاجه نسيت اقولها ودي برده الباب اتخبط وروحت الحرفيين لواحد قريبي قعد يشتغل فيه يجي 4 ساعات او اكتر وقعد يحلف لي ان لولا ان العريبه دي تبعي انا عمري ماكنت اشتغلك فيها وكنت هقولك هات باب جديد لانها مقرفه جدا في السمكره ودي مش ميزه
بالنسبه للفرش حسيته طري اوي ومعجبنيش (دي ازواق طبعا) يعني محستش انه ساندني كده لقه حسيت انه طري لدرجه انه بيريح معايا بزياده
[QUOTE=bmya;3874558746]انا قلت لحضرتك هقول رأي بناءا على تجربتي للعربيه ي
وعشان كده العربيات الصيني غالبا بتكون حظوظ
يعني حاجات كتير من اللي حضرتك بتقول عليها ممتازه كانت برده انا شايفه متوسطه او سيئه (زي التكييف التبريد السخونه اللي من تحت التابلوه )
موضوع السخونه ناتج من مواسير التكييف وهو موجود فى عربيات كتير زى السيراتو ويمكن خله بسهوله
بالنسبه اقصد ايه بالدوايه قصدي المكان اللي اللمبه بتركب فيه الفيشه يعني
وفي اخر كلامي انا قلت لحضرتك ايه ان هي غالبا احسن من عربيه زي الفيرنا
ملحوظه صاجها ناشف بس مش مرن خالص يعني الخبطه ما بترجعش زي الاول خالص ولازم تسخين او تغيرر دي حاجه نسيت اقولها ودي برده الباب اتخبط وروحت الحرفيين لواحد قريبي قعد يشتغل فيه يجي 4 ساعات او اكتر وقعد يحلف لي ان لولا ان العريبه دي تبعي انا عمري ماكنت اشتغلك فيها وكنت هقولك هات باب جديد لانها مقرفه جدا في السمكره ودي مش ميزه
اعتقد ان السمكرى اى كلام انا معايا 516 2011 اتخبطت من ناحيه الرفرف واتعوج جدا وتم اسستعداله بالكامل على البارد من غير تقشير نقطه بويه وزى مقللتك دى كفاءه سمكرى