خبر عاجل .. انباء عن زيادة اسعار الصنى الشكل الجديد .. وقرب طرح السوبر صالون

احتمالية زيادة اسعار الصنى الشكل الجديد مستقبلا

بزيادة تتراوح من 2000 الى 3000 جنيه واذا تم زيادة مستقبلا سوف تكون ملعنة من الوكيل نيسان ايجيبت

ومن المتوقع ان تكون هذه الزيادة اذا نفذت سوف تكون فى خلال شهر اكتوبر


الاهم والذى ننفرد به انه

سوف يشهد الشهور القادمة قريبا جدا طرح االفئة الجديدة السوبر صالون من الصنى الشكل الجديد

والتى نتوقع انها حتكون فى رنج 113 الى 116 الف بالكتير .. ولن نضع اسعار تفصيلية نظرا لعدم اعلان نيسان رسميا عن الاسعار وايضا لان نيسان ممكن تقدم مفاجاءة سارة لعملائها بخصوص الاسعار على اخر لحظة


والكماليات فى الفئة الجديدة

جنوط سبور + سبويلر خلفى على الشنطة + نواكل داخلية + ونواكل خارجية + ومالتى فنكشن فى الطارة + بلوتوث + وايضا عدادت مختلفة عن العدادت الحالية مثل اللى بتنزل بره مصر واللى كانوا بيتمنوها الاعضاء + احتمال كاسيت 6 سى دى وفيه ام بى ثرى + احتمال وجود كافر اشارات


ومش حينزل فيها التكيف التاتش الديجيتال والاستارت انجن ..


ولسه لغاية دلوقتى مفيش اخبار عن تغير الكاوتش الماكسس الى بريدج ستون .. وان كنت اتمنى انه ينزل فى الفئة الاعلى


وان شاء الله كل العملاء اللى كانوا حاجزين فى الشهور القديمة .. ولسه مستلموش .. نيسان بتعمل جاهدة على تسليم كل عملائها اللى متاخرين خلال شهر سبتمبر واول شهر اكتوبر ..


اما بخصوص السوبر صالون .. حتكون متوفرة باذن الله فى خلال منتصف شهر اكتوبر .. ومش حيكون عليها اى تاخير فى طلبات الاستلام باذن الله


ولو فى اى اخبار جديدة حوافيكم بيها
وده كل اللى عندى فى الفترة الحالية واقدر اصرح بيه

تحياتى
احمد مصطفى

مش عارف هل رينج السعر ده هايبقى فى اقبال على السياره

ممكن كانت ١١٠ الف كويس على الحجات دي

اعتقد لو ١١٤ او ١١٦ فى ناس هاتميل انها تروح للريو او rb

ده مجرد رائي

شكرا احمد بيه على الاخبار الحصريه

شكرا يا احمد علي الاخبار الحصرية الجامدة ديه بس كنت عايز اعرف هي الجنوط السبور هل هي متوفرة دلوقتي لأني عجبني شكلها جدا لو هي الصور اللي علي النت و بفكر اني اشتريها لعربيتي

على ما اعتقد هى يا بيشوى .. فعلا صحيح انت نقصك جنوط سبور ..

انا معاكم انا شايف ان كويس عليها لغاية 113 الف بالكتير على الكماليات دى .. عشان يفرق عن اللى قبلها 10 الاف جنيه
عشان طبعا الجنوط .. لان الجنوط لما بتكون اصلية بتعلى من سعر العربية .. وكلنا عارفين ده .. وطبعا مع شوية الدلع اللى عملينه من عدادت ونواكل حتخلى شكل العربية مش فقيرة .. بس دخلوها فى منطقة 115 الف حيزعل الناس ..


بصراحة لو كانت نزلت ب116 الف ومع الكماليات اللى عرفناها لغاية دلوقتى دى يزودوا فيها فاميه وتكيف ديجيتال مع نظام التشغيل الاستارت انجن .. كان حيكون عليها طلب وطلب جامد جدا ..


بس حنعمل ايه .. ادينا متابعين .. نيسان دايما بتعمل مفاجاءت على اخر لحظة .. ووارد ان كل حاجة تتغير على اخر لحظة

والله المستعان

و يا تري اللي حاجز علي السعر القديم ايه الوضع
هيستلم بالسعر القديم و لا الجديد

http://img17.imageshack.us/img17/398...ideprofile.jpg

مش كتير ؟!!

اقتباس:

---

المشاركة الأصلية كتبت بواسطة ahmedkadry2020

و يا تري اللي حاجز علي السعر القديم ايه الوضع
هيستلم بالسعر القديم و لا الجديد

---

بص .. هو حسب كل موزع ما بيعمل ايه دلوقتى
بس قبل ما احكيلك حقولك حاجة .. المفروض ان اللى حاجز ب1000 جنيه ده مش عمل تثبيت سعر .. لان عشان تعمل تثبيت سعر لازم تدفع ربع تمن العربية .. وده عرف معروف فى اى مكان

لكن
الموزعين المعتمدين المحترمين .. اللى كانوا حاجزين الناس عندهم من فترة .. وبيهتموا بالعملاء بتعوهم وعايزين يرضوهم .. بيضطروا يسملوهم على نظام الحجز اللى دفعينه ان شاء لو كان ب500 جنيه

ولو عميل دلوقتى رايح يحجز الفترة الجاية .. بيمضوه اقرار ان انت حتحجز ب1000 جنيه .. وانك موافق ان لو السعر زاد رسميا من نيسان الفترة الجاية وقت انتظارك .. يبقا حتتحمل الزيادة

كلامى ده كله عن اللى سمعته وشوفته بعينى مع العملاء

تحياتى

اقتباس:

---

المشاركة الأصلية كتبت بواسطة peaceman

http://img17.imageshack.us/img17/398...ideprofile.jpg

---

برنس يا بيشوى .. دايما حاضرررررررر
انا خايف على جنوطى من الحسد .. انا عارف ان فى واحد عينه عليهم ههههههههههههه
ياسلام بقا تشوفلنا واحدة فيها الاسبويلر الخلفى
وصورة فيها العدادت والنواكل الداخلية

ويارب يغيروا الكاوتش بالمرة يخلوها بريدج ستون

ادعوا معايا

اقتباس:

---

المشاركة الأصلية كتبت بواسطة mohammedgido

مش كتير ؟!!

---

هى فعلا كتير .. بس العرف فى نيسان ايام الصنى القديمة .. كان بيكون فى فرق بين الاى اكس والسوبر صالون من 8 الاف الى 10 الاف جنيه

بس احنا بنقول كتير ليه .. عشان حتقرب من عربيات منافسة ليها فى نفس الفئة السعرية

عشان كدا كنت بقول اخرها 112 الى 113 حلو اوى

ولو كان زودوا اللى قولت عليه ووصلوها الى 116 الف بالانجن ستارت والتكيف الديجتال كان ممكن تبيع اكتر

يا عالم ايه المستخبى قدام

انا بصبركم باللى بعرفه .. واول ما اعرف حاجة تانية .. او يتاكد الكلام .. اكيد حبلغكم بالجديد