هتبقي ب 110 ولا اية ;)
بطل تنكشنى يا محمد .. الصبر .. كلها شهر اكتوبر قرب .. والعملاء والاعضاء حيسمعوا اخبار واسعار حتسعدهم جدا
اما المنافسين .. حيسمعوا اخبار تزعلهم هههههههههههه
باشا طب ما ترسينا على الموضوع يعنى انا صابر شهرين و نص ما جتش على شوية زيادة كمان
يا ريت تقولنا لانى خلاص هأستلم فالواحد عاوز يعرف و ياخد قرار يعمل ايه
شوف حضرتك أنا عندى أحساس قوى جدا ان السوبر صالون هيكون سعرها فى حدود 110000 جنية وهقولك ليه لو تفتكر حضرتك قبل الأعلان عن الصنى الشكل الجديد يوم 10/06/2012 قبلها بشهر او شهرين كل التكهنات ان السعر هيكون فى حدود 105000 جنية وممكن ينزل شويه لكنه لن يتعدى هذا السعر لدرجة انه عند فتح باب الحجز الرسمى يوم 22/05/2012 الناس حجزت ومش عارفة السعر النهائى كام ألا يوم الأعلان الرسمى عنها يوم 10/06/2012 وكانت المفاجئه 100000 للأتو و 95000 للمانويل والأن تم الترويج ان السعر هيكون من 113000 إلى 115000 او 116000 وده مستبعد ويقال ان السعر هيكون مفاجئة سعيدة لمحبى نيسان وبالملاحظه للموقف السابق والنسبة والتناسب هيكون سعر السوبر صالون تقريبا 110000 جنية تقريبا والله أعلم :satelite:
يا خبر دلوقت بفلوس في شهر اكتوبر يبقي ببلاش
الصبر يا شباب وقريب فى شهر اكتوبر حنعرف كل حاجة .. والصبر .. لان عدم الصبر ده هو اللى بيخلى المعارض تعمل الاوفر برايس
ومش عايزين فى دى كمان نعمل كدا
انا عارف ان حتقوليلى مفيش مشكلة اننا نعرف السعر .. مالوش دعوة باللى بتقوله .. انا بتكلم عموما علىا لصبر
وتانى حاجة .. فى معلومات بنعرفها بصفة ودية .. فمينعفش وخصوصا بالنسبالى اقولها .. وغير كدا
قولتلكم نيسان بيشتغلوا وبيفكروا ليل نهار .. وممكن على اخر لحظة يحصل تغير فى حاجات كتير .. والملعومة اللى بنقولها وارد تتغير ..
بس اهم حاجة اللى بطمنكوا بيه .. ان نيسان دايما .. بتنزل اسعار منافسة وبترضى بيه كل عملائها .. وكلنا جربنا ده وشوفنا ده
تحياتى
شهر اكتوبر جه ...... هل فيه اى اخبار جديده عن السوبر صالون وسعر محدد لها ؟؟؟
ما انا قولت قبل كدا فى مشاركات كتيرة .. ان شركة نيسان .. ممكن تفاجائنا باى مفاجاءة سواء فى تاخير مواعيد او تغير اسعار او تعديل مواصفات
وده اللى شوفناه ..
لما حصل بالنسبة للزيادة اللى كانت متوقعة بس مكناش نقدر نصرح بالظبط ونقول قد ايه .. للامانة الملاقاة على عاتقنا .. وكمان وزى ما وضحت قبل كدا .. ان وارد يحصل تعديل فى اى شى
والارقام اللى سمعوها الاعضاء وقت الزيادة المحتملة فوق الـ100 الف بحوالى 4 الاف الى 6 الاف جنيه كانت مش صحيحة .. وناس كتير كانوا بيوصلوا ليكم معلومات مش صحيحة .. وطلعت الزيادة الرسمية فى النهاية 2000 جنيه فقط !! وبسبب المعلومات الغير صحيحة التى وصلت لكم كذبنا فى موضوع فى قسم نيسان عن وجودة زيادة 4000 جنيه
طبعا كنا عارفين ومتوقع من اول نزول وطرح السيارة فى الاسواق بهذه الزيادة ..
