خبر عاجل .. انباء عن زيادة اسعار الصنى الشكل الجديد .. وقرب طرح السوبر صالون

**عقاري الصوابر** · 09-09-2012 03:17 AM

أ/ أحمد هو موديل 2012 موجود حاليا وكم سعره أول فئه من الأتوماتيك وعند مين في المعارض وشكرا

**hossam_elwani** · 09-09-2012 03:20 AM

المشاركة الأصلية كتبت بواسطة ahmed.tv

احتمالية زيادة اسعار الصنى الشكل الجديد مستقبلا

بزيادة تتراوح من 2000 الى 3000 جنيه واذا تم زيادة مستقبلا سوف تكون ملعنة من الوكيل نيسان ايجيبت

ومن المتوقع ان تكون هذه الزيادة اذا نفذت سوف تكون فى خلال شهر اكتوبر

الاهم والذى ننفرد به انه

سوف يشهد الشهور القادمة قريبا جدا طرح االفئة الجديدة السوبر صالون من الصنى الشكل الجديد

والتى نتوقع انها حتكون فى رنج 113 الى 116 الف بالكتير .. ولن نضع اسعار تفصيلية نظرا لعدم اعلان نيسان رسميا عن الاسعار وايضا لان نيسان ممكن تقدم مفاجاءة سارة لعملائها بخصوص الاسعار على اخر لحظة

والكماليات فى الفئة الجديدة

جنوط سبور + سبويلر خلفى على الشنطة + نواكل داخلية + ونواكل خارجية + ومالتى فنكشن فى الطارة + بلوتوث + وايضا عدادت مختلفة عن العدادت الحالية مثل اللى بتنزل بره مصر واللى كانوا بيتمنوها الاعضاء + احتمال كاسيت 6 سى دى وفيه ام بى ثرى + احتمال وجود كافر اشارات

ومش حينزل فيها التكيف التاتش الديجيتال والاستارت انجن ..

ولسه لغاية دلوقتى مفيش اخبار عن تغير الكاوتش الماكسس الى بريدج ستون .. وان كنت اتمنى انه ينزل فى الفئة الاعلى

وان شاء الله كل العملاء اللى كانوا حاجزين فى الشهور القديمة .. ولسه مستلموش .. نيسان بتعمل جاهدة على تسليم كل عملائها اللى متاخرين خلال شهر سبتمبر واول شهر اكتوبر ..

اما بخصوص السوبر صالون .. حتكون متوفرة باذن الله فى خلال منتصف شهر اكتوبر .. ومش حيكون عليها اى تاخير فى طلبات الاستلام باذن الله

ولو فى اى اخبار جديدة حوافيكم بيها
وده كل اللى عندى فى الفترة الحالية واقدر اصرح بيه

تحياتى
احمد مصطفى

شكرا استاذ احمد على المعلومه الجميله دى

سؤالى هو ايه النواكل الى حتبقى زياده من بره بخلاف المقابض الى موجوده اصلا فى الفئه العاديه

وكمان هل معلومات العدادات الليد مؤكده ؟؟

وانا مازلت حاجز هل ممكن احول الحجز على السوبر صالون من دلوقتى واكون من اوائل المستلمين ؟؟

**Dr_MaTrix** · 09-09-2012 03:22 AM

المشاركة الأصلية كتبت بواسطة ahmed.tv

انا معاك فرق ال13 الف كتير .. مع ان العربية فيها نسبة مكون محلى 40% وبتتجمع هنا الا وانه كتير بردوا .. وكان مفروض السوبر صالون تكون اقل من كدا
فخليك فى الاى اكس
طيب قولى .. هو معرض السبع اللى فى المنصورة اللى حضرتك حاجز فيه .. هو هو نفس المكان فى اللى فيه الصيانة .. ولا ايه

لا مش نفس المكان ده فى منطقة وده فى منطقة تانية خالص ما بينهم مسافة كبيرة

وان حاجة خلتنى صراحة ميال للصنى اول حاجة سعرها 100 الف على الامكانيات اللى فيها انما كده كبرت شوبة

**MohammedAladel** · 09-09-2012 07:19 AM

العربية دى نازلة تنافس بصورة عملية لكن للأسف كان ناقصها شكل أفضل من كدا وتصميم أعلى المفروض إنها تنافس الشارك والسيراتو والإلنترا لكن للأسف شكلها مش حلو ولكن سعرها كويس برضه

**masterzmind** · 09-09-2012 10:25 AM

مش عارف بس حاسس انها غاليه اووووووى كدة

**ahmed452003** · 09-09-2012 10:29 AM

يعني ابقى حاجز من 27 /6 ولسه مستلمتش وتزيد كمان ماكنت اشتري بالاوفر برايس واريح دماغي من الانتظار والقرف ده!!!!!!!!!!!!!!!!!!!!!!!!

