خبر عاجل .. انباء عن زيادة اسعار الصنى الشكل الجديد .. وقرب طرح السوبر صالون

**Ahmed.TV** · 09-09-2012 09:03 AM

انباء عن زيادة اسعار الصنى الشكل الجديد ..
وقرب طرح السوبر صالون

انباء عن زيادة الصنى الاتوماتيك الشكل الجديد بزيادة تتراوح من 2000 الى 3000 جنيه والزيادة ستكون من سعر الوكيل

ويمكن والمقترح الزيادة حتكون فى خلال شهر سبتمبر او فى خلال شهر اكتوبر

وسوف تشهد الشهور القادمة قريبا جدا طرح االفئة الجديدة السوبر صالون من الصنى الشكل الجديد

والتى نتوقع انها ستكون فى رنج 114 الى 116 الف بالكتير .. ولن نضع السعر الرسمى نظرا لعدم اعلان نيسان رسميا عن الاسعار

والكماليات فى الفئة الجديدة
جنوط سبور + سبويلر خلفى على الشنطة + نواكل داخلية + ونواكل خارجية + ومالتى فنكشن فى الطارة + بلوتوث
+ وايضا عدادت مختلفة عن العدادت الحالية مثل التى توجد خارج مصر وهى ما يتمناها الاعضاء + احتمال كاسيت 6 سى دى وفيه ام بى ثرى

ولن يتوفر بها التكيف التاتش الديجيتال والاستارت انجن ..

ولا يوجد حتى الآن اخبار عن تغير الكاوتش الماكس الى بريدج ستون .. وان كنا نتمنى ان ينزل فى الفئة الاعلى

وان شاء الله كل العملاء الحاجزين فى الشهور القديمة .. ولازالوا فى انتظارالاستلام .. نيسان تعمل جاهدة على تسليم كل عملائها المتاخرين خلال شهر سبتمبر واول شهر اكتوبر ..

اما بخصوص السوبر صالون .. ستتتوفر باذن الله فى خلال شهر اكتوبر .. ولن يكون هناك اى تاخير فى طلبات الاستلام

وسنوافيكم بكل جديد ان شاء الله

**akmm** · 09-09-2012 10:46 AM

شكرا للمعلومه ... ونيسان سياره محترمه .

**HAITHAM1985** · 09-09-2012 02:57 PM

يا حالللولى ............ لو التكييف كان تاتش ........ كنت بقيت مظأطط .......... بس مش مشكلة ........ هاشتريها بردوه ما دام أحمد باشا متحمس لها

**Ahmed.TV** · 09-09-2012 06:09 PM

تسلم يا استاذ هيثم على كلامك الطيب وعلى تقديرك الغالى .. انا متحمس دايما للاعضاء وبعد كدا لنيسان
لان اعضاء المنتدى ناس محترمين ويستهلوا كل خير

وشركة نيسان من الشركات المحترمة اللى بتقدم خدمة ما بعد البيع على اكمل وجه .. وكمان دايما سياراتها بتنافس .. بسبب سمعة الشركة المحترمة وبسبب كمان ان سعر الصنى دايما سعر تنافسى وفى منتاول الجميع
وده اللى بتحرص عليه الشركة والقائمين عليها

ويمكن نسمع مفاجاءت قريبة وتكون فى صالح العملاء باذن الله

**szaalouk** · 09-09-2012 10:46 PM

شكل موضوع الزيادة ده حايطبق عن قريب يا احمد باشا
انا لسه حاجز يوم ٥ سبتمبر عند واحد من كبار الموزعين و انكتب في وصل الحجز بالحرف :
تحت حساب سياره نيسان صني اوتوماتيك الشكل الجديد موديل ٢٠١٣
و السعر حسب السعر المعلن وقت الاستلام من نيسان مصر .

يعني كده الواحد و نصيبه ساعه الاستلام و المده المحددة عن لسان مندوب البيع
انها بحد اقصي ثلاثة اشهر و ربنا يصبرنا و يهون الوقت علينا كلنا .

**sherif222** · 12-09-2012 03:49 PM

موضوع اكثر من رائع ... شكرا

**Ahmed.TV** · 17-09-2012 01:36 AM

المشاركة الأصلية كتبت بواسطة szaalouk

شكل موضوع الزيادة ده حايطبق عن قريب يا احمد باشا
انا لسه حاجز يوم ٥ سبتمبر عند واحد من كبار الموزعين و انكتب في وصل الحجز بالحرف :
تحت حساب سياره نيسان صني اوتوماتيك الشكل الجديد موديل ٢٠١٣
و السعر حسب السعر المعلن وقت الاستلام من نيسان مصر .

يعني كده الواحد و نصيبه ساعه الاستلام و المده المحددة عن لسان مندوب البيع
انها بحد اقصي ثلاثة اشهر و ربنا يصبرنا و يهون الوقت علينا كلنا .

شريف باشا .. اخبارك ايه
يارب تستلم على خير وفى اقرب وقت
كلامك مظبوط لان اللى اكد الكلام ده العملاء اللىب يحجزوا زى حضرتك والموزعين
وان شاء الله يكون فى مفاجاءت وجديد من نيسان .. اللى بتهمها فى المقام الاول عملائها
ودايما اسعارها منافسة وبتنافس بقوة