ونيسان لم تضع زيادة من البداية لان السيارة جديدة وبعد ما ابتدت تنتشر طبقت الزيادة
ومش حيكون فى زيادة اخرى وبكدا اصبح السعر ثابت لفترة كبيرة .. زى اى منتج جديد عموما بينزل بيحصل معاه كدا
رأى خاص لى ووجهة نظر حابب اوضحها فى نقطة معينة بتكون محل جدل ونقاش من اعضاء المنتدى فى كل الاقسام لما بتيجى سيرة الصنى لانهم زعلانين اننا بنرشح نيسان صنى لاى عضو .. فاحب اوضح التالى :-
انا شايف ان التنافس بين العربيات فى الفترة الاخيرة فى مصر بيكون وفقا للظروف الاقتصادية اللى احنا فيها .. فاغلب الاسر العائلية اللى عندها ظروف بتصارع فيها مع الحياة وضغوط واعباء مالية وفى نفس الوقت محتاجين سيارة مناسبة فى السعر ..مش بيفكروا فى ماركة واووو لان اى ماركة محترمة جدا ولا جدال عليها فى الاختيار سعرها حيعدى 130 الف وانت طالع لغاية 250 الف .. ولو بندور على افضل الماركات فمعروف ومتفقين جميعا ان افضل السيارات هى مثلا الاوكتافيا والفورد والهوندا والقاشقاى والعديد من الماركات العريقة .. ولكن بكام !!! .. فانا عندى اسرة وامكانياتى معقولة .. ومعايا مبلغ عايز اشترى بيه سيارة سعرها مناسب وامكانيتها مناسبة لظروفى ومفهاش تنكولوجيا معقدة واى ميكانيكى بره التوكيل يقدر يشتغل فيها .. وتحمل اسم شركة عريقة .. وايضا توافر لقطع غيار .. ووسائل امان .. وقوة فرامل .. ولها مراكز صيانة كثيرة وبتنافس بعضها للوصول لراحة وارضاء العميل .. فحيكون نيسان صنى .. وعشان كدا بنرشح السيارة وفقا لذلك .. وايضا لما بنتكلم عن الوكلاء بنشكر وبنتكلم بشكل محترم .. لاننا فى المقام الاول ملاك لسيارات نيسان وبنتعامل مع هؤلاء الوكلاء على ارض الواقع وبنجد منهم كل رعاية واهتمام حتى فى وقت قصورهم ووجود سلبيات بيعترفوا بيها .. فعشان كدا انا وضحت رائى فى هذه الجزئية عشان اغلب الناس اللى بتقول ليه بندافع عن هذه السيارة بشكل عام وعن الوكيل
نرجع تانى للسوبر صالون الجديدة وكمان الاى اكس اول فئة اتوماتيك
سوف يتم معالجة كل السلبيات التى وجدت فى التقفيل حتى الان .. واى عميل كان عنده مشاكل حتتحل فى اقرب فرصة .. واللى كان بيشتكى من التزيق .. قريب جدا لما يتوافر القطعة اللى حتتغير فى الضمان حيبعتوا للعملاء اللى بيشتكوا منها عشان يغيروها
بخصوص السوبر صالون
تاخير نزول السيارة الى اخر اكتوبر والغالب فى شهر 11 بعد العيد .. عشان يسلموا العملاء اللى حاجزين السيارة ال اى اكس من فترة .. لان فى طلبات حجز كبيرة على الاتوماتيك اول فئة من قبل طرحها فى شهر 6 اللى فات .. فاعتقد اخروا طرح السوبر صالون عشان كدا وعشان مكينش فيه ضغط عليهم
سعر السوبر صالون
بعد الزيادة اللى حصلت فى الاى اكس اول فئة اعتقد ان كلنا بذكائنا خمنا حيكون سعرها كام .. وحيكون سعرها مناسب للجميع
وقبل طرحها بفترة قصيرة
اخدت وعد من نيسان ان حيكون عندنا مواصفتها بالكامل عشان نقدر نتكلم بشكل رسمى ويكون عندنا السبق كالعادة
نصيحة
بلاش نعمل ضغط فى كثرة السوال ونفضل ندور على مصادر من معارض خاصة او حتى موزعين .. لاننا حنسمع اسعار مش حقيقية وممكن مواصفات مش صحيحة .. وفى الاخر العملاء والاعضاء حيسخنوا وياخدوا انظباع مش صحيح ونعمل بلبلة ..