**Elsebily** · 09-09-2012 11:56 AM

المشاركة الأصلية كتبت بواسطة ahmed452003

يعني ابقى حاجز من 27 /6 ولسه مستلمتش وتزيد كمان ماكنت اشتري بالاوفر برايس واريح دماغي من الانتظار والقرف ده!!!!!!!!!!!!!!!!!!!!!!!!

أنا اعتقد اني الزياده دي مش هتكون علي اللي حاجزين قبل كده

**dodyam** · 09-09-2012 12:41 PM

أنا حاجز و المفروض هأستلم خلاص الأسبوع ده ان شاء الله
لما فكرت في الهاى لاين بفرق سعر من 14 الى 16 ألف شايف انهم كتير على الأوبشنز دى

يعنى لو اشتريت من بره جنوط سبور و كاوتش بريد جستون و كمان اشتريت مالتى فنكشن بيركب على الطارة و ام بى ثرى مودليتر و فيه يو اس بى

القصة دى كلها هتكلف كام نقول 6 آلاف جنيه ...... يبقى أدفع ليه 14 ألف

متهيألى بالنسبة ليا الفرق برضه كتير و كده الصنى هتفقد ميزة السعر
ولا انتم ايه رأيكم يا شباب علشان الواحد برضه بتلعب فى دماغه الهاى لاين

يا ريت تنصحونى يا جماعة

**saint2011** · 09-09-2012 01:06 PM

المشاركة الأصلية كتبت بواسطة dodyam

أنا حاجز و المفروض هأستلم خلاص الأسبوع ده ان شاء الله
لما فكرت في الهاى لاين بفرق سعر من 14 الى 16 ألف شايف انهم كتير على الأوبشنز دى

يعنى لو اشتريت من بره جنوط سبور و كاوتش بريد جستون و كمان اشتريت مالتى فنكشن بيركب على الطارة و ام بى ثرى مودليتر و فيه يو اس بى

القصة دى كلها هتكلف كام نقول 6 آلاف جنيه ...... يبقى أدفع ليه 14 ألف

متهيألى بالنسبة ليا الفرق برضه كتير و كده الصنى هتفقد ميزة السعر
ولا انتم ايه رأيكم يا شباب علشان الواحد برضه بتلعب فى دماغه الهاى لاين

يا ريت تنصحونى يا جماعة

الهاى لاين هيبقى بكاوتش ماكسس برضه مش بريدج ستون ثانيا انا ميفرقش معايا فى كل الأوبشنز الزيادة دى ألا الجنوط الأسبور ودى ممكن أركبهم فى التوكيل للموديل الحالى ووفر فلوسى

**hossam_elwani** · 09-09-2012 06:14 PM

المشاركة الأصلية كتبت بواسطة saint2011

الهاى لاين هيبقى بكاوتش ماكسس برضه مش بريدج ستون ثانيا انا ميفرقش معايا فى كل الأوبشنز الزيادة دى ألا الجنوط الأسبور ودى ممكن أركبهم فى التوكيل للموديل الحالى ووفر فلوسى

وهيا العدادات الليد تتساب ياراجل

الموضوع: خبر عاجل .. انباء عن زيادة اسعار الصنى الشكل الجديد .. وقرب طرح السوبر صالون

LinkBack

أدوات الموضوع

عرض

-

-

-

-

-

المواضيع المتشابهه

هل يوجد بار الأتزان فى السوبر صالون مثل الشكل القديم

خبر عاجل .. انباء عن زيادة اسعار الصنى الشكل الجديد .. وقرب طرح السوبر صالون

هل السوبر صالون مستمره و نزول الهايلاين من الشكل القديم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

عاجل :::: الصنى الشكل الجديد الخليجى موجود فييييين ....

زيادة اسعار اللانسر الشكل الجديد 2008 مرة اخرى

الكلمات الدلالية لهذا الموضوع

المفضلات

المفضلات

ضوابط المشاركة