خالى كل حاجة بوقتها باذن الله .. عشان دقة ووفرة وسهولة المعلومة وتاكيد الخبر .. بشكل صحيح .. وبلاش نتسرع فى نزول اى حاجة عشان التقفيل يكون جيد .. وكمان مش نشجع الاوفر برايس
وان شاء الله حيكون خير
تحياتى للجميع
واسف على الاطالة
تحياتى وتقديرى .... وعذرا لو كنت نقلت من مصدر وهو مدير نيسان عبد اللطيف جميل اسكندريه والى كان فى اعتقادى ان كل مايقوله هو صادق فيه ولكن اعتقادى خاب.
اما بخصوص التقفيل ارجو توصيل ملاحظة عدم وجود كارتير فبر يفصل بين الرفرف الامامى والفانوس وعدم وجود سىء فى المنظر وكمان عرضه لدخول الاتربه ومياه الشتاء حتى الابواب الاماميه
تحياتى مره اخرى وفى انتظار السبق
ابو حميد
كيف احوالك
تسلم ايديك على الموضوع
واعتقد ان لو نيسان فكرت ان السعر يكون من 112 الى 114 تقريبا ستتحول الى مقارنات اخرى واعتقدى محبى نيسان سيتحولو الى فئات اخرى والله اعلم
متابع الموضوع و مستنى السوبر صالون
وصلتني معلومة من مصدر موثوق به ان التيدا اوتو اول فئة لن تنزل و ذلك لدعم الصني سوبر صالون اللي حتنزل قريب و اللي سعرها مش حيكون بعيد قوي عن الصني - فتم استبعاد الفئة الاولي من التيدا
هل الخبر صحيح خاصه ان فعلا اوتو اجيبت و كل الموزعين ما عندهمش غير الفئة الثانية ؟
حبيبى يا هيما .. كيف احوالك واخبار المذاكرة .. وكيف صحة الوالد .. اتمنى انك توصله تحياتى
اعتقد بردوا يا هيما لو الصنى الجديدة وصل سعرها 112 الف او 113 الف مثلا حتكون منافسة
لانها واسعة وفيها عوامل امان وفيها اوبشن بردوا مطلوب .. وسعرها مقارب لظروف وامكانيات اى حد عايز عربية فيها امكانيات كتيرة وتبع شركة سمعتها كبيرة .. غير طبعا خدمة ما بعد البيع
مفيش اعذار يا حسام باشا ولا حاجة .. ياريت بس تقول للمدير ده ازاى الصحة .. انا عارف انك انت مش عليك لوم .. لكن عيب منه هو انه يقول على لسانه كلام مهم وياريت يكون طلع حقيقى حتى .. وكان عايز يدبس الناس فى شراء العربية فى التوقيت ده باوفر برايس
وبخصوص اى اقتراحات فى العربية .. عملتلك ياباشا موضوع فى القسم ادخل واكتب كل الاقتراحات اللى فى نفسك عشان حنوصلها للمسئولين فى نيسان الوكيل باذن الله
لسه الفئة دى مش اتطرحت فى السوق او اتفتح باب الحجز عليها
وموضوع ان اى موزع بيقترح على العميل انه يحط لونين عند حجزه للسيارة .. لتسهيل سرعة الاستيلام عليه
يعنى ممكن تكون مختار لون احمر وفضى .. وحتستلم كمان شهرين .. وفى عميل اخر حاجز قبل منك و مختار فضى ولما وصلت العربية غير رايه ومش عايز اللون وحابب يغير اللون وياخد لون اخر وينتظر .. فساعتها حيقولوا لحضرتك ان توفر اللون الفضى البديل الثانى اللى حضرتك طالبه قب المعياد المتفق عليه .. وساعتها ممكن تستلم اللون البديل فى خلال 3 اسابيع على سبيل الميثال .. بدل من شهرين .. بس فعشان كدا الالوان البديلة بتسهل جدا معاد الاستيلام
تحياتى